【新界成交】夾屋雅景臺實呎11579元 創新高
【更新成交】
世紀21奇豐物業黎健峯表示，馬鞍山夾屋雅景臺2座高層F室，建築面積632方呎，實用面積475方呎，以550萬元轉售，建築呎價8,703元，實用呎價11,579元，創該屋苑成交呎價歷來新高。原業主2013年5月以378萬元購入，獲利172萬元，升值45.5%。
【荃灣：愉景新城97貨升價五成 三房賣804萬】
利嘉閣地產陳敏生透露，荃灣愉景新城8座中層A室，建築面積835方呎，實用面積659方呎，三房連套房設計，議價6萬元，以804萬元成交，建築呎價9,629元，實用呎價12,200元。原業主1997年3月以537.1萬元買入，獲利266.9 萬元，升值49.7%。
【屯門：屯門市廣場兩房383萬沽 議價25萬】
中原地產陳國威表示，屯門市廣場8座低層D室，建築面積470方呎，實用面積356方呎，兩房間隔，議價25萬元，以383萬元沽出，建築呎價8,149元，實用呎價10,758元。買家為外區上車客，見市場放盤有限，上址難得有樓睇，睇樓後隨即還價洽購。原業主2014年1月以254.8萬元買入，獲利128.2萬元，升值50.3%。
【元朗：YOHO Town兩房540萬沽 實呎12471元】
美聯物業鄧熾軒表示，元朗YOHO Town 1座中層H室，建築面積580方呎，實用面積433方呎，兩房間隔，成交價540萬元，建築呎價9,310元，實用呎價12,471元。買家為一名用家。原業主2013年3月以423萬元購入，獲利117萬元，升值27.7%。
【沙田：沙田中心兩房減12萬售 作價473萬】
利嘉閣地產何韜透露，沙田中心F座嘉寧大廈低層E室，建築面積446方呎，實用面積357方呎，兩房間隔，議價12萬元，以473萬元達成交易，建築呎價10,605元，實用呎價13,249元。原業主2007年12月以160萬元購入，獲利313萬元，升幅2倍。
掌握財經生活資訊，即Like「蘋果ATM」fb專頁啦！
http://fb.com/appledailyatm
http://hkm.appledaily.com/detail.php?guid=56345814&category_guid=7015342&category=instant&issue=20170224
拿....屯門市廣場兩房383萬
衰極都私樓, 未至於上蓋都叫近地鐵站, 又私樓, 又做到9成
呢D 上車盤牛屎區仲有
證明有某D 人大叫上唔到車, 真係自己唔識睇送食飯
btw, 唔好大叫儲50萬出黎做一成首期好難
2個人儲有心儲點都儲到, 連一成首期都未儲到就證明而家就算樓爆你都未必買得到樓, 好似係
利申: 我同女友都無父幹, 各自都儲到1成首期出黎
屯門市廣場地點絕對唔輸得去邊，行去華都有巴士出市區，大會堂樓下有巴士總站又有巴士去機場，行去西鐵站幾分鐘就到，去新墟街市又係幾分鐘到，果邊買餸出名實惠價錢合理，未計街市裏面檔口，外面藥房佳寶價真戔凍肉鋪乜都有，遠少少巴黎倫敦紐約仲有平戲院，生活娛樂所需乜都有，咁既地方上車仲想點
無撚有錯啦，我都係買左屯門市廣場
屯門係對外交通費貴啲，但生活上洗費一定平過住出面
仲有，之前仁愛堂有保齡球場，係近幾年執咗，要去唔知美樂定碼頭先有
炒股開戶口，柏麗廣場有一通同致富，去新都對面馬路有耀才
柏麗廣場仲有明星海鮮酒家，食野唔錯又夠平，樓上其實仲有好多樓上鋪，樓下就補習，出面就圖書館，第日如果有小朋友就補習都好方便，屯門市廣場根本無得輸
我又問下D 牛屎區生活野先, 我都係外區人
屯門買送要貴價就v city 一田, 市廣場Aeon 果D 啦
咁如果要平靚正又應該去邊度好聽人講新墟但我未去過果邊
另外食野邊D 地方比較集中多選擇? 如果唔計大商場果D
有無D 街區好似元朗又新街果邊果D 咁 好多野食可供選擇架?
買餸要平一定要去新墟街市果頭，附近已經好多菜檔燒味檔，樓上貓樓下L形菜檔由頭到尾都可以，凍肉咪佳寶貴少少有青林，其實近新墟巴士站附近有雜貨米鋪，買野都平
