《求神畀我出一次Pool，點知畀埋個偶像男朋友我》

時針不停旋轉，臉上的眼淚乾透，手術室門卻還是亮起紅燈。

我心裡默禱，姐姐一定會好。

「絲絲、阿軒，我去買啲野飲俾你地，一陣返。」Richard眼皮浮腫向著我們說。

沒想過平時樂天知命的Richard會有垂頭喪氣的時候。

「定係我去？」阿軒站起來說。

「唔駛擔心，我想順便兜個圈，有消息call我。」

「ok。」

四周只剩下我和阿軒，我決定開口說話，分散注意力。

「你最近幾好啊嘛？」我問時鐘。

「都係咁，你呢？」阿軒答。

「都係咁。」我續問：「你係咪知......」

「我知。我後尾忍唔住問佢就知你地無一齊。」他搶著答。

「我都知點解你要咁做。」

「你想我死心，哈哈。」聽出他在強顏歡笑，我卻無法反駁。

「不過，唔緊要㗎，我知我份人悶，只係我唔抵得陳浩賢有得同你一齊都唔珍惜。」

「你誤會喇。」

我告訴了他整件事的來龍去脈，讓他知道陳浩賢以前送我回家只是為了保護我和阿軒，而非其他意思。

「唉，我一直無喺你身邊為你做任何嘢。」他又說：「所以佢無hurt過你？我一直以為佢拒絕你。」

「我都唔鍾意佢，點會care佢有無hurt我......」我猶豫地著。

我口裡這樣說，心裏卻很清楚期待他訊息的那個女孩是度日如年。

「只係你喺hall見到我嗰日開始，佢同我已經再無關係。」

「原來係咁，點都好，你有咩事我都好想為你分擔，我雖然無佢咁大隻，但我都夠揪㗎！」他展示出二頭肌，果然是深藏不露。

「哈哈，多謝你，但你唔試下搵其他女仔？」我由衷問。

「你唔好咁講啦，我唔會咁做。」他傻笑說。

「我唔明你意思。」我說。

「我鍾意嘅係你，其他女仔就算幾好，都唔係你。」

「乜你唔知咩？」

他突然站起來擋著時鐘，向著我說。

想聽下大家目前讀後感

FF味濃，但我鍾意

鍾意睇女主同浩賢嘅交流

鍾意陳浩賢+1

其實有唔少真人真事不過突登寫假啲我鍾意你鍾意

佢成日蝦女主

除了角色 劇情同節奏如何呢
如果之後浩賢消失 你地會唔會唔睇

唔好啊 鍾意陳浩賢

咁我預告下呢個懶高竇死人頭會唔見一排鬼叫佢喺我個夢同第二個女仔sweet!

Agger

「但我真係唔明，我吸引你啲咩？」我只好尷尬地問。

「你應該唔記得ocamp第一次見係你主動同我講嘢？」他說。

我搖頭。

「嗰時初初見面，你地同Richard、組媽已經自來熟，只係得我喺局外咁。你之後主動問我咩名，點解想讀音樂，又分享你asso讀得幾辛苦俾我聽。」

噢對呢，那時見這人孤單坐在一角，我不忍便和他打開話匣子，反正也不想與一大群人交際。

一聽到他是修音樂系，可能因為我對熱愛音樂的人都份外敬重，我便馬上對他產生興趣，但那時他沒有說太多，我只好分享自己的事。

「雖然呢啲話題好似無咩特別，但我覺得你同其他只係傾食玩訓拍拖嘅女仔好唔同。同埋你望落好純品，戴住副眼鏡，又唔染頭髮，就連講粗口都講得好得意......」

其實，我沒聊到女生話題只是因為我毫無經驗，不打扮不染頭髮只是我不夠自信。至於我滿口「屌屌屌」，他又怎麼覺得我是可愛呢？

「呢啲都係我對你嘅第一印象。之後見到你玩game好努力為大家諗破解方法，個樣真係認真得嚟又好天真，我就忍唔住俾提示你。」

這時我不禁俊笑，他形容的確實是傻頭傻腦的我，但一直留意我也太明顯了吧。

「去到寫龜背，你居然讚我好gentleman，而唔係好似其他人咁話我cool或者咩靚仔個啲咁膚淺。我真係好開心有一個女仔眼中嘅我係咁特別！」

「咁你係gentle啊嘛～」我知道我是說事實，但只是隨意說說，就好像BU稱讚我一樣。

「不過，完camp之後，甚至今日，我先意識到你對我興趣原來唔大。」他越說越小聲。

「點都好，多謝你絲絲。」他展出燦爛的微笑看著我。

我再次不知道該說什麼，但沒有他，我不會知道原來我也是一個值得人喜歡的女孩。

以前中學遇到向我表白的男生也不過是漁翁撒網而已。

「只係......雖然你口講話唔鍾意陳浩賢，但我好想知，如果無佢嘅出現，你會唔會揀我？」他低頭問。

好想識到阿軒呢類男仔

牙軒 你係好人

沒有陳浩賢，我的生活是怎樣呢？

大概都是一樣吧。

只是，我不會去健身室，不會參觀大學宿舍，不會獨自和男生坐電車，不會有男生為自己彈琴。

被嘲諷時，我不懂為自己勇於發聲；被推銷時，我不懂拒絕；走路時，我也不知道要避行馬路邊。

我不會坦然面對自己喜歡的事，不會反思自己的懶散有多蹉跎歲月，也不會聯想到樂觀男孩也有不為人知的過去。

明明我也喜歡過十個男生，他們都很好，也有各有吸引的地方。

偏偏會保護我之餘，並教會我思考的卻是少之又少。

我肯定對陳浩賢心動的感覺不亞於他們。

但是，他的所作所為確實是放棄了我們的緣份。

我又可以怎樣呢？

至於阿軒，他是一個大好人，雖然之前我覺得他很奇怪，但他從不會怪責我，反而接納我的傻氣，欣賞我的種種，又會為我準備驚喜，知道如何安慰我，總是在我需要他的時間出現。

即使我讓他死心，他還是默默守候。

其實我根本不用選擇。

唔好玩毒撚

絲絲想搵阿軒埋單

寂寞凍啊要住先都好

仲要係情深好人

好耐無見以為你故已棄

唔要呀
比返牙賢我

「你地邊個係沈晴兒嘅屋企人？」醫生從手術室走出來，神色凝重地問。

拜托！！請告訴我，你醫好了姐姐。

「我係佢個妹！」我立刻大叫。

「沈小姐，你家姐傷勢十分嚴重，臉部差唔多一半皮膚都被潑到腐蝕性液體。」我眼淚再次湧出來，姐姐的傷只能怪我。

「之不過，好彩送得及時，我地即刻移植佢大脾嘅皮膚到佢塊臉，雖然外觀同之前一定有分別，但唔近睇係睇唔出，效果算係我地做得最成功嘅手術之一。而家病人麻醉藥未醒，會留院觀察兩星期，無咩問題麻煩一陣你簽一簽啲文件。」

我們馬上答謝醫生，然後我轉身擁著阿軒。

很緊很緊那種。

「嗚嗚嗚.......家姐佢真係好叻啊......」

「無事喇無事喇…….」他卻把我擁得更緊。

今次姐姐的遇害讓我明白原來很多事我們都無法預料，有些說話更是不說會內疚的。

我知道，我不想再過單身寂寞的生活。

我想有人不離不棄呵護我，那人就是阿軒。

「我哋一齊啦不如。」我憑著一時衝勁，抬頭對他說。

這算是我第十一次表白嗎？

阿軒一臉錯愕，是聽到我的話嗎？

「啊，阻阻你地～」醫生這時突然打斷我，續說：「我醒起佢入院嗰時一直提著你，話怕你唔識搵野食，要我哋醫好佢煮飯俾你喎。哈哈，聽得出佢真係好錫你㗎～」

「家姐臨到嗰刻都仲咁掛住我......我真係好衰啊......」我自責到再次哭起來。

「佢唔會怪你㗎傻妹，唔使擔心啦。」阿軒說。

「嗚嗚嗚......希望啦......」

這時，我終於知道他是聽到我說話，因為我的手已經被他緊緊牽起。

開心爆