懷疑患上自閉症請入嚟

但係即係你都對其他人嘅事有興趣？

我對「件事」有興趣，對自身同任何人嘅溝通接觸無興趣，如果我有機會見到KOL同何伯，我唔會想佢同我講嘢

正常人有情緒病都唔會認，更加唔會睇醫生
好似我咁，我覺得自己都應該中度抑鬱，好易鑽牛角尖，即使自己知道，亦都控制唔倒自己清醒，諗野永遠向最極端方向諗

而點解唔睇醫生呢？
首先一定係窮
其次我唔覺得呢啲野除左自己之外有人會幫倒我
我去聽佢講果啲野我諗根本我都明，只係做唔倒

老鳳

好難得有亞氏保加症人士可以咁具體分享自己的心路歷程！雖然知道你生活上可能遇過唔少難題
，不過我相信你都有好多優點，吸引到朋友仲有愛你的老公

不過我想問你依個account幾時開始用…我見舊時有個post係獄卒同埋女友廚房，係咪樓主嚟㗎？

無錯嘅，情緒病人通常都唔會認知自己有病，但都有d人癲咗一輪後，睇到親人嘅反應同經過反思，會肯去睇醫生。

另外我都覺得有情緒病嘅人好慘，因為精神科醫生好貴，平極都過千，傷風感冒反而又平又斷尾

好多人都覺得精神科係齋傾計，我之前都咁諗，後來先知係關功力事，佢會順住你嘅性格同能力去教你做你能力範圍內嘅事，至於你係一個咩人，就睇醫生識唔識睇喇

有冇諗過活用你既技能考個的士司牌做parttime的士司機?

謝謝支持同相信！

個ac係共用的

有諗過，但我揸車好差，因為我距離感差、亦因為唔識睇其他司機嘅表情/手勢，所以常有誤會，例如我唔知對方係咪讓我，有時我以為對方係讓我，於是我行先，惹來對方個樣好嬲，我都唔想….

所以自閉真係會影響日常生活，甚至道路安全

揸車唔係睇表情，鬼睇到車入面，要睇都只係對眼，make sure條友唔係睇緊電話見到你
揸車真係睇車，死物黎，依家仲有無人駕駛添
揸車睇到其他車個動態，車都有body language，係唔係想過想轉左想轉右

不過新牌仔既弱點係唔識睇車既body language
又或者，新牌仔自己車既body language好亂，其他人一睇就知條友唔識揸車

你又有無諗過你成日歸疚你唔識睇，但其實新牌仔/人人都唔識睇，咁你點定條介線?

比完錢果下個精神仲有問題

我老公都係話車有body language, 我乜都唔識睇架….基本上唔係文字或說出口嘅（表面），我都唔識睇，估又一定係錯…

我唔係新牌仔….但揸車表現應該係長期新牌仔

錢果方面真係好難克服，明白的

唔好講咩表情呀情緒呀住先
你行路個陣唔會理人地咩表情手勢
點解揸車就煞有介事講咩表情手勢
你有冇發現學車從來都唔會講表情手勢，從來都會聽其他車既指示
揸車從來只係講法律，講規距
你既症狀包抱唔跟法律跟規距? 劉馬車咁?


距離感差，咁你個人肉GPS其實無距離?

從來都*唔*會聽其他車既指示

政府有冇？不過有都好流我諗

揸車讓唔讓，人地幾時想出/唔想出，亦有好多人係唔跟規矩，動靜千變萬化。

我行路無望人，亦覺得無需要知道人哋想點行，會唔會突然撞出嚟，佢要唔守規矩亦唔會太影響到我。

我唔知劉馬車係點呀！我係跟規矩，但我都知道好多人係唔跟。

我人肉gps確實無咩需要距離感，我個腦係平面地圖，但我未去到可以同人講，離xx仲有幾km/幾耐。

同埋呢度我指嘅係車同車/車同死物之間嘅距離感。

揸車係講priority，又或者叫right of way，唔駛講感情表情讓唔讓
你行先就係你行先，人地係要搶你right of way撞左就法庭判
每個司機，只需要諗自己要負既legal responsibiliy

你又有冇諗過你依家學得太多「感情」，但係D感情其實係假或者強加?
係要分自己有冇興趣，係要分有冇感情，但其實D野係無得咁分，你或者你therapist隔硬要分

就算有行人在高速公路行，或有賽跑冠軍衝出馬路，你都係要停架，唔係邊個有right of way問題，自然反應係會停，亦唔係因為唔怕上身而可直接撞埋去，照道理講，以後我都唔駛讓人/俾人cut線，因為我有right of way, 佢夾硬cut嘅話我就撞埋去理得佢死啦！

分有無興趣係我解釋比人知，本身我就唔會同自己講我有無興趣，自己分係感情定理性，自己行邊套就係啦

我都係亞氏我明白咩叫係database度攞資料出嚟對
但由於我個人比較摺，所以現實世界入面無乜人同我交流（除咗屋企人）
咁我係邊度搵資料補充我嗰database? 就係高登同連登

我雖然有account，但基本上都係做CD-ROM
我做嘅嘢主要係睇留言，睇吓人哋（正常人又好，痴線佬又好）係點樣對話，出post點樣問問題
，點樣用文字去分享自己意見，包膠/懶人包係包括啲咩，咩叫近車太貼

我細細個嗰陣成日比人鬧十問九唔應，係咪啞架
我諗係因為我個database一片空白，無資料可以攞出嚟用

你database可能係要d時間去搵，如果人哋同你講嘢，比一個鐘你答，你一個鐘後可能會答到，你未有機制令你即問即答。

我十問九唔應就因為我唔知人哋同我講嘢，成日遊魂

無錯所以我公開試oral勁低分
因為我考完試先係database度拎到啲資料出嚟

但我嗰陣仲未知我有呢個病
我連睇醫生都要prepare醫生會問我咩問題，盡量list哂所有可能性同回答方法出嚟

我好多時同人講完嘢，事後回想覺得自己應該要講其他嘢，不過永遠只有事後檢討，當刻係出唔到嚟

我宜家都睇醫生都好似你咁手，要有準備先見，你宜家有無keep住睇醫生？

btw我完全無睇過精神科醫生去睇亞氏保加
我指嘅醫生係普通傷風感冒嗰種家庭醫生/專科醫生
因為講唔出自己邊度唔舒服=醫生診唔到症=醫唔到=哂錢哂時間
同陌生人傾計我真係who fucking cares

我知自己有亞氏係因為識人有相關知識，一指就指到出嚟我係亞氏
因為啲特徵真係同我perfect match

父母老師只係覺得我怕羞內向，從來無覺得我係自閉
我父母就唔識呢啲架啦，老師就唔知係懶得理定係都唔識