話說今日我book左食夜晚自助餐，當時我車住我父母去到酒店正門放低兩老。
係呢個時候我想酒店泊車職員幫我泊返架車，點知我落車諗住興奮地放低車匙就上去食自助餐，呢個時候個hotel icon泊車職員就走埋黎同我講話我呢部係咪貨van黎？
我就話係啊，做咩事？（心諗有分別咩）佢就同我講叫我以後唔好再楂架貨van黎我地酒店，我地酒店唔泊貨van既
呢一刻我已經o曬咀，我心諗我做錯左咩？我都係黎消費食自助餐炸播
唔通我唔係楂泊係門口果部法拉利就要比你咁樣睇少？定係我唔係你地最鐘意既大陸人就好失望？
之後我行左幾步聽到個職員同佢同事講叫個同事將我部車泊埋一邊收埋佢唔好比人見到，我即刻嬲到爆炸，究竟呢一間酒店嘅職員服務態度發生左乜嘢事？點解可以咁白鴿眼狗眼看人低？我自問楂果部係歐洲van，個樣又唔差，我得罪左你間酒店啊？
之後我入去酒店櫃檯投訴，講返呢一件事情，點知櫃檯女職員嚇到o咗嘴。因為佢都諗唔到個泊車職員會咁樣同我講野
我成餐飯都唔係好食得落野，我無諗過開開心心黎hotel icon酒店同爸爸慶祝生日，會受到個職員既無禮對待
事後個酒店經理只係送返個蛋糕就想了事，我就同經理講你呢刻送個蛋糕比我係一啲幫助都無，我係想個泊車職員同返我親口道歉，而個經理就急急腳叫個泊車職員提早收工就諗住結束左今日件事
事後個經理 Kelvin ma馬建業 仲好誇張咁作左個大話，話果個泊車職員個老婆啱啱係醫院生左個bb要訓氧氣箱，之後佢又自打嘴巴話呢個係借口黎， 究竟呢一間酒店嘅公關發生咗啲乜嘢事
最後我想同各位有楂車既巴絲講，呢間hotel icon泊車職員非常之白鴿眼狗眼看人低，如果唔係楂林寶，法拉利，波子等等名車，請唔好去泊係佢地酒店，否則會比佢地職員睇唔起
