LIHKG 箍牙集中討論區8

港島區有冇牙醫好介紹

隱適美係掃描完send去外國訂造一套牙套返黎，
醫生根據進度叫客人更換牙套。
而傳統就要醫生經驗去進行力度，角度等調整。
普遍上對牙齒嘅力度會係鋼粒＞陶瓷粒＞隱適美。

有醫生覺得陶瓷粒同鋼粒分別唔大，
有啲醫生就會覺得鋼粒受力大啲，
鋼粒同隱適美比就通常會收得入啲。

明星就有啲因為上鏡問題做內箍（胡杏兒/麥明詩），
都有明星做隱適美嘅 （許亦妮好似係）。
數年前隱適美剛推出時，見過醫生話要剝牙嘅case都唔適合做，
依家可能進步咗，所以好多醫生都有做剝牙case。

政府箍牙，要係公務員/公務員未滿18歲子女先可以去做，
程序我唔清楚，公務員牙醫診所應該有電話可以打去問。

我前幾日係youtube睇片見人個鋼線固定係：
人人人人人人
咁樣排係牙後面，仲諗咁樣唔影響清潔好方便添。
你個隻係一條橫線定點？
個幾星期已經甩，就要俾錢再整好似好搵笨咁

咁即係傳統會實淨d固定d？
隱適美咪好易走位

箍傳統啲牙可以收入啲，整齊啲。
箍隱適美應該都可以箍整齊，但係效果未必有傳統咁好。
（之前啲post好似有一個巴絲講過，佢個case箍隱適美得50-60分，箍傳統80分，要做埋正顎手術先有100分）

走唔走位就睇你有冇聽話戴固定器啦，
唔戴固定器箍邊種都易走位。

有冇D唔洗咬又飽肚既食物介紹?
今日覆完診 又有排痛

個固定器唔見左
有無人知整到有得整番個
之前cool果間好貴 $3000 一對
重有 我自己有果個型係到 會唔會自己出去配平d
利申: 除左cool 10個月左右 第3次唔見了

蕃薯
薯仔
意粉
粥

箍左兩年機終於箍完
進入固定器階段
講野痴利根
有樓上爸打講既線retainer 係牙既內邊

touch wood 無甩

食飯唔咬野直接吞 好易肚
好似食極唔飽咁

有無人係用口呼吸 搞到個咀好突
所以去左箍牙？
想知箍完有無改善到口呼吸 同個咀/下巴問題

SHITTT

比鐵線突出左吉到口, 我用手指甲屈番佢入D先唔垃

有冇人箍緊土瓜灣李詩豪？
上網見到佢好鬼多負評
想知手勢係咪真係咁唔好
約左下個禮拜consult

前幾個po有巴打講過箍緊，
話除咗串啲煩啲其實無咩嘢，
準時唔好遲到應該無問題，
遲到會有排俾佢哦。

其實箍幾耐先會有明顯既效果

第一個女仔 做完手術都係咁兜喎

https://youtu.be/1m7DEoLFg2I
頭半集有講箍牙，
第一個女仔箍完牙個下巴都係好兜。
不過正顎手術都真係大手術，
如果要我做會唔敢做

第2個女仔用門牙食嘢，
我反而用大牙多，
因為初期大牙墊咗嘢，
門牙咬唔埋。

第一個女仔 做完手術都係咁兜喎

上咗箍之後已經練成唔洗咬直接吞
用咩牙咬都痛 咬果時又怕食野會整甩D粒粒
但唔咬直接吞 會勁易肚餓囉 好似食極唔飽

佢有啲嚴重，我估應該要做正顎手術先有改善。

門牙我依家5個幾月，都未可以切太硬嘅嘢食。
頭先食菜心都咬唔開，放棄。
一係你搵刀叉/較剪剪細再食會好啲。
不過我通常換完線頭一星期都係咬唔到嘢食，
只可以食流質/淋嘅嘢。

小心胃痛
換完線除咗頭一個星期唔多咬到，
其他都正常。
如果你啲牙痛太耐，可能係醫生較得太緊，
覆診時同醫生講下會好啲。

有冇人試體cool完幾年d 牙哨番