呂靜宜在校內人緣挺好,前來送機的同學不少,有部份4E班的同學及自強會的成員,與她友好的楊鳳瑤、柳豔、管佳莉亦在場,唯獨成皇志並不在場。
管佳莉瞧見布正麗,不禁皺起眉頭道:「布甸,咁遲架?等妳影大合照啊!」
布正麗氣喘吁吁道:「嗄嗄!我喺長洲趕過嚟架!依家妳見到我,算係咁架喇!係呢!成重志呢?佢仲未到啊?」
「依句說話應該我問妳先啱啊!妳尋日唔係入咗去長洲搵佢嘅咩?佢唔喺長洲到?」
這時呂靜宜走過來,道:「布甸,好彩妳趕得切嚟咋,我仲驚妳嚟唔到,過嚟影相啦!」
在拍攝大合照的時候,管佳莉道:「靜宜都差唔多夠鐘入閘咯!成皇志都未見人,睇嚟都唔會嚟架喇!」
布正麗搖了搖頭,道:「未必,成皇志依條友雖然無乜好,但係份人幾重情義,話唔定佢匿埋喺一邊偷偷睇住呂靜宜入閘呢?」
站在布正麗身後的柳豔聞言,四處張望,她發現上層有人向這裡打量,當她與那人視線相觸,那人發覺立時躲在圓柱後。
柳豔心想:「唔通嗰個係成皇志?」
她想把這個發現告訴給呂靜宜聽,但想深一層,還是不要告訴給對方知道較好。
呂伯母看了看手錶,道:「靜宜,夠鐘架喇!我地要行架喇!」
呂靜宜向其他前來送機的同學、朋友揮手道別,在入閘前回頭看了最後一眼,她不知道希望看到什麼,行到了這一步,就算成皇志來到這裡,又可以怎樣?