《香港傭兵》(51)

座舊嘅建築物好似...係住宅？

我都唔肯定...因為都幾舊...幾殘...而且我並唔係好在意...因為有更令我在意嘅嘢...

係...嗰間木建小屋...

喺嗰間小木屋裡面...我感覺到...有兩個熟悉嘅...氣息...

其實...由我哋一駛到上嚟...我就已經感覺到...

呢兩個熟悉氣息嘅主人係...羅羅同日倫...

點會有佢哋兩個嘅氣息...佢哋都上咗嚟？

我同綽姿都跟住仁慈身後行...行向小木屋...

但行唔夠幾步...我同綽姿都立即停低...

我同綽姿...全身僵硬咁企定定...提高警覺...

因為...我感覺到...喺小木屋入面...除咗羅羅同日倫嘅氣息之外...裡面仲有...兩個熟悉帶住點點暖意嘅氣息...

呢兩個氣息嘅主人係...偶然同必然...

佢哋兩個...兩個都係喺...裡面...

仁慈擰轉頭望一望我哋：「點吖？哦～冇事㗎喎～入去啦～」

冇...冇事...

係嘅...應該真係冇事嘅...

只係一時之間...感覺到呢兩個強大敵人嘅氣息...好自然咁卻步...提高警戒...

我同綽姿都小心謹慎咁...同仁慈保持住兩個身位咁行...行近小木屋...

“依...咔咔...”當仁慈推開木門之時...我首先見到羅羅同日倫擰轉頭...

羅羅提高戒備咁望住仁慈同我講：「你哋...真係嚟咗...」

『嗯...等陣先...』我行前多兩步...望住坐喺長方形嘅木餐檯前...木凳上嘅...『梓...梓翹？！』

偶然嘅氣息...由梓翹身上發出...

唔止...唔單止梓翹...

仲有...仲有企喺梓翹身邊嘅...子茵...身上散發出必然氣息嘅子茵...

佢哋兩個...同樣著上黑色長袍...全身都有綠色粒子...仲有長袍上嘅暗花...閃著...閃著綠色光芒...

一閃...一閃...綠色光芒一閃...一閃...

點會...梓翹同子茵...點會係...

梓翹帶住微笑揮揮手：「Hi～」

『點會...點會係你㗎？』仲可以咁輕鬆Say Hi？

梓翹帶住微笑摸摸頭：「呃...點講好呢...」

子茵依然冷淡...唔出聲...

羅羅繼續提高戒備：「你哋識㗎？」

『識...識...』係唔知...唔知佢哋係...逆行者...

仲要係偶然同必然...

日倫接住講：「就估到係你...大名鼎鼎嘅偶然...同必然...」

日倫...一早就估到？

係幾時？

梓翹繼續帶住微笑：「都話咗唔駛咁緊張～」

日倫就再緊張啲：「講笑咩？你哋係逆行者...仲已經表露晒出嚟啦...」

「都話...」正當梓翹一起身...

“嗡嗡！嗡！”羅羅同日倫立即拔出精神刀...亮出紅光刀刃...

唔止羅羅同日倫...仲有子茵都拔出精神刀...亮出刺眼嘅綠光刀刃...

個氣氛...都真係好緊張...

梓翹帶住微笑：「唔使咁緊張～唔使咁緊張～收返埋把刀先啦～」

羅羅望實梓翹：「你...你叫佢收先唔好？」

日倫接住講：「係咯...叫人收埋把刀又唔自己人收先？」

仁慈加把口：「一齊收～一齊收～」

羅羅接住講：「佢唔收我唔收...」

子茵仲係揸到把精神刀實一實...

梓翹帶住微笑望住子茵：「收先啦～收先啦～」

子茵眼尾望梓翹一眼...再揸實啲把精神刀...綠光刀刃越嚟越光...越嚟越刺眼...

日倫望實子茵：「嗱而家係佢唔收咋...」

「收啦...收啦...」

「一齊收喇～」

「佢唔收我哋唔收...」

「不如你哋收先啦～」

「點解要我哋收先吖？」

「你哋收咗佢就收㗎喇...」

「收㗎喇...收㗎喇...」

「我睇唔出佢會收囉...」

『我數三聲你哋一齊收喇好唔好？！』真係煩到頭都爆吖...

今晚出完

三句預告

[Day 24－三合成立] PART 30

成個空間靜晒...好似等緊我數一二三...

『嗱咁我數喇...三...二...一...』當我數到一之後...

咁都要拖

已經將[Day 24－三合成立] PART 29 Upload上Facebook同紙言

要顯示飛揚既思想比佢地成熟

又係好準時咁出咗

唔覺得佢哋好搞笑㗎咩

咁都俾你發現到添

今晚篇文趕住出 希望唔會有太多錯字

「唔係講笑 我真係收㗎」

收咩先

逗貓棒

係喎 點解連登冇逗貓棒㗎

有貓，仲係白爛貓

又買到好嘢

又呃字數

氣氛嚟㗎