懷疑患上自閉症請入嚟

可唔可以講多d?

你咩事去睇醫生？

睇下你介唔介意身邊嘅人因為你而受傷害囉，如果無所謂，確實可以繼續

但我係自閉，唔係自私

感謝你的建議！

我有好狹窄興趣，你所講嘅我全部無興趣，所以同其他人無話題，人哋講嘢我又無興趣聽，認真去聽但又搭唔到咀，人哋講過嘅嘢我會忘記8成，講唔番出嚟比人聽，所以我守秘密係一流！

醫生有教我去收集情報，我最大問題就係成日唔記得醫生教乜….明明我係好好記性，所以好有挫敗感。

我潛意識覺得無人同我講嘢，因為我自己都無講嘢，所以無ready有人會忽然同我講嘢，我要有晒預設情境先做到正常溝通，例如我見醫生，一問一答完全無問題，但setting轉變，唔係一個開會形式，我就會遊魂

唔洗咁上心,個條友波台狗黎我一早block左
咁除左固執外 你有冇重覆性既行為?朋友會唔會特別少
聽落你都好輕微
見你講朋友通常SEN,咩中學個時會特別講邊位同學有sen?
我以為得呢幾年小學先咁前衛

btw 想問一樣野,你腸胃有冇特別差
https://www.med.cuhk.edu.hk/tc/press-releases/cuhk-discovers-children-with-autism-have-delayed-gut-microbiome-maturity-and-identifies-faecal-bacterial-markers-for-autism

你講得好岩呀

我嘅生理狀況已經由心理影響到生理，我近年有panic attack, 我都唔知係panic attack, 睇醫生先知，原因係我從來無疏導情緒同壓力，我收埋太多但又不自知，我唔容許自己表示情緒，亦責怪他人流露負面情緒，我認為收埋係負責任嘅表現

因為小巴嘅時間表同路線唔穩定，唔太跟規格，不穩定性唔係自閉杯茶。

發出咩聲呀？你講嘅可能係有低智問題嘅自閉

我係對危險無警覺，但又未必關自閉事

我自覺無乜情緒，只會間中跳制暴躁，其餘時間好平穩（不過伴侶唔同意，佢話我只係在掩飾）

鍾意人會對佢照顧無微不至，但只限起居飲食，唔會陪伴對方，因為我認為「好」係俾私人空間，但對方會成日覺得好寂寞，被冷落

重複性嘅行為我諗算係有 例如我好容易就會有一句新嘅口頭禪 某程度有啲似係鸚鵡式學舌 間唔中就會重複咗人哋句嘢變成自己嘅回應 細個試過變咗煩膠錄音機 係咁重複當時流行嘅slogan
由細到大都唔多朋友 曾經有老師就覺得係我唔肯打開個心同人做朋友 但事實上係我同嗰班人夾唔到 平時都係比較習慣圍SEN堆
中學唔會講邊個同學係SEN 但識耐咗佢哋自己會自爆 例如：有日早上見到有個同學食ADHD藥、Facebook玩嗰啲真心話有friend自爆咗自己係亞氏保加症
腸胃方面 細個嗰陣好似都算差

開始覺得自閉症人士維護規律嘅傾向其實可能係維護世界規律嘅力量

鸚鵡學舌有啲似echolalia

你咁細個就知SEN, 我返緊工先知咩係sen….

我讀書由幼稚園到大學，大部分同學嘅名都唔知，我覺得好神奇係我好多同學連隔離班都識埋！

我諗你講嘢多過我好多，我連你尾燈都睇唔到

其實係得，我最岩做糾察

我都係讀year1嘅時候先發現
但啲病徵由細個開始已經有
例如食飯一定要坐同一張凳同一個位
試過要求每日食同一樣嘅餸
但以前屋企人太就我
佢哋就完我之後冇發生啲咩事
所以就覺得冇所謂
而且佢哋唔覺得呢啲係病徵

咩叫自閉症？

你有無偏食習慣？

讀書時識晒同班同學嘅名嗎？

有時覺得好難定個介線
我覺得潛意識 就算普通人 有時都想坐開同一個位
但問題係你坐唔到食唔到同一樣野,咁你會好唔開心?

咁你會點應對生活上既不如意

我個人就應該唔算係偏食嘅
唯獨以前食學校啲飯就好偏食
幼稚園嘅時候就冇識晒同班同學啲名
小學有學號呢樣嘢就開始識同班同學啲名

以前細個未試過坐唔返嗰張凳同埋嗰個位
就算我阿哥攞錯咗我張凳 我發現到第一時間叫佢俾返張凳我
至於面對生活不如意 可能會喊吓咁樣

我問咗其他人，原來得我一個係唔會識晒同學名…一齊幾年都唔識的，可能我對「人」無興趣到一個點…

我無呢d堅持，我會固執在已plan好嘅嘢，如果有改變我會好嬲，但未必會發出嚟，但會炆一日而自己唔覺，身邊人就會覺得我無端端果日好燥。

好奇一問
樓主係咪唔會追星&八卦娛樂新聞

唔會刻意追，上連登同fb 見到就睇下，呢期睇乞食KOL同何伯多

講嘅就係我

私家都一樣

你可以試下記低醫生教你啲tips
Note低啲關鍵字

醫生話我有自閉症，但明明我自己覺得似係嚴重弱智多啲