我家在這星球
2020-07-15 00:04:03
「咦,原來你哋三個係roommate嚟㗎?」我指著書桌上的相架。
那是Richard、陳浩賢和阿軒在房間的照片。
「一齊住咗幾年啦,你唔知咩?」
「你哋無講,點知啵~咁邊個打鼓,邊個拉大提琴啊?」
「Richard打鼓,阿軒拉琴,我哋無聊就會夾band,參加下比賽咁啦。」看著書架上的獎座和合照,我暗暗羨慕他們的才華橫溢、追夢決心,還有尋覓到志同道合的幸福。
明明我們都是讀同一所大學,但同齡的我就是名副其實的「後門狗」,也說不出半點成就。
到底我每天在做什麼?
看動漫?補習?上課?睡覺?
唉,我不是不想改變,但我沒有堅持的動力,反正也沒有人會欣賞吧,包括自己。
此時,我看到了獎座旁邊有一張很熟眼的CD。
「咦,你哋都有買BU隻碟啊?仲要有簽名啵!」我忍不著問。
「哦, Richard買完放喺度。」
「哦,估唔到佢都咁鍾意~啊,咪住先,咁佢哋今晚唔返Hall咩?」我突然很怕在這裡遇到阿軒、Richard兩人。
一個要澄清關係,一個會煩著我向姐姐交代。
「佢哋紅日通常返屋企過啊~」幸好他的答案讓我放心。
「哦,咁你唔返屋企嘅?」
「我……我無呢個必要啵。」他淡然地說。
陳浩賢的背景果然很神秘,而且他還是沒打算告訴我。
我決定轉移話題。
「咁平時你哋帶女仔嚟會唔會同對方講聲㗎?仲有係咪真係有Hall雞?半夜有無聽到咩怪聲呢?我好想知你哋hall啲隱藏rules啊!!」
「唔話你知啵!」他故弄玄虛地說。
「懶神秘。」
「咁……不如你教我彈首歌?」我突然冒出這念頭。
我家在這星球
2020-07-15 13:50:51
「邊首?」
我打開了BU的歌單,說:「呢兩首,是但一首都得~」
要是BU知道有歌迷學彈他的歌,說不定他會很感動呢!
「我麻麻地佢啵,搵過第二首啦。」
「超~」
「藝!術!家!脾!氣!」我故意把每個字大聲讀出來。
於是,我在歌單裡找到另一首歌。
「呢首得喇掛?」
Tiara的Be With You。
是我每次表白失敗最愛聽——世上最讓我有戀愛感覺的歌。
「哦,是但啦。」
他聽了一遍後,便彈奏了一遍給我聽。
「哇,聽一次就可以彈曬全首?」我不禁驚嘆不已。
「基本啦~」他平淡地說,相信別人聽到會說他很囂張,但我此時只覺得他很正常。
「咁教識人係咪基本先?」我挑戰他說。
「你,要教識就難啲喇~」他嬉笑道。
「哼,話唔定我好有天份呢!」
我輕力推開他,坐在琴椅上。
一張本來已經有他的琴椅。
「拿,C係呢度,記住手指公要放呢度㗎。」
「我彈呢句,你跟著喇。」
他示範了一遍。
「彈慢啲啦!我bb班黎㗎!」我撒嬌著。
「低b班就有你份,bb!」他用肩膀推了我頭一下,我也不甘示弱,馬上用頭頂回他一下。
來來回回推了幾下,明明已經不是小學生,但我又覺得挺有趣。
我又想到一個鬼主意。