LIHKG 箍牙集中討論區8

自問戴差唔多廿個鐘一日 戴咗一個月 個窿好似冇乜點收過咁

係咪通常要戴到拆箍？

仲有少少滲血 今日個嘴角有dd血，希望聽日好d!
呢幾日都係食流質野多.
好似辛苦過以前剝智慧齒 下星期又再黎

有無人睇緊劉潤華可以推薦？

箍左九個月隱適美
本身淨返十個箍就完成
岩岩覆診姑娘宣告我要加監

呢度COOL緊/ COOL完既巴絲有冇牙套臉出現過?

上大陸D FORUM睇, D人又牙套臉又顴骨升高左/突出左, 又話太陽穴收左入去, 睇完真係無哂信心..

唔知係因為大陸D技術係咁定本身COOL牙就有咁風險, 本身月頭CONSULT左, 約左27號睇3D MODEL + X光之後就決定COOL唔COOL

PS. 24歲男

LINK :http://bbs.tianya.cn/post-funinfo-5819479-1.shtml

最近喺fb見到有啲廣告
係幫人啪返啱啲骨
令倒及都可以變返正常
好想知有冇人試過呀
會唔會呃人㗎
乜可以咁樣啪返就正常返？
話唔洗做手術 仲係永久好返

「2018年1月小顏定位活動in Hong Kong」
日本小顏研究所榎 遼平院長來港日期1月26～2月2日，即日起開始接受預約

可以矯面型or鼻骨

有啲想試但又怕係呃人
因為都過萬

大陸forum就唔好盡信啦

如果啪一啪就無倒及
點解d人仲要做正顎手術又鎖口又食流質野幾個月咁辛苦
骨既問題唔係啪下就好
佢點解要開刀就係要切骨再進行精密既重組
換句話講就係好似拼圖咁打散佢再重新組合仲要落鋼線固定
你覺得就咁用手啪會做到正顎手術咁精密既操作？

我係大陸箍，箍咗半年面型係有少少分別，瘦咗長咗。
至於咩牙套臉，google第一個結果有台灣牙醫都解釋過。
擔心咪搵專科醫生睇，專科會根據你嘅面型作出判斷應該剝邊隻去箍。

任何廣告不嬲唔可以準信

我唔信啪骨可以整好倒及牙，
如果得唔會有人做正顎手術啦
牙齒除咗深咬/倒及/擁擠，
仲有咬合係需要經過箍牙去調整。

而且骨頭係會根據你嘅日常習慣慢慢去移動，
正如坐姿唔好會影響脊骨，
去睇物理治療都係要慢慢一步步移番啲骨，
唔會話一次就永久好番，因為你坐姿唔正佢又會慢慢移番位。
倒及道理一樣。

我係再懶D 除左夜晚刷牙之外 食野都帶住
利申 食左3-4條落肚

個窿係郁得好慢架 開頭好似無咩點郁 之後過多幾個月先見到個窿明顯收窄左

原來要幾個月先收埋
收完窿係咪就箍得7788?

大陸箍其實平幾多同埋風險大唔大？
露牙肉加哨牙 好想去整
thx絲打

收埋晒就係箍完個日啦牙醫話

我係愛康健箍，
每次覆診用嘅用具都係一包包已消毒重新包裝好嘅。
我唔知有冇咩風險，因為無驗血

係佢度箍係專科醫生跟進，同香港普通科醫生差唔多價錢。
計番匯率車費都差唔多2萬8港幣 （剝4隻牙）
如果醫生睇完你個案需要打骨釘每粒1千人仔。
之前有推廣，免費做檢查同方案。
依家好似得減2千蚊（送2張洗牙券），同微信商城可以用399人仔買1000方案費。

如果有興趣睇我個blog就可以google 29歲箍牙日記。
不過懶，最近一個月未寫

知道
仲以為有咁荀嘅嘢

真係咁荀一早發揚光大

啱啱打咗去康X堂book consult
佢幫我約咗曹醫生 依家又1516想做invisalign
嘴凸+骨性暴牙係咪傳統會快手啲
下年想去Exchange 唔想斷咗鐵線又冇人幫到手

你要去exchange，consult時最好同醫生講定，
問佢意見做邊隻好。
康×堂唔係淨係得隱適美？
你俾醫生睇下你個case適唔適合用隱適美囉，
傳統通常個嘴會收得入啲。
上網見有幾個講箍完隱適美嘴突問題係無改善。

游醫生淨係invisalign 其他醫生就傳統都得
見台灣醫師po嘅相 invisalign都收得唔錯 先心郁郁

應該都係睇醫生有冇心機幫你跟。
咁咪去consult聽醫生意見先囉