撈左按揭好耐，你問我答（8）

樓主你好，我同女朋友月入加埋54k，我係測量師，女友係政府工ACO

Target買600-650萬已補地價居屋，樓齡20-22年，可以做9成按嗎？如果700萬，做8成5得唔得？

另外想問下，未結婚可唔可以落兩個人名一齊買樓？定係要一個做業主，另一個做擔保人？

多謝博士！ 剛同女朋友買了555萬的單位🙏🏿 輕鬆好多了

博士你好，我同女友加埋月入47k,公務員，想買600-650萬樓，最小要有幾錢首期先穩陣

你好👋🏻
我38k, 只有1.2m
如果自己一個，咁嘅情況最多可以借到幾多？

想問問樓主
如果我揾22k, 女友揾40k
想借6.3m 9成/8成，會唔會好難做按揭？

博士你好，想問問如果銀行月結單公司每月出糧比我無寫明係salary,係未會唔認我依畢錢係計月薪，但我稅單係全齊的

按保公司近日減少左按揭保費折扣喇～請注意：

一般過到壓測之申請人：
（首置人士的供款與入息比率不超過 50%及「+3%壓測」後入息比率不超過 60%）
按揭保費折扣由6折，減至65折~

爆壓測之申請人：
（首置人士的供款與入息比率不多於 50%但「+3%壓測」後入息比率已超過 60%）
按揭保費折扣由66折，減至71折～

以800萬物業，按9成，即貸款額720萬，貸款年期30年為例：
一般過到壓測之申請人：按揭保費折扣由6折，21.6萬；減至65折，23.4萬~
未能通過壓力測之申請人：按揭保費折扣由66折，23.76萬；減至71折，25.56萬～

或者你會問，保費折扣折少左會唔會影響壓測計算嫁？放心，答案是不會的。如要加借保費，銀行壓測係以保費正價計算的～用翻以上例子，800萬按9成，年期30年，正價保費係5%，即36萬，如要加借保費係以720萬+36萬＝756萬貸款額計算壓測，即通過壓測所需月入要$71,042。

不過小秘書要提一提大家如果大家想行未能通過壓力測嘅申請，請預先問清楚你嘅情況穩唔穩陣，因為銀行係case by case批爆壓申請，如果你係高危職業、非穩定月薪等，好大機會借唔足喇～
--小秘書 @DrLoan

想問下仲有p loan 要早幾多還哂先唔影響批按揭？

博士你好

借款人26歲，首次置業，按揭9成，樓價540萬。
信貸評級B，職業sales，固定底薪$16000，佣金每個月唔同，底薪+佣金平均月薪$28000。
加兩個擔保人，擔保人1: 丈夫，28歲，固定月薪$21500，有雙糧（合約有寫明保證有），擔保人2: 老爺，56歲，固定月薪$23000，兩個都無債務，無香港物業。

請問按揭批既機會幾大？

唔該

博士你好，可否幫幫手，睇睇小弟#236個問題，感謝

可能你太早簽左offer，銀行可以幫你hold offer，但要你補出糧文件證明仍然在職，依種做法係依家時勢都係正常～touch wood補唔到銀行會彈弓手的，正常冇左份工銀行都唔會批，解決方法唯有加借款人/擔保人重批祝你順順利利撐到成交
-小秘書 @DrLoan

請睇#263
依家冇左6折了，變左65折，除非超靚料客銀行先會嘗試幫你爭取～
6m按8成就要6m*80%*2.15%
6m按9成就要6m*90%*5%
不過要注意加借保費嘅壓測都要用正價計
-小秘書 @DrLoan

若然巴打想加另一半做擔保,而另一半又將會加double 人工的話
只要壓測夠計,咁理論上係可以既,但要留意幾點:
1)按揭成數會減低一成,即本身最高做9成會變成8成。
2)每月供款額計法,會運同另一半入息加埋計，包括另一半正在供樓的貸款,當成一個單位去計 DSR既。即是比率上會變成至40%及50%
3)另一半既職業,若然係大公司/政府工穩穩定定,糧單上有寫明既,有幾間鬆手少少的銀行都會較易受理。有CASE試過係做高成數按揭,銀行可以用跳POINT一個月人工計算壓測,唔洗等齊三個月文件先申請。
計唔掂數再問我!


---------按揭小書僮@Missmeow88

想問借按揭, 係咪要清哂啲月供卡數同月供私人貸款先去申請會易啲借足?

因預批要花上銀行唔少資源同時間。
好多時banker都會白費功夫，所以現時都無銀行再肯做預批了。
如要計到最盡按揭成數,就要用每月擔保人還款額連同計入,
留意供款佔入息比率及同壓力測試，就需要分別下調一成去計，
即比率至40%及50%。唔超過比率就係向銀行借到既錢。
有唔明再問我~
--按揭小書僮@Missmeow88

1.唐樓唔係所有銀行都肯做，一黎樓齡大未必按得足30年，要用75-，一定要嚴選銀行，同埋你預利息有可能貴少少
2.巿場上有少部分銀行可以重按清數套現，即p loan可唔計入壓測，dd完銀行直接幫你清埋p loan，順便套現，以你月入借6成都冇難度（6成以上經按保就難啲，因為唐樓），不過要搵指定銀行做
3.touch wood冇重按清數套現銀行肯做，就要行正常計p loan入壓測plan，咁你實過唔到壓測，一定要全清筆p loan先，清完就過到壓測，都係要嚴選銀行先做到
4.其實都唔算難做呀，除非你層唐樓有契約/業權/order問題啦～我估個中介係見你細loan size所以....
有咩唔明就tg問下啦～
-小秘書 @DrLoan

爸爸媽媽層樓想做幾多成按揭?
如果想拉長按揭年期,都會有80-既鬆手銀行介紹到俾你。
當然,巴打做家人既擔保人係可以拉長還款年期,
但若然你日後會同女朋友有買樓既打算,就唔係太建議了。

因為壓力測驗計法會直接影響,爸媽供緊層樓亦會計入你既債務還款,
而且按揭比率同成數會降低一成,即你買樓時最高做到8成按揭,
另外每月供款不能超過入息40%, +3厘後壓力測試比率不高於50%。
要小心計好數

by 按揭小書僮@Missmeow88

本身個plan H+1.28,而家過左罰息期，係咪點計轉按都無著數？

博士你好
想請教新居屋按揭
如果曾經破過產有無得救