我家在這星球
2020-07-09 19:40:07
僅此一秒。
「上去坐,安全啲。」他讓我先上電車。
上層寥寥數人,我們走到後排,他坐在我對面。
為免尷尬,我望向窗外的街道,車輛光速駛過,行人來去匆匆,昔日朦朧柔美的霓虹招牌所剩無幾,換來是刺眼的LED燈牌在半空飄蕩。
紅眼睛幽幽的看著這孤城
我突然有點悲傷。
此時身後吹起陣陣冷風,空氣竟牽起了一絲浪漫,我回頭看著陳浩賢。
「係呢,你成日戴著嘅。」我指著他的護腕帶,決定直接探口風。
「無啊,型囉。」他摸摸護腕帶,若無其事地說。
這是藉口,他還沒打算告訴我。
「咁你做咩染藍色頭髮嘅?」我不為意伸手輕觸他柔順的髮絲,洗髮水的香氣隨即撲鼻。
「唔型咩~」他嬉皮笑臉地說。
「mk就真!」
明明昴只是一頭平平無奇的黑髮。
「我鍾意藍色,咪趁大學染下囉,遲啲grad咗想染就無機會。」
女生們都說,藍髮是陳浩賢的標誌,別人染可能俗氣,在他身上卻是魅力之處。
「咁你又啱,我都有啲想染灰色。」
愛蜜莉雅是灰髮的。
「染啦,想做就做。」他伸手輕撫我的頭。
我今次來不及躲避,應該説沒有意欲躲避,全身便如觸電般顫抖一下。
「自己鍾意咪得咯,傻仔!」他縮手續說。
但喜歡還喜歡,還需有自知之明吧。
我又不像愛蜜莉雅一樣可愛,更沒有他的魅力。
這點,BU應該會懂我。
我沒有回應陳浩賢,唯有繼續看風景,回想著觸電的原因。
我家在這星球
2020-07-10 13:25:51
「家姐啊,我問你一條問題啊~」我回到家後,如常幫姐姐按摩小腿說。
「問啦。」姐姐放下手機,抬頭看我。
「無啊,想問下呢Richard有無試過摸過你個頭啊?」
「有啊~做咩啊?」
「咁係咩感覺㗎~」
「心動囉~你唔係煲好多少女漫嘅咩?無聽過『摸頭殺』?」
我搖搖頭。
「『摸頭殺』係指女仔被摸頭通常都會有心跳加速同觸電嘅感覺,所以有人話摸頭係可以將對方秒殺!」姐姐把「摸頭殺」的Wiki定義讀出來。
「哦,係咩。」我暗喜。
這代表不只是我一人的感覺。
「咁點解一定係摸頭先?」我再問。
「因為相關的感覺神經元就位於毛囊底部。」姐姐在網站找到答案後說。
「要留意,男仔摸頭可以有好多意思,有啲係覺得好玩或者習慣,但通常都係想同你接近,順便試探你對佢嘅感覺。簡單啲講,就係對曖昧對象或者另一半先會咁做!」她看著我說。
「下,網上嘅嘢都唔可信嘅!」
陳浩賢之所以摸我的頭髮,是因為我們剛好提到染髮,那可是自然而然的事。
不然呢?
我連向普通男生表白都不成功,男神怎會對我有興趣?