上回講到飛揚同綽姿搞掂晒之後,就跑上前會合仁慈。
上返車,仁慈話飛揚真係唔同咗~
連仁慈都覺得飛揚勁咗~問飛揚點做到~
飛揚唔係唔想講...只係自己都唔知...淨係好似由過去再返翻嚟之後...
不過綽姿佢哋話飛揚只係深層睡眠咗好耐。
綽姿唔想講咁多廢話,問仁慈EVE收埋咗喺邊。
仁慈話而家帶緊佢哋去~
逆行者帶SPIRIT嘅行者去搵EVE?會唔會係陷阱㗎?
話晒差啲先俾Owner害死...
仁慈就覺得飛揚同綽姿啱啱知道精神液係點製造出嚟,唔會想繼續做SPIRIT嘅行者~
係喎~綽姿係因為茵婷差啲就被捉去抽取靈魂...再唔係就做咗白老鼠...魂導兵...
唔怪得頭先綽姿手軟腳軟咁啦...
而仁慈揸緊去嘅方向係...荃灣...
咁講法...係返翻去屯門?EVE唔係收喺逆行者勢力範圍裡面?!
荃灣嘅街道上...冇車又冇人...又冇解放軍嘅軍車...又冇士兵...
做乜好似...好似完全...撤離?
點會咁...明明尋日...因為佢哋對神秘工廠做嘅好事...解放軍佈重兵喺呢度...
今日就撤離晒?又會咁快...
飛揚一路細心觀察...
“吼~吼...”當差唔多駛過荃灣之時...仁慈開始減速...
而飛揚...就留意到...深井嘅方向...好似有...有煙飄到上空中?
睇清楚...再提升視力...望上前...望遠啲...望去深井方向...
真係...真係有一團團黑煙飄上空中!
跟住嘅劇情發展又會係點呢?
準備出文
今晚出完