《香港傭兵》(51)

1001 回覆

14 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

長崎良鎂 2020-09-24 17:22:55

飛揚 2020-09-24 17:48:34

咁早放工咩

長崎良鎂 2020-09-24 18:05:15

收工等拖文

飛揚 2020-09-24 18:09:51

涼快校對

可愛妹妹仔 2020-09-24 18:59:57

文

飛揚 2020-09-24 19:00:12

出

飛揚 2020-09-24 19:00:24

上回講到飛揚數到三，大家都係唔肯收返埋把刀～
飛揚就冇佢哋咁好氣～唔收就用嚟當電筒啦～
梓翹斟完水～飛揚都拎杯嚟飲～
日倫仲係唔放心...不過飛揚就覺得冇嘢嘅～
飛揚問起羅羅佢哋點會上咗嚟？
原來係俾Owner點咗過嚟！
諗住Owner曾經係預行者吖嘛～點知一過到嚟就見到梓翹同子茵！
日倫早知佢哋兩個唔簡單！所以立即精神化！
梓翹就話佢哋太敏感喇～
鼎鼎大名嘅偶然同必然喎！唔敏感就假！
羅羅都問飛揚點解會同逆行者一齊...
飛揚就簡單咁解釋返啦～
一切看似偶然...其實係必然...所謂嘅偶然之必然...
日倫想追問梓翹仲知到啲乜！
梓翹帶住微笑點點頭：「我哋而家逆行者...其實都係同SPIRIT時候一樣...都係只需要知道自己需要知道嘅事就足夠～」
日倫接住問：「咁係邊個指使你哋？」
梓翹帶住微笑打量住日倫：「宋本木～」
宋...伯伯...係喎！
『宋本木佢而家喺邊？』既然宋伯伯知咁多嘢...不如直接問佢！
就喺呢個時候...
「你搵我吖？」宋伯伯把聲由背後出聲...
飛揚...綽姿...羅羅同日倫一齊擰轉頭...望住門口...
門口就正正...企咗一個身影...
跟住嘅劇情發展又會係點呢？

準備出文

飛揚 2020-09-24 19:00:57

喺背光之下...呢個身影就好似聖光一樣...發出光芒...

發光一樣嘅身影行前兩步...就可以清楚見到身影主人就係...

『宋本木...』我望住著住白色長袍...白色頭髮Undercut髮型...帶住慈祥微笑望住我嘅宋伯伯...

「我哋又見面喇～少年...」宋伯伯再行近多兩步...

羅羅同日倫立即提高戒備...

「唔使咁緊張～」宋伯伯攤開雙手，「唔使咁緊張～都上得嚟咯～仲需要緊張啲咩呢？」

飛揚 2020-09-24 19:02:02

日倫打量住宋伯伯：「宋本木...天門...唔止...仲有係逆行者嘅最高決策人...我哋又點可以唔緊張？」

「唔係唔係...」宋伯伯帶住慈祥嘅微笑擰擰頭，「我諗你搞錯咗啲嘢...我所指嘅都上得嚟...係指你哋都肉隨針板上～仲要緊張啲乜呢？」

肉隨...針板上...

即係話...死到臨頭...緊張嚟都冇用...

「不過話分兩頭...」宋伯伯都行埋嚟餐檯，拎起杯水飲一啖，「亦即係話上得嚟都冇對你哋點...咪即係唔會點囉～」

又話上得嚟都冇對我哋點...又講到咁玄...咁即係點？

飛揚 2020-09-24 19:02:36

宋伯伯冷眼望住我：「做乜咁望住我姐？唔順吖？」

『唔係...』點敢唔順吖...肉隨針板上吖嘛...

「咁好喇～」宋伯伯飲完杯水後，放返低隻杯，「人齊就行得～」

行...行得？

宋伯伯轉身行返出門口...

梓翹同子茵都跟住行出門口...

飛揚 2020-09-24 19:03:15

仁慈都起身，拉一拉我：「行喇行喇～」

『行...行去邊吖？』我就俾仁慈半推半就咁...

仁慈再拉起埋綽姿：「咪就係要去嘅地方囉～」

要...要去嘅地方？

羅羅同日倫對望一眼之後...都跟住我哋一齊行出門口...

我哋所有人都跟住宋伯伯身後...向住右邊遠少少...座舊嘅建築物行...

飛揚 2020-09-24 19:03:51

肉隨針板上...宋伯伯唔講...我都唔覺...

不知不覺又好似身陷險境...

真係冇問題？就咁跟住佢哋行...

有冇問題都已經唔到我哋去考慮...肉隨針板上吖嘛...

之但係...而家嘅我...應該都唔算係一塊普通嘅肉...

一直向住舊嘅建築物行過去...

羅羅一直都好似...好在意梓翹...

飛揚 2020-09-24 19:04:32

一直留意住...羅羅一直凝視住梓翹...

梓翹就好似平日咁...從容不迫咁...跟住宋伯伯身後行...

至於子茵...就久唔久眼尾望一望日倫...好似對日倫好提防咁...

定係其實子茵對個個都係咁提防？

我都唔知...我都唔係好了解子茵...唔係...

應該話佢哋冇一個我係了解...

佢哋四個逆行者又好...日倫...羅羅...甚至綽姿...甚至我自己...

飛揚 2020-09-24 19:05:25

仁慈一直跟喺我哋身後行...行到入舊建築物...

真係好似夾住嚟行...

而入到嚟舊建築物...裡面殘殘舊舊...一大個空間...有一碌碌舊柱...勁多瓦礫碎石散到一地都係...

而樓底都好高...直頭見到成座舊建築物嘅天花...

唔係...再睇真...係成座舊建築物打通晒...

中間每一層...全部打通...

我仲見到柱...同牆身...仲有生晒銹嘅鐵支撐出...

飛揚 2020-09-24 19:06:11

係日久失修自己塌落嚟？

咁個頂又會唔會塌埋落嚟...

而喺成個室內空間...冇任何嘅照明系統...

就連搵盞燈睇睇都冇...

完全係靠室外嘅陽光...透過爛晒嘅窗照入嚟...

而宋伯伯就帶住我哋行...一直向住最中間...一大個鐵籠嘅位置行過去...

呢個大鐵籠...係咩玩法？

飛揚 2020-09-24 19:06:52

當行到嚟大鐵籠面前...

“咔！咔咔咔！”宋伯伯拉開大鐵籠嘅鐵閘...

宋伯伯扭扭自己隻手，擰擰頭：「唉...年紀大咗...拉開個閘都手痛...」

我哋就跟住宋伯伯行入大鐵籠...

當我哋都行晒入大鐵籠之後，宋伯伯指指個鐵閘：「幫我拉返埋佢啦～少年...」

『我？』我指一指住自己個鼻...點解係我？

飛揚 2020-09-24 19:07:45

宋伯伯再扭扭自己隻手腕：「我手痛吖～幫幫手啦～」

『哦...』我就只好幫宋伯伯拉返埋個鐵閘...

“咔！咔咔咔！啪！”

宋伯伯再指指個“向下”嘅掣：「撳埋啦～」

『哦...』我又撳撳個掣...

“咔！吱...”地板隨即向下降...

係...原來係升降機？

飛揚 2020-09-24 19:08:25

我哋一直向下...向下...慢慢向下降...

越嚟越黑...越嚟越黑...

我都...提升視力...但實際上冇乜嘢望...就只係四面殘舊嘅牆身...

『我哋而家究竟去緊邊？』一直向下降...慢慢咁向下降...

「去緊邊...」宋伯伯諗一諗，「咁心急嘅你～不如聽個故仔先啦～」

聽...聽故仔...

飛揚 2020-09-24 19:10:05

宋伯伯點點頭：「好耐好耐好耐之前...有一個人...推測呢個世上有三種原核...佢深信只要搵齊呢三種原核...呢個世界就會有所改變～」

三...三原核嘅故事？

宋伯伯繼續講：「佢決心創立一個組織...去搵呢三原核...但嗰陣時係古代...普遍嘅人只係會視作為聖物...或者係邪物...所以佢就將呢個組織...定為地下嘅宗教組織...避開當時主流嘅宗教耳目～」

地下嘅宗教組織...避開宗教耳目...

宋伯伯繼續講：「呢個地下宗教組織...就係SPIRIT～」

係SPIRIT嘅...起源...

可愛妹妹仔 2020-09-24 19:10:15

砧板呀