我家在這星球
2020-07-22 12:03:16
「叮」
深夜時分,我收到一個訊息,一個本來會讓我很興奮的訊息,但我卻提不起勁。
「Hey可唔可以話你知一樣嘢?」
他學了我的開場白「Hey」。
「你講。」
「你咁冷淡嘅?m到?」
會直接將不開心連繫到來月經只有BU。
「唔係,我係因為一個人而唔開心T T」
我突然任性得想向偶像撒嬌,心裡明知道這是不可能。
「哦,咁等你開心再講?」
他果然沒打算安慰我。
「你講啦。」我沉下氣說。
「你唔開心啵~」他好像和我比拼撒嬌的功力。
明明撒嬌應該是女生的本能。
「講啦女人!」
「咁惡,Bye!」
我還是不夠他來,宣佈正式投降。
「咁又唔好,你講啦~我好想知啊~~(溫柔地問)」
「好啦~我講喇!!有fans溝我。」
所以呢?
偶像是在提醒我是沒人要的可憐蟲嗎?
單純知會我還是叫我不要再煩擾他?
到底他的目的何在????
我怎麼覺得這是雙重打擊呢?
我家在這星球
2020-07-24 19:32:02
「恭喜偶像,失蹤一排有pool出~~」我沒精打采打著冷冰冰的字。
「不過呢,我怕怕~~」
BU又使出撒嬌招數,而且看來他還未正式談戀愛。
「你怕咩啊?fans溝你,你好明顯係揀人嗰個,去馬啦!」
「唔係啊,睇相見到佢好高質㗎,成個model咁。」
「model配idol,絕配!」
不然普通女孩配偶像嗎?
求你別說下去,我的心快被鞭打得體無完膚。
「咁你幾高?」他突然問。
「關你咩事?」
「唔好講囉笨~」他的語氣有點像一個人。
「咁佢幾高?」
「168,正!」是我不能攀比的高度。
「咁佢好靚?」
「我講完到你講幾高?」
「ok」
「成個長澤雅美咁。」不會吧,是求婚大作戰的吉田禮,那我一定輸慘了。
不,我都沒有參賽資格……
「哦……我唔夠160.」
「啱啱好。」
「咩意思啊?」
「攬落去啱啱好。」我知道,他又在亂說話了。
「你又壓力大?」
「我寫好首新歌喇,無壓力啵~~」
「哇!!好想做第一個聽啊!!!!(發夢)」
「而家訓?」
「唔攰啵。」
「係你話發夢聽嘅,你唔訓咁我點去你個夢入面唱呢?」
啊——我開始懷疑他是不是借歌結識女歌迷的那種下流男生!!!他竟然比陳浩賢更會哄女生!!
「痴線!你係咪對個個都係咁講嘢㗎?」
接著,他為我帶來一個意想不到的答案。