上回講到後面有三架黑色嘅Chevron追緊上嚟!
係國安局!
架Benz唔多夠快!
梗係啦!用電油嘅古董車又點夠未來電動車快吖?
又話夠用嚟救人~仁慈又俾宋伯伯陰咗~
冇錯喇~宋伯伯就係逆行者嘅首領!亦同Owner一樣!曾經係十二預行者之一!
不過Owner就唔係逆行者~好似話意見分歧喎~
聽偶然講要監視Today Coffee~再多啲嘅仁慈都唔知~
逆行者嘅運行模式同SPIRIT真係勁似...都係只要知自己要知嘅事就足夠...
三架Chevron越追越近!
踩爆副偈都走唔甩啦!宋伯伯仲話要錫住部車嚟揸!
仁慈谷起塊面豬登:「咁鬼錫部車就唔好俾我用嚟救人啦!個死老鬼係唔係有心玩嘢㗎?!」
睇到仁慈個嬲豬樣就覺得好好笑~
不過而家唔係笑嘅時候...
“依~吱!吱~~~”三架黑色嘅Chevron已經越嚟越近...越嚟越近...
唔得...佢哋呢架Benz始終都係用電油嘅古董...同現今成熟嘅電動引擎相比真係冇得比...
再係咁落去...真係會俾佢哋追上...
再係咁...真係唔掂...就只可以...
飛揚望住綽姿...綽姿亦望住飛揚...好似知飛揚想點咁...
或者...呢個真係一個...好方法...
跟住嘅劇情發展又會係點呢?
準備出文