267 Like
3 Dislike
懷念天琦
2017-03-20 18:00:18
小松 同 敏敏 都有自己既故 期待 但係敏敏唔係死左咩
墨說fb寫佢重生左
我追高登果陣係死左 原來墨巴寫重生左?
沒有 人死不能復生
我屌你老母
一定會重生
喱個真係要屌我想獨無雙復活多啲
毒撚唔太緊要啦
敏敏好緊要呀
孟母3Q
2017-03-20 18:07:23
lm
Killer
2017-03-20 18:53:29
加速
有精無液
2017-03-20 18:54:52
推
無用的人
2017-03-20 19:24:19
lm
鳩點半就睇達哥
2017-03-20 21:29:43
墨說
2017-03-20 21:48:39
「你班仆街‧‧‧‧‧‧我個孫女啊‧‧‧我個孫女啊‧‧‧‧‧‧」猶如發著酒瘋的鬼匠,扯住鳳凰的衣領怪叫著。
「癲夠未,你個孫女已經死咗。」鳳凰盯實鬼匠雙眼:「唔想佢白白咁死就阻止你批生化武器發射出去。」
「其實佢孫女係生係死都未知。」我走進去,望住鬼匠:「我哋會盡能力,營救佢。」
「不過落得敵人手上,你孫女都凶多吉少。」鳳凰補充,一手甩開暈頭轉向的鬼匠。
「放我走啊!赤兵隊班撚屌會以為我同你班傻閪合作‧‧‧之後‧‧‧‧‧‧之後一定會殺咗我寶貝孫‧‧‧‧‧‧!!」說到這裡,鬼匠便被鳳凰用手刀劈在頸上,再倒下前吐出最後一句:「女‧‧‧」
「再等佢冷靜啲先。」鳳凰行事頗果斷。
墨說
2017-03-20 22:32:43
食埋個飯出文
將軍澳屌板男
2017-03-20 22:53:28
墨說
2017-03-20 23:09:39
「今日大家都攰,就休息下先。」我跟鳳凰說。
「唔。」他點頭,就獨個去休息。
我走出客廳經過走廊時,已經見到夏林正為上半身赤裸的忍蛋取出子彈。
「輕力啲‧‧‧」
「輕力就拎唔到粒子彈出嚟啦喎~」握住鉗子的夏林淺笑道。
「咁大力啲‧‧‧」
「我又驚你痛喎~」夏林又婉戚一笑。
「大佬,我啲血每秒鐘都喺到流緊‧‧‧‧‧‧你快啲好嘛‧‧‧‧‧‧」忍蛋滿臉出汗了、青白。
「試下唔好吹我~依啲嘢緊係要慢慢嚟。」夏林答。
「白牙孤城大叔呢?」我微微推開門,問夏林。
「喔,大叔要陪阿媽食飯返咗去先。」夏林答。
此時,霞的聲音,就傳入到我耳邊‧‧‧‧‧‧
「邊到有嘢食啊‧‧‧‧‧‧」她在廚房橫顧,似是想要找點吃的。
「你肚餓?」我走到她面前。
墨說
2017-03-20 23:27:43
「唔‧‧‧不過我都識整嘢食嘅,以前我都成日睇烹飪節目。」霞打開雪櫃,拿出個洋蔥出來拋一拋。
然後拿來一個大鍋子,洋蔥不切就直接掉進去,再倒了一半水進去,一副胸有成竹模樣。
「你做咩‧‧‧‧‧‧」我呆住。
「水煮洋蔥,好營養。」她笑一笑,便扭轉了火爐。
「‧‧‧」
「定你對我嘅美食有疑惑~?」
「你確定擺得到落口‧‧‧?」
「唔係我食我嫁。」霞又開始擺放著不同的蔬菜進去鍋子中:「係俾姐姐食,反正到咗朝早個身體都唔係我控制~到時就俾依啲嘢我身體食喇,夠哂營養。」
「咁你食咩?」
「喔~八點幾個陣個位保姆大叔已經俾我吩咐咗落去買油脾嚟食。」笑得自然的霞說到此處,表情語氣一瞬間又變了樣,變成那個「日霞」:「妹‧‧‧‧‧‧!你朝早真係俾啲咁嘅嘢我食?你夜晚就食油脾!?」
「無所謂喇,哈哈哈哈。」霞大笑起來:「記住朝早幫我做埋運動,練下體能添喎,仲有唔好忘記要練下「斷情劍法」!」
霞既然會如此懂得利用自己的人格‧‧‧‧‧‧
「傻妹‧‧‧我哋用開個把真正嘅寶劍已經下落不明,就算你身配住其餘嘅劍‧‧‧‧‧‧威力都始終唔及以前個把勁‧‧‧。」霞憎惡地盯我一眼:「又係依條友整唔見‧‧‧‧‧‧」
「個把劍‧‧‧」莫非是鬼匠把其劍刃陷於傘內的「夜行傘」?
吳清洳
2017-03-20 23:57:19
廢事一直都唔知?!
吳清洳
2017-03-20 23:57:32
廢時一直都唔知?!
墨說
2017-03-20 23:57:40
「‧‧‧雖然個把劍由細跟到大,不過有小時喺到都一樣。」霞顯得毫不在乎。
「霞‧‧‧」
「你有冇戴住送俾你個金剛圈喺頭啊?」
「唔?」
「九龍寨下面送俾你架喎!」
「有。」我微笑,順手去摸一摸那被頭髮掩住的金屬頭圈:「你想好似孫悟空咁,箍住我個頭,就永遠都記得你?」
「唔知呢,我鐘意咪送俾你。」霞抱住手,靠在廚櫃說。
「我決定咗。」
「咩?」
「同你一齊。」
「吓?」
「一齊,去一個冇人識嘅地方。」我望住她雙眼:「或者好似忍蛋講‧‧‧‧‧‧人冇需見光,或者會更美妙。」
「真係!?」霞激動得不自覺捉住了我一雙手袖。
「嗯,我決定咗‧‧‧‧‧‧傲家、古家、死靈飛盜團、特工部、赤兵隊、九龍寨以後再有咩事,都唔會阻止到我,只要我依次將赤兵隊嘅行動化解,我就會立即同你離開香港。」大概,我一直以來最放下的就是這些。
但我發現,一踏入這個圈子就沒完沒了‧‧‧
到遺失自己的時候,才發現有人在背後一直捉尋住我。
或者,這個人就是霞。
「多謝你‧‧‧」霞沒一貫的甜笑,只有成熟的咽哭聲。
墨說
2017-03-20 23:57:58
廢事一直都唔知?!
知
墨說
2017-03-21 00:13:16
「多謝你冇厭棄我。」
「其實百毒人都唔係太差‧‧‧」霞淺齒一笑。
「但我應該好需要小心你個位‧‧‧姐姐?」晚霞是這樣稱呼「日霞」吧?
「我哋住山洞,就好似個陣喺你師傅到住個陣。」霞托住下鄂,點了點頭:「唔知道日夜嘅交替,睇佢仲點出嚟。」
霞轉問:「不過,今次你要去做咩?」
「阻止‧‧‧‧‧‧一場生化災難發生‧‧‧?大概,係我有生之年做過嘅最大件事。」我答。
「生化災難?」
「赤曲離開,赤兵隊入面嘅輓歌開始不顧一切‧‧‧‧‧‧不惜摧毀香港,都要消滅特工部。」
「咁‧‧‧恐怖‧‧‧‧‧‧用全香港人嘅命嚟‧‧‧」
「做祭品。」我點點頭,說:「所以我必須阻止‧‧‧如果赤曲仲喺到,都一定唔會咁做,我相信人佢‧‧‧‧‧‧一定唔會。」
「為免危險,今次我就陪你一齊去!」
「唔得,係我同赤兵隊嘅因怨,赤曲要我好好守護住赤兵隊‧‧‧‧‧‧或者阻止輓歌依場瘋狂嘅陰謀,已經係最大嘅保護。」輓歌為此行動,已經犧牲了不少赤兵隊成員。
不能再繼續下去。
由他管治赤兵隊,有著一定的危機。
將軍澳屌板男
2017-03-21 00:21:16
又flag
小和尚
2017-03-21 00:22:53
輓歌實力唔係都幾勁架咩
廢時又準備搵其他人幫佢犧牲
不羈的風
2017-03-21 00:25:06
夜行傘去左邊