《香港傭兵》(51)

1001 回覆

14 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

單吊西 2020-08-27 18:02:48

收工等拖文

飛揚 2020-08-27 18:05:39

我都抖多陣就校對

飛揚 2020-08-27 19:00:04

上回講到魂導兵慢慢升起...就好似上次對上異常生命體Boss咁...身上有大量紅色粒子包圍！
唔止...背後仲有十二支噴住紅色粒子嘅光之翼！
真係好似異常生命體Boss咁...又會唔會有佢咁勁？！
勁唔勁就真係打過先知！
飛揚同綽姿合力抵抗魂導兵！
抵抗都美化咗喇～明顯又捱打啦～
魂導兵追住綽姿嚟攻！
飛揚想喺背後偷襲！都要俾十二支光之翼牽制住！
咁搞法唔係辦法喎...
就喺飛揚同綽姿各自招架多魂導兵幾十連攻擊之時...
魂導兵左手手刀向綽姿一斬...同時背後嘅光之翼向飛揚一揮...
『嗚...』飛揚同綽姿就同時被魂導兵擊飛幾十米之遠....
飛揚同綽姿喺地上碌兩個圈再企起身後退幾步...喺仲未站穩陣腳之時...突然感覺到...有股氣息...
有股...有股有啲熟悉...但又陌生...仲帶住啲啲溫暖嘅氣息...由天上...
飛揚抬頭一望...望上魂導兵頭頂上空...有一個黑色身影...身上有一點點...一點點綠光嘅身影...
跟住嘅劇情發展又會係點呢？

準備出文

飛揚 2020-08-27 19:00:39

望住身上被一點點綠色粒子包圍住嘅身影...由空中...雙手亮出...綠光刀刃...

係...係揸雙刀嘅...

喺地面上嘅魂導兵好似比我更早感知綠光身影嘅存在...早就抬頭望上空中...身上嘅紅色粒子亦同時向頭頂凝聚...凝聚出紅色嘅...極厚嘅絕對領域...

而家喺魂導兵頭頂嘅絕對領域...相比起頭先...比起之前嘅異常生命體Boss嘅絕對領域更紅...更光...更刺眼...厚極多...

綠光身影以交叉斬姿態...由空中直擊落地面上嘅魂導兵...

當兩把刺眼嘅綠光刀刃擊中紅光絕對領域之時...

“嗡！吱！！！”綠光刀刃與絕對領域之間擦出極刺眼嘅紅綠強光...同時噴出大量紅綠粒子...

飛揚 2020-08-27 19:02:31

喺佢哋衝撞嘅同時...產生出極強大嘅衝擊波...

本身已經受咗唔少傷嘅我...唔係好企得穩...被衝擊波嘅衝力推後咗兩步...

當衝擊波減弱後...綠光身影一個後空翻落地再彈後兩步...雙手手持兩把綠光刀刃...向住魂導兵擺出防禦姿態...

我、綽姿同綠光身影...就以三角形圍住企喺中心嘅魂導兵...

而家...我哋四個都企定定後...我感覺到呢個雙手手持兩把刺眼綠光刀刃嘅...逆行者...佢嘅氣息...係...

就喺頭先...剛剛感覺到空中...有一股有啲熟悉...但又陌生...仲帶住點點溫暖嘅氣息之時...我認得...應該係屬於...

飛揚 2020-08-27 19:03:12

唔會有錯...好難會有錯...氣息呢種感覺...比起嗅覺更敏感...

點會...點會係...

之但係點解...有少少唔同...同之前感覺到嘅氣息...既帶陌生...又帶住點點溫暖...

而最大問題都係...佢唔係已經...死咗咩？

佢唔係俾偶然解決咗？

而家...仲要帶住綠色粒子...用上綠光刀刃...係...逆行者...

飛揚 2020-08-27 19:04:39

被我哋以三角形三點包圍嘅魂導兵...擰個頭望向身上閃著綠色粒子...雙手手持兩把刺眼綠光刀刃嘅逆行者...

魂導兵背後十二支光之翼向住我輕輕擺動...擺動...

雖然我仲未可以肯定...肯定呢個逆行者係唔係自己人...之但係...佢向得魂導兵攻擊...又同我哋圍住魂導兵...應該可以唔使提防佢...

而家...而家都係專心對付魂導兵...

望實魂導兵背後...十二支光之翼輕輕擺動...擺動...

突然...魂導兵轉身一Fing...十二支光之翼Fing出多條紅光線...向住我同綽姿身處嘅方向飛埋嚟嘅同時...魂導兵衝向逆行者...

飛揚 2020-08-27 19:05:39

“嗡嗡！吱！嗡！吱吱！”我同綽姿都立即揮動精神刀...以紅光刀刃擋住紅光線...

一條條紅光線雖然幼...但能量超強...

當紅光刀刃接觸到紅光線嘅一瞬間...紅光線化成大量紅色粒子...喺空氣中飄散...消失...

而喺我同綽姿招架緊光之翼所產生嘅紅光線嘅同時...魂導兵已經衝到去逆行者面前...雙紅光手刀一揮...

逆行者亦以綠光雙刀招架...

我哋四個嘅攻防可以話係同時發生...因為速度快得驚人...

飛揚 2020-08-27 19:06:37

好快...真係極快...快到個空間好似停頓咗...就只有我哋四個喺度郁動...

“嗡！嗡！吱！嗡嗡！吱！”我同綽姿各自化解晒光之翼嘅攻擊之後...立即衝向魂導兵...

我同綽姿一左一右...向住魂導兵嘅後方....以忍步衝過去...

魂導兵一邊同逆行者你攻我擋...我攻你閃...一邊輕輕揮動背後十二支光之翼...

我同綽姿一邊以忍步接近...一邊巧妙咁閃...避...以紅光刀刃招架...

“嗡嗡！吱！嗡！吱！嗡嗡！吱！”一邊招架魂導兵嘅光之翼攻擊...一邊拉近與魂導兵嘅距離...

飛揚 2020-08-27 19:07:27

當我同綽姿都進入攻擊範圍之內...

“嗡！吱！！！”我以紅光刀刃幫綽姿擋住光之翼嘅攻擊...綽姿就一刀刺向魂導兵背脊...

魂導兵身上嘅紅色粒子立即向背後一聚...聚集出極厚極紅極刺眼嘅絕對領域...

紅光刀尖被厚厚嘅絕對領域擋住...擦出大量紅色粒子...

唔得...插唔入...

唔係綽姿唔夠勁...係魂導兵嘅能量太大...

風鈴 2020-08-27 19:08:02

斷

絕影 2020-08-27 19:08:19

斷

飛揚 2020-08-27 19:08:41

魂導兵身上所散發出嘅精神能量...好大...極強大...

之但係綽姿呢一下攻擊為逆行者帶嚟機會...

逆行者趁住魂導兵將能量聚集喺背後...產生非一般絕對領域...擋住綽姿嘅突刺之時...逆行者立即一刀擋開魂導兵隻紅光手刀...再緊接住用另一把綠光刀刃斬向魂導兵胸口...

魂導兵胸口上瞬間閃出絕對領域...但亦同時瞬間被綠光刀刃斬破...

一閃即逝嘅瞬間...我立即轉身邊擋住光之翼...邊翹到去魂導兵側邊...順勢轉身橫斬...

飛揚 2020-08-27 19:09:43

“嗡！嗡！吱！”紅光刀刃就喺絕對域領嘅裂口之間劃過...喺魂導兵嘅胸口深深咁斬咗一刀...

魂導兵被我斬到退後幾步...胸口上有一條深深嘅紅光傷口...

而我喺頭先翹過光之翼嘅一剎那...都中咗幾下光之翼嘅攻擊...上胸同雙臂又多咗幾條紅光傷口...

而家我、綽姿同逆行者就企埋一企...向住魂導兵擺出防禦姿態...

而喺魂導兵身邊...又有紅色粒子飄緊埋去...

又...又吸收緊靈魂...

飛揚 2020-08-27 19:10:11

今晚出完