《求神畀我出一次Pool,點知畀埋個偶像男朋友我》

1001 回覆
146 Like 11 Dislike
2020-05-31 22:37:24
201x年 12月24日 空虛寂寞冷


表白次數:第十次

表白方式:WhatsApp

結果:失敗

原因:Kenny原來係……

過程:

我:喂,其實我好似鍾意咗你⋯⋯
Kenny:下,你無啦啦講埋呢啲嘢。今日愚人節咩?
我:仲有五分鐘係聖誕…
Kenny:哈哈!預祝你聖誕快樂。其實,我前幾日出pool喇。
我:哦⋯⋯唔怪得你呢幾日少搵我啦。我識?
Kenny:係啊,不過你哋少講野,下次帶我男朋友黎見你。
我:男朋友????
Kenny:係啊,阿Tom。
我:肥Tom?
Kenny:係啊,佢肥得好可愛 ⋯⋯(下刪一萬字放閃)


曾以為寫到第十頁,這本表白簿就會壽終正寢,沒想到最後是輸給一個「可愛的肥仔」,失敗告終。

今次的男主角Kenny是我中學鄰桌,也是我的青梅竹馬。

他是我的密友,我以為能成密友總帶著愛,到頭來都是兄弟之情;
Tom是他的兄弟,我以為兄弟如手足,到頭來是愛戀之情。

我翻開表白簿前面的一頁又一頁,失敗的原因都不外乎兩類,一是他們已經有女朋友,二是一直視我為兄弟。

唉!

俗語不是說「男追女隔重山,女追男隔層紗」嗎?

不是說正常的女孩子都會有男朋友嗎?

是我想太多嗎?還是我太不常?

神啊,已經第十次表白失敗了,到底我什麼時候才有男朋友,讓我感受一次愛的感覺!?

假如你是真神,我便是你的兒女,就應允我吧!

奉主名求……

「隆隆!」幾下突如其來的雷聲打斷了我的禱告。

屌!平安夜雷電交加,連神都不愛我。

我還是不要亂說話好了…….

阿門。
2020-05-31 22:58:06
默禱後,我無奈地蓋上了表白簿,安放它在書櫃裡的暗角,然後用電話單曲循環地播放著一首日文歌。

這是我被拒絕後的背景音樂。

I wanna be with you 描いた あの日の未来が
I wanna be with you 描繪出的那個未來
今ここにあるのは そうあなたとだから
現在在這裡的 是和你在一起
I wanna live with you 2人が 出逢えたキセキに
I wanna live with you 兩個人相遇的奇蹟
ありがとう ありがとう I love you
謝謝 謝謝 I love you

輕快旋律配搭甜美歌聲總教人有初戀般怦然心動,偏偏我愈聽愈傷心,明明我都不懂戀愛的滋味。

我跟著唱甜蜜的歌詞,試圖找出半點共鳴,但都是徒然。

唱著唱著,我索性爬回上格的床裡躺著。

抬頭看那慘白色且滿佈裂縫的天花板,就好像一塊鏡子,反映自己人生的黯淡、缺陷。

我又開始審視自己一遍。

沈絲絲,20歲,外貌不起眼。

只是有幸從副學士升上大學,入讀了不討厭的學科——日本研究,成績跟身材一樣平平。

沒有說出來會讓人感到自豪的專長,更遑說有多少個朋友,曾經的閨密都隨著升上大學越走越散,副學士時只顧讀書,到大學卻又無法融入小圈子。

最後連僅餘的青梅竹馬也找到了真愛,我替他開心時,但誰又替自己難過?

到底是差成怎樣才會表白十次都是失敗呢?我可是女孩子⋯⋯

不是沒被人追過,中學時有過兩個同學表白,大學也有一個奇怪人接近我,但那些偏偏都不是我喜歡的,又難以接受。

我只期盼那人的出現,一個我會為他傾心,他會為我傾意的人。

我不在乎他有沒有錢、有沒有外貌,就如歌詞所寫,兩人的相遇都是奇蹟,一起描繪未來就好了。

可是,我已經這麼積極了,為何那人還是不見蹤影?

唱著唱著眼眶就不經意沾濕了,喉嚨也乾了。

正想在床邊拿水的時候,我才發現床上還有一半位置是空著的。

對,我還有最疼我的親姐姐下班回來。
2020-05-31 23:27:19
歌詞喚醒咗在我心中沉睡多時的毒L
諗起依首歌
https://www.youtube.com/watch?v=rH8AXBIxfWY
2020-05-31 23:57:46
都係超甜
2020-06-01 11:04:37
有無人睇或者路過講個閱字都好
2020-06-01 12:34:09
2020-06-01 20:31:44
你唔係路過你係難過卻避不過
2020-06-01 21:46:12
留名,睇毒撚溝女神就多,未睇過俾男神追
2020-06-02 00:14:05
希望唔令你失望男神仲要等多陣先出場
2020-06-02 10:10:27
星球巴 會唔會定時po文?
2020-06-02 23:10:12
加速
2020-06-03 00:29:56
「咔嚓」房門打開。

「阿妹,聖誕快樂!」姐姐興奮地說,隨即下一秒抱怨。

「平安夜又會狂風暴雨都有嘅,好彩我習慣帶遮啫……」

她每次回來都是這樣,先牢騷幾句,放下手袋,然後給我一個深深的擁抱。

今天有點不一樣,因為我正紅著眼,所以急不及待下床,主動向她撲上去。

「家姐……我……我又失戀喇……嗚嗚嗚……」我不禁哽咽起來。

「今次個男仔又當你係兄弟?」姐姐見狀焦急地拿出紙巾替我拭淚。

「嗚嗚……姊妹就真……佢Gay㗎原來……」

「傻妹,無事㗎,一世人流流長,咁快俾你搵到白馬王子咩!」

「嗚嗚嗚……但第十次喇……」

「我知道你已經好努力㗎喇。」她輕撫我的髮尾,定睛看著我說。

「家姐,咁我可唔可以嫁俾你啊?」我雙眼發亮說。

「嗯,你開心又點話呢!」

大我兩年的姐姐叫晴兒。

我們從小在院舍長大,自姐姐成年後我便跟隨她搬到外面住,由她賺錢照顧我。由於我無法抽中大學宿舍,我們只好繼續租住劏房,為了減輕她的負擔,我也多找了幾份補習工作。

說到底,姐姐無疑是世上最愛我的人,要是沒有她,我一定無法活下去。

一想到這裡,我的眼睛又變得通紅。

「傻妹,做咩無啦啦又喊啊?」

「無啊……」但我又怎能自私要求姐姐一直留在自己身邊呢?

「大喊包,我準備咗份聖誕禮物俾你,開唔開心先?」她從手袋裡遞給我一份小禮物。

「哇!多謝家姐。」我見到精美的包裝立即收起淚水。

「留返boxing day先拆啦~仲有呢,今日有人介紹咗一隻歌俾我聽,我估你會鍾意㗎。」

「真嘅?」我馬上露出奸詐的笑容,問:「咪住先,有人?」

「哎呀,你又諗埋啲奇怪嘢。」姐姐輕輕推了我額頭。

「Send咗條 link俾你喇,快啲聽喇,唔好次次都loop你首飲歌先得㗎。」

「哈哈,好啦~」

姐姐專注地坐在椅子玩手機,像是跟重要的人發訊息,我便返回床上打開她傳給我的歌。
2020-06-03 01:01:24
看著歌名《愚人節》,我心感諷刺。

BU – 愚人節
收看次數:15,370次 . 201x年4月1日

曲詞 BU
編 BU
唱 BU


「哇!成首歌佢一腳踢,以為自己李榮浩?」

「係啊~」姐姐望著手機甜笑著說,顯然在敷衍我。

我看到MV寫著走暗黑風的April Fools' Day字樣。

四月一日站在天台遇上你
你說要帶我去築地 不妨試試海膽士多啤梨
原來世界太新奇 淺草銀座有點美

那晚你問我點解應承
唔通答你笑容觸動我心情
想同你去場旅程 一齊離開呢個鬧城

那晚你問我點解應承
唔通答你笑容觸動我心情
想同你去場旅程 早比一世遙遠嘅東京

記得當時你突然說有男朋友
可笑是我才明人為什麼愛酒
和服牽手只說明我是某某某
七日後你始終都要走

去到呢度係咪覺得好奇妙
sor呢啲原來係上天開嘅玩笑
我哋呢刻已經過咗奈何橋
下世不如唔好天台見啦 妖


「家姐,呢隻beat超lit,仲有呢個BU把聲好有磁性啊!」聽罷,我忍不住和姐姐分享聽到好音樂的喜悅。

「都話你鍾意㗎喇,不過我聽咗一次係啲詞唔太明,懶係嘢咁!」

「嗯……我又覺得幾有新意啵,好過啲一式一樣嘅sex & drugs啦,等我聽多幾次先。」

不知為何,我忍不住一聽再聽,明明不是第一次聽Rap,但這首歌給我的感覺是完全不一樣。

以往那些Rap,我會讚歌詞有共鳴、節奏明快,但這個BU好像把這段愛情故事唱進我心坎,高潮起伏都鋪排得很有驚喜。

直覺告訴我,這人的想法非常有趣。

但是,究竟他在表達什麼呢?

築地、東京?

天台、奈何橋?

難道整首歌都是一場夢?怎麼聽起來有點讓人想哭呢?

我突然很想聽懂他所寫的音樂。

聽著聽著,哭著哭著,我便睡著了。
2020-06-03 01:03:41
盡量一日一篇或以上多啲人睇會po密啲
2020-06-03 01:25:16
between聖誕禮物係應該聖誕節拆
2020-06-03 01:47:20
小弟被阿媽欺騙了十八年鈴巴果然學識淵博
2020-06-03 01:50:24
兩日出四篇好快了聽日繼續
2020-06-03 02:00:46
我阿媽同樣欺騙了我 最疑惑既係咁多年我都發現唔到

小弟
你好可愛
2020-06-03 03:06:46
咁你點知㗎sor我唔搞gay的
between 無乜人睇係咪即係太悶
2020-06-03 03:40:58
有個friend同我講 然後諗起細個睇過既聖誕卡通同電影就發現
好似食咗Matrix blue pill 咁 成個世界唔同晒

可唔可愛唔關gay事 係feel
不過你有無諗過你潛意識係gay呢?
Ching你寫故寫個主角要出Pool要男朋友喎
2020-06-03 03:56:22
blue定係red啊
邊忽可邊忽愛 未聽過人自稱小弟咩
你點g架睇得多gay廉好難唔gay
2020-06-03 04:11:04
自膠 係red
諗起你自稱小弟就覺得成件事好可愛
咁你應該將主角寫成男仔
寫做姐弟戀又得 轉做gay故又得 得咗
到時唔愁無人睇
2020-06-03 04:24:08
唔得 男兒身少女心
唔準再討論我生理性別 再講唔想寫落去
我諗主角係靚女會多人睇啲
2020-06-03 04:40:24
有無睇乳陰個故? 印象中主角唔靚女
2020-06-03 04:49:36
略略記得沈卓怡呢個名 唔靚都咁多人要㗎好唔真實
認真講 佢文筆好似好好
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞