上回講到飛揚解決咗三個魂導兵之後,又多四個魂導兵要解決!
眼見仁慈快要被追上!綽姿又手軟腳軟咁!
唔緊要!而家嘅飛揚好勁揪!出埋綽姿嗰份力都唔係問題!
飛揚嘅刀術更上一層樓!
而且仲經常會用到儲力居合拔刀一閃!
係喺邊度學返嚟㗎呢?又係幾時學㗎呢?
繼續喺公路上大戰!
有唔少無辜嘅車輛受波及...
飛揚唔理有幾多無辜嘅人死喺佢刀下...將眼前嘅魂導兵一一解決!
仁慈左扭右扭...黑色嘅Benz就左Cut右Cut...爬過兩架的士頭...
而緊追喺後面嗰兩架黑色Chevrolet亦左Cut右Cut...被架的士擋一擋...就撞一撞佢尾...
的士怕咗佢...立即Cut線讓...
“咇咇!!!”但喺兩架黑色Chevrolet過咗頭之後...都要唔憤氣長咇兩聲...
飛揚同綽姿就再短距離加速...以忍步跑多兩步...跳上的士車頂...再跳上私家車車頂...
而當佢哋越嚟越接近之時...兩架黑色Chevrolet左邊前客座車門隻車窗同時打開...
兩個黑色身影由左邊前客座車門車窗爬出...爬上車頂...
又有...又有兩個魂導兵...
兩個魂導兵單膝半跪...各自跪喺黑色Chevrolet嘅車頂上...對向前面架黑色Benz...
要阻止...一定要阻止佢哋...
跟住嘅劇情發展又會係點呢?
準備出文
今晚出完