《求神畀我出一次Pool，點知畀埋個偶像男朋友我》

太蠢 無緣

無緣就一定

你忙啊嘛話說傾咁耐都唔評下個故

你見我成日留言吹水就知我唔忙啦
正評咗㗎喇 暫時幾好睇呀 有進步

你好似唔止吹水咁簡單啵
開心希望唔係暫時啦
無進步lor 都係無人睇

做咩stalk我？仲唔畀我試到你
可能你要開個唉豬扮吓寫文

你心虛到覆埋自己？
睇連登係睇內容 唔會突登睇人囉
下無人科勞好尷尬 同埋連登先係文化綠洲

我覆自己嗰陣你未覆我㗎 我係想講自己點解咁單純信你話有pm 只能怪我太易信人
無人科勞咪無人知你無人科勞 咁點會尷尬啫

新會然？
唔明咁我做咩要開？

我個會然#高你少少啫
試吓無壞 開咗無人科勞咪改名摺咗佢 nothing to lose

今日無文 聽日出多篇

Richard看著姐姐，阿軒看著我，我不知道看哪裡。

陳浩賢見狀便對我說：「平時你同家姐食唔夠咩，我哋又唔會食咗你，一齊坐啦～」

同時，姐姐也向我報以懇求的眼神。

「好啦好啦，我講笑咋嘛，個個咁認真都有嘅。」我只好打趣地說。

最後，我和阿軒並排靠坐在沙發邊，陳浩賢則坐在對面。

「食咩好呢？」陳浩賢望著餐牌喃喃細語。

「我諗好喇。」我想了一秒便說。

來到西餐廳，當然要選卡邦尼意粉了。

材料不太複雜，最少機會出錯。

「你哋揀咩啊？」阿軒朝向我問。

「卡邦尼意粉！」我和陳浩賢同時應聲說。

「通常餐廳最唔伏都係呢個。」陳浩賢解釋。

沒想到我和堂堂男神對於西餐的想法居然一樣。

阿軒說：「咁我都跟你哋啦。」

「啊，我突然想轉墨汁帶子意粉喇，好似好味啲。」雖然價錢貴一些，但為了表現自己跟他們口味不一樣，我唯有屈就一下。

結果，阿軒跟我一起轉點墨汁意粉，只有陳浩賢一人點卡邦尼意粉。

「好好味！個汁唔會太乾身，煙肉同溫泉蛋都好match！」浩賢說。

眼看他吃得津津有味，我和阿軒卻默默吃著又貴又乾的墨汁意粉，害我心裏不禁咒罵著他們。

「係呢，你有無聽過呢首歌啊？Richard介紹我聽。」突然，阿軒把手機遞給我看，是BU的《愚人節》。

原來Richard就是介紹給姐姐聽的那個人。

「咦，尋晚先聽完，BU寫㗎嘛，幾好聽啊！」

「我平時少聽Rap，但佢啲歌曲風係幾特別，嗰首處女作《夏娃》都唔錯，auto-tune得嚟又唔會太難入耳。」看來阿軒在討論音樂時便會變得多話。

「係啊係啊，佢好有才華，填詞作曲主唱都係佢一條龍。」一找到知音，我也變得積極起來。

這時，我瞧到對面的陳浩賢只顧滑手機，看來「男神」並不把別人的作品放在眼內。

「係啵，你哋讀音樂，不如用你哋角度講下呢首歌啦。」我故意這樣問，為的就是看這個「男神」是何方神聖。

這果然挑起了陳浩賢的興趣，一同加入討論，令我這個音樂門外漢有點難以消化，但也獲益匪淺。

「咁其實呢首歌講緊咩？」我提出了最讓我疑惑的問題。

「呃，每人對一首歌嘅詮釋都好唔同。」阿軒應。

「與其去諗寫詞人講緊咩，不如用心感受，可能更有驚喜。」浩賢附和道。

「哈哈，藝術家果然都係一樣，講咗等於無講咁，不過有趣嘅。」

這頓飯過後，我突然覺得阿軒並沒有很奇怪，浩賢也沒有想像中難相處，但他們都不像是我出Pool的對象。

「喂，你哋三個好似幾friend咁喇啵！」Richard走過來說。

「ok啦～」我逞強地說。

「係囉，ok啦～」浩賢模仿我的語氣說，阿軒只顧偷笑。

「行啦咁～」姐姐興奮地挽著我的手離開餐廳。

望著姐姐甜絲絲的樣子，我總覺得她今天過得特別開心，我卻是有點不是味兒。

飯後，我們五人便沿著海邊走，打算前往CIC嘉年華遊玩。

「今日天氣好舒服呢～」路途中，陳浩賢突然冒出這句話，並攤開手臂，像是擁抱著天空一樣。

我抬頭一看，的確今天異常地晴朗。

蔚藍色的天空萬里無雲，烈日把維港照耀得金光閃閃，讓本來刺骨的寒冬增添一份和暖。

這是我最愛的天氣。

「有咩咁特別～」阿軒笑說。

「心情會特別好㗎。」陳浩賢說出我的心聲，我不禁笑了一聲。

「我就鍾意落雨喇，滴答滴答，成個世界好似好安靜咁，好浪漫……」阿軒好像在透露他對愛情的憧憬，勾起了我的好奇。

閒聊間，我們便來到嘉年華的入口。

不知道姐姐是否已經忘記了我這個妹妹，還是因為有了異性便失去了人性，她竟然很自然便和Richard買門票進場，還聊得笑不攏嘴。

剩下還正排隊買門票，默默地盯著那雙遠去身影的我。

「唉，有仔就唔記得阿妹……」我忍不住感嘆道。

「下，你未拍過拖咩？係咁㗎喇。」這句話出自看似是A380的陳浩賢。

他似乎是想挑戰我，那我該怎樣回應呢？

「未又點？」

不，不，我這樣說就變相說自己沒人要。

「我拍得多過你啦，問問問，你以為自己靚仔多人鍾意睇唔起我？」

這樣說又太囂張了吧。

他身旁的阿軒卻很明顯在等待著我的回答。

「Sor，我O-ccu-pied～」於是我決定自信地說。

這樣說沒打緊吧，反正我對他們的興趣也不大。

阿軒別過臉，望向其他方向。

「Cool.」浩賢搭著阿軒的肩膀，疑惑地說：「咁你應該好理解你家姐而家嘅感受先係㗎啵。」

「車，我先唔會好似佢咁，我家姐世一！就算咩節日，只要佢需要我，我都會即刻陪佢㗎！」

聽到我這樣振振有詞，他們擺出一副難以置信的眼神看著我。

「超，都唔知係咪吹水。緊係擺女朋友第一啦，係咪啊？」浩賢望向阿軒說，阿軒大力點頭回應。

毫無戀愛經驗的我突然覺得有點尷尬，不知道他們所說的是否真實。幸好，輪到我們買門票，不用延續話題。

「三張飛，唔該。」我說。

「哦，一pair情侶飛，再加多張單人飛，總共呢個價。」年約40歲的女職員用一把平淡的聲線說，和嘉年華歡樂的氣氛恰好相反。

我立即澄清：「下，呢度無情侶㗎。」

「哦，咁貴$100啦，多謝。」

「下。」我打開錢包，發現所賺的補習費也快所剩無幾，立即向他們兩人報以可憐的目光。

「um其實我同佢係情侶嚟㗎～」浩賢突然挽著阿軒手臂，扁著嘴巴說：「唔知Gay得唔得呢，姐姐～」

哇，你們也演得太假了吧。

「哦！！緊係得啦～我唔歧視㗎！同埋你哋咁靚仔又咁高大。」女職員突然換成「花姐」的語氣說話，害我雞皮疙瘩，她身旁的男職員也紛紛對她側目。

沒想過，原來好看的人的待遇就是如此美好。

1留言1動力有無人？
between有無人想睇男主示意圖

我臉皮薄不如掉返轉 你開講下睇過講故台唔同故嘅感受 我勁有興趣啵

Gay嗰度好好笑

我成日諗有無人會扮gay攞jetso
感覺真係gay嘅未必敢出櫃Kenny真係好勇敢

有呀

有

多謝你呢排比較忙 幾日後再出
定係你都想睇示意圖？

你出文啦