我係細細個既時候(大約小一至小四),成日都會鬼壓床,差唔多一星期有3-4次到,不論朝早定夜晚都會,仲試過有一次差啲窒息,嗰次仲以為自己會死,不過好彩最後都冇事。鬼壓床大概去到中二就停左,而家一年最多2-3次。我知自己係偏陰,因為我拜開既廟嗰姨姨有講過。係上一年突然之間陰得好嚴重,嚴重到影響生活同健康,上年既4月我同一班朋友深夜係樓下公園傾計,傾到一半我眼尾見到一個女人傾住個頭望住呢邊,我一望過去但就咩人都冇,我就冇理到,但再傾傾下,我突然發冷,眼尾望到嗰嗰女人近左好多咁望住呢邊,我仲好清楚見到佢係點既形態,係著黃色長裙既女人,嗰下我心都黎一黎,坐我隔離嗰frd見我唔對路就問我咩事,我就講左話我好似見到啲唔應該見到既野,我地就即刻走左。唔知關唔關呢件事,令到我越黎越嚴重。但其實係呢件事發生之前 ,我已經遇過唔少靈異事件,我唔想再影饗到自己健康同生活,想問有咩方法可以避免成日遇到呢啲情況,令自己陽啲?有時候會念經,但一陣就冇用
ps 幫朋友問 非本人