此時,大門外傳來了鑰匙的碰撞聲,未幾,大門敞開,呂靜宜出現在他們面前。
呂伯母瞧見呂靜宜雙目紅腫,不禁大驚,連忙問道:「靜宜,發生咩事啊?妳喊嚟啊?成皇志呢?佢唔係同妳一齊嘅咩?」
「我去band房啊!」
呂靜宜留下這句話後便逕自走向band房,把滿腹疑問的呂伯母拋在身後。
呂伯母還想追問什麼之際,呂世伯拉著她道:「個女要宣洩下,畀啲時間佢啦!」
Humphrey道:「莉莉,都夜喇!不如我送妳返去先啦!」
管佳莉搖頭道:「聽日係假期,唔駛返學,我想留喺到陪靜宜啊!佢仲咩啊?」
Humphrey道:「佢每次唔開心,都會一個人走入band房玩樂器。」
這時,band房裡隱隱傳出一陣柔和的鋼琴聲。
band房內的呂靜宜時而彈奏鋼琴、時而彈奏結他、時而拉著小提琴,她想起了與成皇志一起相處的時光,兩人共處的點滴在她的腦海裡組成了一幅畫。
極具音樂天賦的她,十指在琴鍵上起舞,彈琴出一首又一首出自成皇志的作品:會過去的、生命樹、明年今日、小幸運、流星雨等。
她一邊彈一邊唱,有時隨便彈奏一段,有時則彈出完整一首。