春泥
2017-11-21 23:12:45
我們六時正離開了海狗公園,然後啟程前往山頂,在山頂餐廳用膳,之後我們一同欣賞維多利亞港兩岸醉人的夜景。
我們在山頂上俯瞰著腳下的壯麗景色,呂靜宜道:「好靚啊!成皇志,你話維港係咪好靚啊?」
「沒錯,真係好靚啊!」
呂靜宜晏晏微笑道:「我會記住依一刻。」
「我都一樣。」我突然有感而發道:「現在嘅我地,係由好多個過去嘅瞬間堆疊而成,每一段回憶都包含好多唔同嘅人同事,儘管回憶有苦有甜,遇到嘅人有好有壞,但係都係屬於我地人生嘅一部分,每一段回憶都彌足珍貴,缺失任何一段都唔係完整嘅自己,而現在依一剎遇到嘅人同事,都會成為未來我地嘅回憶,都係組成未來我地嘅其中一部份。」
呂靜宜現出詫異的神情瞧向我,笑道:「你依番說話晌邊本小說抄落嚟啊?好深奧啊!」
我笑道:「無,依啲時候,扮下野嘖!」
要說的話,話到嘴邊卻難言,我只好道:「都夜喇!我送妳返屋企啦!」
晚上十一時,我們離開了山頂。
恰好十二點,我與呂靜宜抵達了她家的大廈門口。