懷疑患上自閉症請入嚟

CP(臨床心理學家） 唔會開藥
通常用counselling 手法 如cbt 等方法介入
改變自己既思維模式 發覺自己思想陷阱
Psychiatrist 就可以開藥 counselling 既功能比較少
所以一睇就要睇曬cp 同Psychiatrist
雙管齊下先醫到
由其是asd 特別固執 食藥唔會搞得掂 要係cp/ot 學返social skill

我無俾人排擠，但我覺得自己一個好開心，你有咩痛苦呀？？

可以的嗎？

得，但唔好講嘢，唔好有潛台詞，唔好太多人物關係圖

想問下師兄有冇成人asd 既cp介紹
搵左好耐，一般cp都係幫小朋友asd.

明白，確實係，雙管齊下最好，不過我做咗兩年訓練，我覺得自己進步慢，成日唔記得醫生講乜，又唔記得要做乜…

人無可能唔返工
但職場上被排擠
一點都唔好受
自己一個人返工放工
最攞命係 我asd之餘有埋共病adhd 同抑鬱焦慮
ASD患者則可能較出現「hyperfixation」的情況。這是焦慮症、抑鬱症和自閉症患者的一種應對機制，患者會重複進行某些行為，而且這些行為甚至可以持續數年。不斷觀看同一齣電影、暴食，都是「hyperfixation」的例子。
面對咁強問題真焦生不如死

我對「人」嘅性行為零興趣，結果離咗幾次婚

你覺得
性格個個人都唔同既 總有人係固執直接特別少少 或者不擅社交
vs
呢個係一種自閉症狀

兩者有無界線？定係同一句說話既唔同講法？

你覺得人地對你講邊種講法/ 有邊種諗法會令你舒服d？

多謝分享

我覺得Asd最明顯特徵既係天生無同理心
理解唔到別人感受同情緒
無同理心引致到社交技巧薄弱
唔識睇人眉頭眼額 唔識閱讀空氣
唔識同人溝通 只係講自己有興趣既野
全部都係無同理心引致

咁你慘好多，有埋咁多病症…
睇緊醫生未呀？

睇公家要排期好長
睇私家撞正呢家失業無錢睇
兩難局面
唔食藥根本搞唔掂之後如果有工返既工作
人生就係咁痛苦

我唔係專家，所以我quote番精神科醫生同我講嘅說話：「每個人都需要私人空間，你同其他人嘅分別係，一般人係O呢個圓圈咁多嘅私人空間，而你係（（O))咁大個圈嘅私人空間！」

我嘅理解係例如每個人都會好唔開心，間中都會失眠又會諗過自殺，咁又同抑鬱有乜分別呢？我諗係時間嘅長度同程度嘅分別。

醫生話唔好信坊間果d自我測驗評分，自評係咪自閉果d, 我問佢點確診我？佢話係臨床判斷，佢從來都無問過我「自我測驗」之類嘅問題，我估計佢係在我談吐中聞到我陣除，我睇過一本書話，自閉症患者在有經驗嘅精神科醫生面前就如流鼻血一樣咁明顯….

佢曾經話過我個人好似機械人咁，諗嘢係將所有情感撇除，對人同對自己把尺係一樣嚴謹，比人感覺係不近人情，但唔怪得我，因為我係對自己都不近人情，雖然好難相處，但做人總算公道公平。

我覺得話我有病就好了，另一半就會比較包容

同意，我連咩叫同理心都唔知

醫生話我：「人哋死老豆好傷心，你知道亦明白點解人哋會傷心，呢個係你邏輯理解，你明白。而同理心係你自己都感覺到對方傷心，你自己都傷心、係情感上的同理，唔係邏輯上理解！」

佢講完我都明明地，不過覺得我無可能會在情感上有同理。佢話無同理心無得醫，係與生俱來嘅能力，無就無，所以佢現階段集中幫我處理社交問題先

私家真係貴到離地…..咁你排緊公家未？
你去邊度確診的？果度有得做follow up嗎

排緊 要排成年
青山醫院 我既宿命
就黎拎白卡

聽講公家醫生每次見你一陣就請你走

應該係唔斷尾 長期覆診

呢度OK唔到。唔好意思
可以你TG我嗎？萬分感謝
tg id= mokkwok

續寫，自閉症人士多數係極度偏食，唔願意試新嘢都係導致偏食原因。

醫生問：「你d朋友會點形容你偏食嘅程度？」

我：「佢哋話從未識過一個人咁偏食。」

我宜家諗番起先覺得當時醫生係在診緊症，而我只當係普通對話。

我哋呢類人亦跟唔到別人做動作，例如學跳舞、跳減肥舞等等，總係跟唔到，亦左右不分，除咗本身動作笨拙，手腳不協調外，對於「模仿」係表現極差。

我玩唔到群體運動，因為我無法在非言語下去理解、或同別人合作，例如打籃球，教練講解戰術，首先我幻想唔到個戰術，睇圖我唔明，落場對於教練提示、隊友嘅眼色提示等等，我全部get唔到，最後只會自己做自己嘢，成日俾教練話我發夢遊魂….

有次去泰國旅行，過關時我俾passport個泰官吸印，佢身後係行李輸送帶，我無望過泰官，一路望住遠處嘅行李帶，想睇下班機係邊條行李帶，眼神空洞，同泰官亦無眼神接觸，於是佢有d嬲咁問我望乜？我話望行李，之後我唔記得佢講乜，總之都係不滿嘅說話….我確診後諗番起，應該係我同其他人嘅行為大不同，所以引起佢注意。

其實睇人面色做人 有時會令到自己都好扭曲 好似失去左自我 self esteem 超低 要有平衡先好

如果無同理心 咁會肯幫人嗎？會對人好嗎？

感覺自己平時對陌生人有友善行動個源動力係來自同理心呢 例如估到人地既需要 感受到別人難受

如果無同理心 會有另一個源動力嗎？

原來外人所以為嘅閪格、公主王子病，有機會係自閉症


咁多年嚟估唔到‘’有病睇醫生啦‘’，原來呢句嘢唔係咒罵，而係suggestion

咁你同劉馬車咪好friend

係想知道你既睇法而已 身邊既朋友疑似係 而令我有咁既疑問

如果要睇醫生先會知道 咁或者其實唔太影響生活既話 都唔會有動力去問去睇了 你都幾好彩 有機會機緣巧合撞到呢個醫生

無論形狀幾特別既砌圖 總有佢既容身之處
或者有人認同到你80% 以上既價值觀 咁佢同你就可以好開心咁相處
佢又覺得你好好 做人有原則唔會變黎變去

我都想知好耐
我估係因為有唔同款式，但係變化上有特定規律
利申 鐵膠