懷疑患上自閉症請入嚟

我確診佢係好開心，因為解釋晒佢嘅疑慮，亦明白我唔係唔錫佢，佢以前會自責覺得係自己唔好，宜家會話自己照顧緊病人，心態好好多

呢個po好好笑！我相信如果我係男人都會係咁，呢世溝唔到女

醫生有無解釋你呢個思路同自閉有咩關係？
因為我都發生過類似嘅事
當時同樓豬諗法一樣

啲人咁撚曲都唔識分

我醒起一個經歷，係我在大群女仔中嘅表現：

話說以前識咗一個生意人，佢有贊助下tvb節目嘅，有日佢話要提名我選港姐，勸我當見識一下，咁我就答應咗。

面試嘅時候，十幾個女仔一字排開坐係度，面對評審，逐個介紹，當時我見到所有女仔都坐得好直，坐姿完美，講嘢時把聲好作狀，成個畫面都好假好有壓迫感，d女仔私下傾計時我感覺係好假，語氣都好作狀。就嚟輪到我時，我決定拎個手袋放上大脾攬住，坐到寒背攣埋，求其自我介紹（應該時間最短係我），務求評審覺得我無誠意。

最後梗係無入圍，但呢個經歷好難忘，係第一次咁唔舒服嘅氣氛，我感覺個個女仔都好aggressive, 好假，好得人驚。好似我係小朋友去d好莊重嘅大人場合咁…

我係要刻意拎開所有情緒/情緒表達，係我唔了解嘅嘢，認為唔重要，要自己唔可以有，亦唔俾其他人有，而且誤解別人，老公係真心想幫忙，攰有攰樣係正常，我就視為佢做比我睇佢有幾咁辛苦！唔欣賞佢嘅好意，唔理解佢攰但唔係做比我睇

題外話，唯獨有一次令我最討厭嘅係比較！

話說親戚有個女，佢覺得個女好靚，成日搵我嚟比較，但樣無得比較。

有次食飯，佢走過嚟用佢兩隻手箍住我條腰，度幾多個圈，就話：阿X條腰同你差不多喎！嗱，佢就咁粗，頭先度你就咁粗…..

我覺得好反感，我寧願佢直接問我腰圍幾多好過咁樣無啦啦伸手埋嚟度

樓主打字好有條理，實現講嘢都係咁？

我以為自閉好多都係1999還是只係偏見

好多講嘢有文有路 亦有啲唔講嘢 因為自閉一樣有外向同內向人 但鐘意講嘢果啲會不停講佢啲冷門興趣 講到你無癮都仲講

我都係A仔，對我來講small talk 係好難。一來果種講野方式係casual 而通常我會認真咁討論，二來通常講既topic係比較日常而A仔興趣比較狹窄難答到嘴d。（就算對某樣興趣知得好深入都無用因為“正常人” social 方式係由淺入深咁吹)

我表達能力無問題，但只限於我有興趣講嘅嘢，其他話題會無嘢講，但都唔會1999

醫生對我好有興趣，因為我好清晰話佢聽我點思考，自閉小朋友就唔識咁樣表達

我未至於會笑，咁大反差，但我會眼神空洞，好似無聽對方講嘢，我控制唔到我對果個話題不感興趣嘅反應

好多時我係無反應，連哦都無，對方會覺得我無聽緊，其實我每隻字都聽到，只係無反應

所以通常d人唔會同我分享感受，我亦開心無乜人搵我分享

自閉係靠rule based 扮正常，只要個context轉少少就未必用到，但呢個係能力上侷限。

我都係不自覺地認真討論，所以有時會好古怪咁，唔出聲就最好

除左因為女性本身情感能力比男性強，我覺得社會文化expect 男仔要主動care 女性感受/approach 女都係重要原因（所謂”暖男”)。後面有留言quote 翻以前d post，同樣事情如果男仔做就俾人笑毒唔識溝女，但女仔就社會對佢地無呢種expectation，樓主靚女就更加。（當然我係男性角度睇，如果a女覺得社會其實都有其他負面expectation可以糾正我）

起你底見你之前係男人
衣家又講我老公？

share account 呀

見到唔少人quote the Big Bang theory我都覺得幾中，但我想推薦另一套good doctor因為佢真係深入表達到自閉症患者遇到咩困難，係點樣成長。例如主角一開始唔明白咩係愛，對住愛既人每樣野都要跟足佢用自己邏輯分析出來果套，但係去到結尾佢識得尊重佢愛既人意願，即使佢唔同意都好，但係對住愛既人可以放下不同。而且Dr. Glassman 死既時候學識放下，放係心入面懷念就得了，唔一定強求留係一齊。

多數自閉配較低智商嗰啲都搭埋過度活躍

唔係大家諗嗰種毒撚自閉

我asd/adhd 但唔係低智商
呢下先慘
低智商都話可以去庇護工場入筷子