146 Like
3 Dislike
F20CS2000
2017-12-09 22:26:52
諗住儲埋一星期先睇一次
都係得兩篇
Sorry
加油
羽琴
2017-12-09 22:37:44
Sorry 無文
早抖
新桓波多野結衣
2017-12-09 22:59:38
摸托蘿奶
2017-12-09 23:40:20
春巴加油,最緊要有靈感,一星期得一兩篇都無所謂,最緊要好睇
一拳超人出咁撚慢我都等,春巴既文我都會等
春泥
2017-12-09 23:46:30
正當我要返回坐位的時候,姚智風等人遇上了麻煩,有一名女生指著姚智風破口大罵道:「仆街,忍撚咗你好耐喇!挨咁埋同你有親咩?」
姚智風的表現過於進取,那女生的不甘被吃豆腐,女生的同伴上前圍堵姚智風為女生抱不平,姚智風想不到那女生會有這樣大的反應,他瞧向霍去登尋求協助,霍去登連忙上前賠不是,道:「對唔住啊!咁多位阿姐,佢細路仔唔識性,飲多咗兩杯企唔穩先挨到妳咋!」
「屌,唔飲得唔好學人飲啦!」
衝突沒有再進一步升級,我和姚智風等人回到坐位喝酒,姚智風抱怨道:「阿登,你又話啲女好慷慨嘅,我係咁意挨下姐,佢咁大反應嘅,畀佢攪到無晒癮,早知返上去畀百零蚊攪掂算數啦!」
何敏傑道:「姚少,依啲真係經驗,你啲動作太過火,當人地出嚟做咁,起碼都問下人叫咩名,大家有啲交流,一步一步慢慢嚟,你一嚟問都唔問,成個人挨埋去,無畀人打爆缸,算好彩喇!」
姚智風攤開了雙手,故作無奈道:「睇嚟依種玩法唔太適合我,下次唔駛預我,我未必會再嚟。」
霍去登拍了拍姚智風的肩膀道:「姚少唔好唔開心啦!樣衰一次嘖!當攞個經驗,講樣野畀你聽喔!依家仲早,啲女仲好清醒,過多一陣,啲女飲多幾杯,或者啪番幾粒fing 頭丸,就玩得癲,唔信你問下聞屎喔!」
我聞言有點訝異,原來這個時候搖頭丸已經出現。
姚智風道:「喂!聞屎,阿登講嘅野係咪真架?」
何敏傑點頭道:「係啊!上次嚟,見到有條女喺舞池到同人打晒車輪、喺男厠仲聽到有啲女嘅呻吟聲喺厠格傳出嚟、仲有走嗰陣我地見到有啲仔執啲女走添。」
原來這時已經有人在酒吧「執屍」的案例出現,這個年代的CCTV還未普及,女生在酒吧喝醉失去知覺,遇人不熟的話,到第二朝一覺醒來,發現被人侵犯,亦不知找何人算帳。不過從另一方面看,既然有這樣的風險,女生如果不想和何人睡了亦不知,便要多加提防,始終這裡是男女尋找一夜快慰的獵豔場所。
聽完何敏傑的所見所聞,姚智風再次心如猿馬、蠢蠢欲動。
飲了兩枝啤酒,我有點尿意,道:「喂!我去揸揸水先。」
周乃生
2017-12-10 00:35:51
有文
我初戀 今日生日,好想同佢講生日快樂
春泥
2017-12-10 00:42:41
進入了男厠,所有尿兜均被人佔據,幸好時間尚早,沒有男女在厠格Gathering,於是我走進厠格小解。
「斌仔,你得罪阿大,阿大唔睇你唔緊要喎!一場兄弟,我點都射住你嘅!」
當我在進行排泄活動的時候,我聽到有把很熟悉的聲音。
我悄悄從門縫向外打量,看到一把很鮮明醒目的藍色頭髮。
南乳怎麼會有這裡出現的?
我再看真點,不單止是南乳,連朱斌仔亦在這裡,真的是冤家路窄。
朱斌仔悶哼了一聲,南乳小便完還沒有洗手,以手拍了拍朱斌仔的肩膀道:「斌仔,我知你人才嚟嘅!打交又搏又勇,我需要你嘅幫手架!依家阿大將8座幾個場過畀我睇,我好多地方用到你架!」
朱斌仔冷笑一聲:「公司野,邊個睇有咩所謂嘖?你睇唔掂咪畀返我囉!」
「哈哈!斌仔,你估我想同你爭架?阿大叫到有咩辦法嘖?你依家心情唔靚我都好明白,但係今日其他兄弟慶祝我上位,整個包廂慶祝下,你就戥下我開心囉!寬容啲,唔係靜間出到去,其他人兄弟見到你死老豆咁款,以為我地唔啱啊?」
南乳走後,朱斌仔勃然大怒,對著牆壁拳打腳踢洩忿,我身在厠格的那扇門亦爭一點被他蹬開。
其他人見狀,以為他神經失常,嚇得紛紛離去。
男厠內,除了我和他外,還剩下另一人,我認得那人叫阿謹,曾與他有數面之緣。
朱斌仔怒道:「之前孖腸睇我嗰陣,南乳條仆街,斌仔哥前,斌仔哥後,依家條蛋散喺我面前擺款,當我臭四,條友打又唔打得、食腦又唔掂,除咗識擦鞋之外,仲識春咩?」
阿謹道:「咁無計架!依家孖腸睇佢,你唔忍佢,可以點啊?」
朱斌仔咬牙切齒道:「一日都係嗰個成皇志,我搞到要睇啲臭四面色,都係拜佢所賜,如果依家畀我撞到佢,我實斬開佢十碌八碌餵狗。」
躲在厠格裡的我聞言大驚,如果現在我被朱斌仔發現,盛怒的他真的可能不顧一切向我作出報復。
鐵塊
2017-12-10 01:01:00
朱斌仔仲敢攪人
花心糖膠
2017-12-10 01:30:14
偷聽!!!
utility
2017-12-10 02:09:41
push
游大輝
2017-12-10 02:32:31
打比房侍農求救啦!
飛𨋢扭屎忽
2017-12-10 04:08:09
歐公紀
2017-12-10 06:24:18
春巴加油,我今日都事事唔順利,大家一齊加油
UncleJoe
2017-12-10 21:34:44
推
utility
2017-12-10 23:11:03
push
羽琴
2017-12-10 23:41:26
琴日出左 今日無
早抖
游大輝
2017-12-11 00:13:49
推!
春泥
2017-12-11 00:32:47
打緊
春泥
2017-12-11 00:36:58
阿謹道:「斌仔,你跟咗孖腸咁耐都知佢份人係點架啦!忌才、無大志,當年阿湯睇清佢份人,走出去闖,先得到蛀牙哥嘅賞識,佢拉返你落嚟,你唔係以為佢仲畀你上返去啊?斌仔,如果你唔想成世畀南乳依啲戇鳩仔食住,你都係認真考慮阿湯嘅說話啦!」
在厠格內的我,把他們的對話聽得一清二楚,孖腸好歹亦是他們的老大,但背對著對方的時候並沒有任何敬意,難道他們是在合謀算計孖腸嗎?這樣我更不能被他們發現,如果他們得知我聽到他們的說話,更加不會放過我。
天啊!為什麼要讓我在這裡遇上他們啊?朱斌仔這頭蠢牛又是的,為何會在男厠商量這些機密,我可沒有興趣介入他們的社團內鬨之中。
厠所瀰漫著煙臭、屎臭、尿臭和清潔劑刺鼻的味道,不知我還要困在這裡多久?有這麼多地方可以舒適地聊天,為何他們硬要留在這又髒又濕又臭的地方不可?
三分鐘後,他們終於捨得離去,為了安全起見,我還在厠格靜候了一會,才躡手躡腳推開了男厠的木門,四處打量一番,沒有發現他們的蹤影。
由男厠回到坐位,我要經過一列包廂,現場的燈光昏暗,我相信只要我垂著頭快步走過,朱斌仔應該察覺不到我的存在。
春泥
2017-12-11 00:40:27
此地不宜久留,我應該立即離開這地方。
只要拐過一個彎,便是那條兩旁都是包廂的通道,驀地轉角處傳來了兩人對話的聲音,我認出其中一人是南乳的聲音,我立是矮著身子靠著牆偷聽他們在說什麼。
「喂,頭先喺舞池見到個金髮大波妹係咩人嚟?」
「哦!嗰條女叫焰兒,近排先落嚟玩嘖!」
「你知唔知佢乜料啊?」
「佢都係同班囡一齊落嚟?」
「咁即係我上咗都無乜後果啦!」
「南乳,你又想落藥啊?」
「嘿嘿!咁落得嚟都係諗住搵餘興節目嘖!條女對波咁大,好難搵架!大家兄弟,你識做啦!」
我悄悄探出半個頭,瞧見南乳從衣袋取出數顆藥物,交到另一名臭飛手中,道:「等你好消息。」
雖然我並不認識焰兒,但我聽見南乳以下三流的手段下藥性侵對方,我好歹拿過警方領發的好市民獎,得知對方的陰謀好應告訴焰兒要多加提防。
春泥
2017-12-11 00:46:45
就在此時,有人從後輕輕拍打我的肩膀一下,我神經繃緊的時候,受到這一驚嚇心頭不禁為之一慄。
我緩緩別過頭去,發現站在我身後的人是焰兒,突然急速搏動的心跳才漸漸回復正常。
焰兒道:「喂!你鬼鬼鼠鼠喺度偷蕃薯啊?」
「妳喺到啱喇!我正想搵妳,啱啱我偷聽到有個叫南乳嘅人想向妳落藥執妳走。」我向她形容南乳的外形。
「哦!原來係嗰條友,頭先喺舞池到佢叫我地入去包廂到飲酒,我無理到佢,估唔到依家打算落藥咁低莊。」
「嗯,咁我已經通知咗妳喇!妳自己小心啲啦!我走先喇!拜拜!」
此時,朱斌仔與阿謹從焰兒身後向我這邊走來,他們二人邊行邊聊,暫時未發現我的存在,我立時轉身向包廂的通道走去,拐過一個彎,南乳恰好從包廂走出來,我嚇了一跳,轉身返回回頭路。
此時,朱斌仔與阿謹離我更近,我去而又返,焰兒感到奇怪,回頭瞥了一眼,問道:「你啲仇家啊?」
我點了點頭,焰兒立時雙手捧著我的臉孔,然後吻向我。
焰兒的身體把我壓得靠向牆,我們的身軀緊貼著,我感到焰兒驕人的上圍及唇瓣的質感。
朱斌仔與阿謹在經過的時候,只是打量了我們一眼便離去。
他們走遠,焰兒才把我推開,我被她吻得心情激盪,不禁喘氣,半晌才道:「唔該晒!今次妳救咗我啊!」
焰兒以手背抺著唇瓣,道:「我頭先係幫你,但係你居然伸脷,真係好無恥啊!」
面對焰兒的指責我羞愧得臉頰微紅,歉意道:「對唔住,妳突然間咁錫埋嚟,我反應唔切,真嘅!其實我最後已經縮咗架喇,我真係唔係有心架!」
「哼!你依家講到錯嗰個反而係我咁樣。」
我偷偷探頭察看包廂通道的狀況,發現南乳與朱斌仔等人已經返回包廂內,便道:「總之今次真係多謝妳救命之恩啦!趁佢地未發現我喺度,我要閃人喇!拜拜。」
焰兒拉著我的手,道:「喂!我幫咗你,你都未報答我,就想走啦!」
「吓!咁妳想我點報答妳喔!」
「最少請飲酒啦!」
「依家?我啲仇家喺到喎!下次先啦!」
「下次?我點知你會唔會走數啊?」
「咁妳想點啊?」
「依到你唔方便,我地可以去第二度飲過!」
我拿焰兒沒輒,只好答應道:「好喇!好喇!離開咗依度先講啦!」
UncleJoe
2017-12-11 00:50:02
考試前夕有文出好開心
我師傅係巴菲特
2017-12-11 00:56:28