《香港傭兵》(51)

上回講到逆行者出現！
而呢個逆行者...身上嘅氣息...明明就係...
但點解會有啲唔同...仲要係綠色能量...
而最大問題係...佢唔係已經俾偶然解決咗㗎咩？！
而家都唔理得咁多喇！反正逆行者都攻擊魂導兵！算係自己友掛？
飛揚、綽姿同逆行者就聯手對抗魂導兵！
之但係魂導兵背後嗰十二支光之翼都壓住飛揚同綽姿嚟打！
係唔係真係咁撚勁吖？
魂導兵以一抗三！
綽姿睇準機會！向魂導兵背後攻擊！
魂導兵將大量精神能量向背後凝聚！凝聚出厚厚嘅絕對領域！擋住綽姿嘅攻擊！
雖然擋得住...之但係綽姿呢一下攻擊為逆行者帶嚟機會...
逆行者趁住魂導兵將能量聚集喺背後...產生非一般絕對領域...擋住綽姿嘅突刺之時...逆行者立即一刀擋開魂導兵隻紅光手刀...再緊接住用另一把綠光刀刃斬向魂導兵胸口...
魂導兵胸口上瞬間閃出絕對領域...但亦同時瞬間被綠光刀刃斬破...
一閃即逝嘅瞬間...飛揚立即轉身邊擋住光之翼...邊繞到去魂導兵側邊...順勢轉身橫斬...
“嗡！嗡！吱！”紅光刀刃就喺絕對領域嘅裂口之間劃過...喺魂導兵嘅胸口深深咁斬咗一刀...
魂導兵被飛揚斬到退後幾步...胸口上有一條深深嘅紅光傷口...
而飛揚喺頭先繞過光之翼嘅一剎那...都中咗幾下光之翼嘅攻擊...上胸同雙臂又多咗幾條紅光傷口...
而家飛揚、綽姿同逆行者就企埋一企...向住魂導兵擺出防禦姿態...
而喺魂導兵身邊...又有紅色粒子飄緊埋去...
又...又吸收緊靈魂...
跟住嘅劇情發展又會係點呢？



準備出文