我家在這星球
2020-06-25 17:28:51
「嗨,等咗好耐?」我還沒走到座位,阿軒已經幫捧著電腦的我拉椅子,紳士極了。
我很有預感,和他在一起,我會像一個公主般,被他呵護備至。
「到咗無耐咋,一齊睇野食?」
「好啊!」
整頓飯下來,我們都沒什麼話要聊,好像什麼都不值一提,眼前的他都比文字還要冷冰冰。
「係呢,補習社尋日話唔同我續約。」當我們走到餐盤回收站,他為我捧著兩個餐盤時,我說。
「點解嘅?」
「話夠人囉,不過我本身成績都唔太好,無計啦。只係我有啲等錢使。」
「咁你有無興趣幫我阿妹補習啊?佢鍾意姐姐補,但小五呈分試,開始跟唔到課堂進度。」
「噢!我考慮下先。」我看看手錶說:「好啦,我要上堂喇。」
「WhatsApp傾!」
「嗯。」
課堂間,我一直考慮著阿軒的提議,但這不是意味我和他的關係會變得更緊密嗎?
定時上阿軒家,經常見到阿軒,這樣好不好呢?會不會尷尬呢?
而且我還要收他家的錢,這種關係好像很奇怪。
「同阿軒認真啲,唔好玩佢。」
陳浩賢的話突然浮現腦海裡,我更加無意聽老師說的あいうえお。
我家在這星球
2020-06-26 00:06:48
「你頭先點?」又收到那個沒有聯絡人名字的WhatsApp。
「Who are you?」我問。
「屌你咩,今日睇背影都記得,睇我icon就認唔出我。」
會隨意吐出髒話的人不多,我再看一看Icon,是聖誕節見過的巨型熊娃娃。
「oh,你係陳浩賢?」
「係啊,之前叫你唔好嬲,點知你嬲到唔識人。」
「屌!我以為你send錯人咋。男人老狗用熊啤啤!」我不自覺用了髒話並加強語氣。
「算,唔講呢筆,你同阿軒點?」
「關你撚事?」
「唔好講囉,我遲早知。」
我靈機一觸,既然陳浩賢是Player,應該能解答我的愛情問題。
「好,我問你… …」我一五一十把我的疑難告訴他,並說這是我朋友的問題。
「哦,好簡單,你的朋友就是你! 」
「痴線,係我朋友!」
「你今晚嚟Hall樓下個Gym房,我就解答你。」
「下… …」
果然是Player,直接!但我也想知道答案,還有… …
「OK!」