(校園、穿越、奇幻)今年我三十三歲,回到了1998年(11)

1001 回覆

146 Like 3 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

春泥 2017-11-21 23:13:00

呂靜宜向我揮手道別：「成皇志，多謝你啊！今日我玩得好開心啊！」

正當呂靜宜要轉身離去之際，我喚道：「等陣啊！」

呂靜宜別過頭來，瞧見我欲言又止的模樣，她問道：「你有野想同我講？」

「我諗…我地喺時候…解約喇！」

呂靜宜呆了一呆，問道：「咩解約啊？」

再難開口的話只要說出了第一次，再說多次便不是難事。

我與呂靜宜四目交投，道：「我地嘅愛情契約喺時候要結束喇！」

呂靜宜聞言如遭雷殛，連忙握住我的手，她追問道：「點解啊？」

「每段契約都有時限性，我地夠鐘架喇！」

呂靜宜激動地道：「我都講咗我可以唔去英國。」

我淡然道：「我有乜原因，可以令妳放棄一直以嚟嘅夢想？」

「因為我鍾意你，你係我第一個鍾意嘅人，你係我嘅初戀啊！」

我搖頭道：「呂靜宜，妳錯喇！你嘅初戀情人唔係我，亦都唔係戴建雄，妳嘅初戀情人喺妳細細過嗰陣已經出現咗，音樂先係妳嘅初戀，係佢將妳帶出封閉嘅世界、喺佢令到妳重拾自信、亦係佢令到妳擁有要努力去追尋嘅夢想啊！」

春泥 2017-11-21 23:13:18

呂靜宜雙眸瑩光波動，搖著頭道：「唔係啊！唔係啊！」

我柔聲道：「呂靜宜，唔好否定過去嘅自己，十年前嘅妳嘅夢想係要入英國皇定音樂協會，之後晌米蘭斯卡拉歌劇院、維也納國家劇院到表演，如果依家十年前嘅妳出現喺妳面前，妳會有咩說話同佢講啊？妳會同佢講唔好追夢？我知道十年前嘅呂靜宜知道，十年後佢會得到英國皇家音樂協會錄取，佢一定會好開心。」

呂靜宜淚眼迷離，只懂搖著頭。

我為呂靜宜拭淚，道：「唔好喊啦！呂靜宜，妳知唔知道妳最靚嘅時候係喺幾時啊？係喺妳企晌台上唱歌嗰陣，妳專注投入喺音樂、抱住熱誠去追尋夢想，嗰陣喺最型最有光芒，嗰個先係真正嘅妳，呂靜宜，應承我喔！無論點都唔好放棄依個機會，放棄咗一直追尋嘅夢想妳會後悔架！」

話畢，我掙開呂靜宜的手，轉身離去。

呂靜宜在我身後喊道：「成皇志！」

她一直呼喊我的名字，但我並沒有停下來，此時在我眼眶內醞釀已久的淚水，亦禁不住簌然落下。

我再次失戀了。

回到１９９８，我想追回我的初戀，和管佳莉再續前緣，但最後失敗了；回到１９９８的第一場戀愛，亦在這時候戛然而止。

(待續)

保羅泊架巴 2017-11-21 23:18:33