(校園、穿越、奇幻)今年我三十三歲,回到了1998年(11)

未好大影響之前起碼玩幾鋪先啦

場場all in嘅話
一開始有影響，是但一場個比數唔同咗都夠輸返突啦

頭一年斷估未影響到英國掛
最有機會影響都要靜宜去左英國先開始
呢件事之前應該都夠贏一大筆

呢點又有道理
尤其本身已經得罪黑社會

房侍農個角色完全用左梁家仁"龍過雞年"個CHARACTER 去演繹

一九九九年五月二十五日，這天下午我與房侍農相約在布正麗工作的樓上ＣＡＦＥ等候，我比約定的時間早到了十五分鐘，找了一個角落的位置坐下。

正在工作的布正麗瞧見我，立時走過來，她勸說道：「喂！你真係諗住今晚搏一舖啊？啲錢咁辛苦賺番嚟，萬一輸晒就唔抵啦！我地不如諗下有無其他方法啦！」

我苦笑道：「妳都幾長氣喎！我問妳喔！妳諗到咩方法啊？」

「不如…去問靜宜媽咪幫手喔？」

我搖頭道：「之前琛琛件事，我地仲未還晒錢比呂伯母，無謂再麻煩佢地啦！」

我和呂靜宜分了手，實在沒有顏面再請求呂伯母幫手。。

布正麗皺了皺眉，道：「咁又係，之不過賭錢真係唔係一個解決問題嘅好方法。」

我瞧著布正麗，布正麗有點錯愕，問道：「你望住我仲咩啊？」

「無，越睇妳越似我阿婆，佢成日都『鵝』我千祈唔好去賭錢，如果妳地見到大家，應該會好投緣。」

布正麗道：「咪係囉！你阿婆都咁講，你就乖啦！聽下佢老人家嘅說話啦！」

其實回想起當日如果我牢記婆婆的叮囑，我便不會投資倫敦金，那麼我便不會跳樓，但如果我不跳樓，便不會回到１９９８年，展開另一次人生。

布正麗還想再度勸說，房侍農在此時推門而進，他手執數份報紙，在我對面的位置坐下，他向布正麗道：「喂！靚妹，整個焗豬扒飯、炸髀、紅豆冰多奶多紅豆。」

布正麗白了房侍農一眼，道：「嘩！房沙展，你個肚好似人地陀緊九個幾月咁，仲食埋依啲咁嘅野，你唔驚爆血管啊？」

房侍農翹起二郎腿，翻開了體育版，道：「超，阿叔我依啲大富大貴相仲有排玩，妳少擔心啦！」

布正麗搖了搖頭替房侍農下單，房侍農邊翻閱各大報章的體育版邊道：「今晚場波好多講波佬都睇好拜仁喎，尋日讓球盤拜仁讓平半低水，今日變咗讓半球，聽講真技安龍頭蔣天誅仲買咗二百萬上盤添！」

我呷了一口咖啡，瞥了房侍農一眼道：「定啲嚟喎！之前師父報夢畀我，你跟住買都嬴錢。」

「係，之前係贏錢，之但係今晚場波，曼聯中場堅尼同史高斯都唔出得，對賽就不嬲德國佬食住英國佬，拜仁嗰邊人強馬壯啊！」

我見房侍農有些舉棋不定，於是奪過他手上的報紙，安撫道：「定啲嚟，我地要對師父有信心，次次師父畀料都係中架啦！依啲所謂專家食屎啦！佢地咁準嘅話，晨早發咗啦！駛鬼晌報紙到鳩ＵＰ咩！」

房侍農道：「唔係喎！今晚我地賭身家嗰喎！做多啲功課好喎！」

我不讓房侍農奪回報紙，道：「你依啲叫關心則亂，越睇越亂啊！總之就信師父，我買乜你就跟住買，咁就最明智喇！」

布正麗奉上了炸雞髀，問道：「喂！你地今晚去邊到賭波啊？我又去。」

我白了布正麗一眼，道：「關妳咩事嘖？妳都唔識。」

布正麗嗔道：「邊個話我唔識啊？我知今晚場波有碧咸。」

我問道：「咁對面有咩球員啊？」

布正麗聞言，遲疑道：「對面…對面…有嗰個肥仔，朗…朗拿度。」

房侍農笑道：「妳有無攪錯啊？朗拿度邊到係踢拜仁啊？妳諗下係咪克林頓同查理斯？」

「克林頓同查理斯踢波嘅咩？」布正麗瞧見我與房侍農捂住嘴巴，知道房侍農在作弄她，怒道：「唔識咪唔識囉？好好笑啊？」

我道：「咁妳都唔識，睇嚟都無用啦！」

「唔識唔可以睇架？你第一次睇波識晒兩隊所有球員架？」

「ＯＫ，咁妳搵人陪妳睇啦！我地今晚去嘅地方唔係好啱妳架！」

「唔係好啱我？」布正麗現出疑惑的神色，未幾恍然道：「你諗住去８座賭錢？」

我苦笑道：「咁妳明點解我唔想妳跟嚟啦！」

「去８座你咪仲危險過我。」

我愕然道：「咁…有房侍農保護我喔嘛！」

布正麗道：「咁佢都可以保護埋我咯！」

房侍農訝道：「嘩！你地兩條友咁睇得起我啊？有起事上嚟，我都唔知可唔可以保護到自己嗰喎？」

我與布正麗異口同聲道：「你得嘅！你係神探嚟架嘛！」

文文文

有文

又去開片

榮仔老豆咁濕鳩 救得佢幾多次

會唔會一鋪清袋呢？

終於可以同男主角睇波

保護布甸

黑社會輸得多發老脾，派完彩轉頭搶返兼滅口，食埋布甸，兩個一齊再返到過去，故事無限loop, 可以無限幫布甸開苞

推

多謝春巴

推

無文 早抖

Chapter　８９　奇蹟之夜（中）

這時候的歐冠決賽並不是在周末舉行，而是在星期三凌晨三點四十五分開始，一場球賽上下半場加上中場休息時間，最少要一小時四十五分鐘，還未包含補時，即是稍後的球賽結束，也差不多將近早上六點，看完這場賽事，我便可以回家更換校服，直接上學。

我相約了房侍農凌晨三時正來我家，與我一同出發，距離三點還有數個小時，原本我打算小睡一會，可是我的精神處於一個很亢奮的狀態，輾轉反側難以入睡，之前我把全副身家在倫敦金上孤注一擲，亦曾出現過這種狀況，那時我是一擲數十萬，而現在我只有兩萬多，壓力應該相對地細，但我今晚我要把兩萬多元變成三十萬，否則榮仔便會被人帶回大陸。

我對自己說要冷靜下來，我已經洞悉這場球賽的歷史的走向，照道理這場球賽只會按照既定的劇本去演練，可是歷史的巨輪真的難以撼動嗎？在兩個多月前，我便讓一個本應死無全屍的人，把她從悽慘的命運拯救出來，另外我回到１９９８，已經漸漸改變身邊的人和事，爸爸坐牢、自強會的成立、我和呂靜宜發生了一段情、與朱斌仔等人發生衝突等等，這些情節在原來的時空並未曾出現過，但我一一在現在添加了，那麼這場球賽是否遵從「既定」的軌跡去行走，便存在了疑問。

我回來改變了部分歷史，蝴蝶效應會否因為這些看似不相干的變化，脫離了原來的軌跡，衍生出另一個結果呢？

各種不同的思緒紛至沓來，沒辦法好好睡上一會，我離開了睡床。

我怕那對中年男女不守信諾，與榮仔的貪錢爸爸把榮仔帶回大陸，於是我便叫他來我家裡小住數天，我睡上格床，榮仔與阿興睡在下格床。

我從上格床爬下來，阿興呼呼入睡，榮仔仍未入睡，他瞧見我從上格床下來，便道：「志哥，夠鐘喇？」

我瞥了榮仔一眼，反問道：「瞓唔著？」

榮仔點頭，隨我走出客廳，他問道：「志哥，係咪會無事架？」

其實我是有些擔心的，但為了安撫榮仔，便裝出信心滿滿的樣子道：「放心啦！最遲朝早六點半我會返到嚟，仲咩咁樣嘖？我有邊次搞唔掂，今次同之前一樣，都係難我唔到嘅。」

榮仔垂著頭，道：「志哥，其實你地幫咗我好多喇！我爸爸咁樣對我，反而你地無血緣關係嘅對我咁好。」

可能榮仔的身世可憐，又或者我與他投緣，我已經把他當成了弟弟一樣，我不會讓他的爸爸把他賣回大陸，我撫著他的頭，道：「你家姐叫我照顧你，我唔會畀你有事架！唔好亂諗野，瞓啦！」

我多次致電給房侍農，過了二十分鐘他的電話才接通，電話彼端的房侍農應該幾經掙扎才從周公跟前爬回來，他有氣無力道：「喂！阿志，仲有成兩粒鐘先夠鍾喎！咩事啊？」

「喂！唔好瞓啦！早啲去啦！機會留畀有準備嘅人。」

房侍農打了一個呵欠，道：「都唔駛咁早架！依家先一點。」

「去食宵夜喔！最多我請喇！」

「哎！好啦好啦！我差唔多到就打電話畀你啦！」

房侍農剛剛掛了線，布正麗便致電給我，道：「喂！成皇志，起身未啊？唔好瞓喇！」

我苦笑道：「我無瞓過啊！」

「你都瞓唔著啊？咁不如早啲去囉！」

「我約咗房侍農宵夜，咁一齊囉！」

半小時後，我與布正麗在石梨巴士總站等待房侍農，房侍農瞧見布正麗，訝異道：「嘩！靚妹，妳真係跟嚟架！」

「係啊！今晚場波有碧咸喔嘛！」

房侍農拉著我，在我耳旁輕聲道：「頭先師父有無報夢畀你啊？」

我搖頭苦笑道：「我都無瞓過，不過你放心啦！師父一早已經提示咗我架喇！」

房侍農現出恍然之色，嚴肅道：「唔怪知得啦！頭先師父報夢畀我啊！」

我聞言膛目結舌，一臉錯愕地瞪著房侍農。