墨說
2017-03-25 14:42:52
跟霞回去真理山,就好像回到老家的感覺。我記得,我都在那裡待過一段清樸的日子。
接近清晨時份,風吹亂髮。
距離黎明的到來,還有不到兩小時。
「應該夠時間入得到山洞入面?」霞望住遙遠的淡陽。
「黎明上升之前,應該夠時間。」駛著快船的我答。
沒有吵鬧的汽車聲,只有鳥語唱歌的聲音,我跟霞在六時前就踏上南丫島山上,出發回到真理山之中。
在之後,我就把霞帶到去沒有受毒氣掩蓋的範圍,從前總是在那裡釣魚的湖子。
「你休息下先。」
「你去見你師傅?」
「唔。」
去見那個,跟我同一種族的人。
儘管多久沒來,靠著赤灼之眼和毒息感應,我還是能探知得出真理老師在山窟中所在的位置。
還是老樣子‧‧‧‧‧‧
「老師。」我拔掉他的耳機。
「悟空那會相信 愛與痛 很相襯~」
他轉頭回望,見到是我也沒半點喜悅或哀怒:「咁快返嚟?」
「我係嚟同你做最後道別。」
他淡笑一聲:「點解要道別?」
「因為,我之後唔知會唔會再見到你。」
「你唔只帶咗一個人嚟。」他拍一拍我膊頭。
「霞,想當初我帶佢入洞個嗰女仔。」
「噢,原來佢跟咗你跟耐。」