懷疑患上自閉症請入嚟

咁你睇戲會唔會喊架？ 睇小說漫畫會唔會代入到架？

係, 關埋生肖事。1981 1993 2005 2017年出世多數自閉。

唔係，係因為小巴路線同時間都無巴士咁固定，埋站嘅地方亦唔係次次一樣

對自閉人士係比較無規律嘅交通工具

不是

無我份

唔會喊，無睇小說漫畫，戲都極少睇，大約幾年睇一套。我鍾意睇fact，如果睇書要係實用書、真人真事之類，故事性嘅唔睇，尤其抗拒愛情嘅劇情，有太多對白同埋複雜關係嘅都唔睇

其實係因為唔明所以無興趣，確診後我聽醫生講揀套劇集睇，我最盡睇到三集，就無然後….

好處係我唔會FF 韓劇男主角，我唔會係坐係梳化煲劇嘅師奶，我亦無三姑六婆嘅朋友

樓主工作方面順唔順利?會唔會好驚開會 打電話 呢d要同人溝通嘅野？

你身材樣貌如何？大唔大波？
你講到你待人接物咁差，但都咁多拖拍
係唔係好多人垂涎你既美色

我工作一路以嚟都幾順利，托賴都有唔少人幫我。我係好怕打電話，但開會都還可以，因為有固定嘅主題我係ok, 最驚無主題嘅small talk, 我唔識接亦諗唔到有咩講。無主題無目的嘅溝通係最令我束手無策，醫生教咗我點樣應對，但可惜我成日都唔記得，完事後先醒起….

明明我記性係超好，但總是記唔住同人溝通嘅技巧，就係因為無興趣所以記唔到….

打電話好辛苦，因為聽人講嘢對我係好大心理負擔，我成日都out fo咗，遊魂，面對面會容易d令我聽到人講嘢

大把內向撚都係咁啦

所以大把內向撚被患上自閉症
想講我睇完佢段野發現全中

所以問題位除左內向就係唔識讀空氣？

我唔係好理自己身材樣貌，連鏡都好少照，但又有人搵我拍唔少廣告同行catwalk, 我唯有講算係見得吓人囉…

D人覺得我性格好得意，我講嘢係人哋諗唔到嘅對話，又好似小朋友咁直接，同我相處唔駛太多腦交戰，我亦唔會講大話（唔識），唔睇劇，唔會有太多無謂幻想，無講八婆嘢（唔知人哋d嘢）…

壞處係我好少講自己嘢，對方總覺得同我有隔模，我唔坦白之類，我自閉到一個點係我無講但我又以為自己講晒！人哋同我講嘢我又唔知，要人哋叫我個名我先醒，大部分時間在自己世界諗嘢，人哋講嘢我多數無反應

內向撚同自閉症係有界線

即係好多人都會試過好唔開心，想自殺

咁又係咪抑鬱？

我唔識分，醫生先識

嚴重偏食係自閉的基本套餐，手腳唔協調都係，如有懷疑，去見下醫生

我雖然冇話唔識讀空氣
但我都理解個種睇人面色嘅難受感
但會控制住佢
個病係咪會令你連控制都唔控制？

我都係講野好直 唔識講大話

唔駛講感受，我地依家講客觀數據，唔關興唔興趣事
你身高同三維分別係幾多？
有冇人話過你個樣似邊個

係呀，每日都誤會人哋嘅說話

例子：中學時女同學話一齊去廁所，其實係想傾下計，但我會話我無需要所以唔去（人哋唔係問我有無需要先去廁所）

大個d男仔做暖男msg: 食咗早餐未呀？唔好餓親

我就覺得佢好奇怪，心諗：你又唔係約我食早餐，我肚餓就會搵嘢食，咩叫唔好餓親？？ （確診後回想先知原來呢個係表示關心）

社交力差算唔算

只有天生嘅人可以叫自己自閉症 唔駛個個毒撚都衝出嚟話自己自閉

我無睇過人面色，因為連人都唔望，我由細到大嘅成績表評語每年都係：我行我素，不合群，有待進步….

我無控制d乜嘢，甚至好多人覺得我唔理人感受，不過被我傷害嘅人都唔會直接同我講，所以我都唔係好清楚，直到確診後回帶，諗起好多嘢先知原來其他人會有呢d感受