懷疑患上自閉症請入嚟

我都係大學成確診
又冇咩問題係平時執著d
eg 我plan 咗今日要做邊樣野
有人打斷我 突然約我 我會好嬲死都唔肯轉plan

而我係後來因其他原因去見呢個醫生，見咗好多次後，有一日，佢突然問我：「你有無聽過自閉症呀？」

想問其他原因係咪你有一啲精神上嘅狀況需要睇醫生？我見好多成人自閉症診斷，之前會被misdiagnosed做其他病（例如ocd, anxiety），真係影響到生活先至有機會見到醫生
我由細到大一直都好多autistic traits同典型嘅ability, 到大個咗隱藏得好好，亦都未去到disorder嘅程度，但係有好多排解唔到嘅情緒同諗法。
Ultimately我想有個正式診斷，但我（表面上）冇事冇幹，醫生都未必show我想問你個醫生會唔會show我呢類人，介唔介意share佢個名？Thanks

擺明假膠

醫生呢個解釋講得好好

自唔自閉我唔知
但閣下應該係弱智

確診唔係為咗失敗要有個解釋 而係去令專業人士搵到一個適合我自己嘅方法嚟治療我 我反而覺得你呢種諗法先最打擊我哋呢啲想醫好自己嘅人 講真嗰句當年我聽到輔導員咁樣講我都質疑咗自己好耐 當時直頭質疑埋自己去搵精神科醫生診斷社交焦慮症係咪都係個錯 喺度諗係咪懷疑自己出事嘅時候都唔應該去睇醫生 但我確診咗之後嘅結論係可以知道自己應該從邊個方向去治療 亦都有人曾經問過我 你認為自閉症喺工作上影響咗你啲咩 我答佢老實講我都唔覺得有咩影響

樓主有無成日俾人話冷血 無親情？
會唔會覺得大時大節食飯嗰啲親戚聚頭好虛偽？

其他原因係我有唔開心，想睇下醫生，無乜特別。

醫生幫到你梳理你嘅思緒，解釋你點解會咁，呢樣睇醫生功力，我之前睇過廢嘅係好多個人judgement, 佢本人就已經有先入為主嘅概念，將每個病人都歸類成一類，所以治療唔到位

醫生會show你嘅，你預約時姑娘都會問你因咩事去見醫生，見第一次佢話你無病就唔駛再見囉

你留tg我比資料你

自閉唔係攞正牌失敗 就好似以我為例我係一個好執着嘅人 唔容許自己失敗出錯輸俾其他人 由細到大只要知道自己做得唔完美就會好唔開心 以前幼稚園做copy book個字寫得唔靚我都會要求自己擦咗佢再寫過 當時我阿媽都已經覺得我有病 但其實係因為我唔想做個失敗嘅人 就算做唔到完美我都唔想輸俾其他同學

咁其實佢問嗰條問題問得幾好
你靚到cover到你自閉症導致社交上嘅不足

有俾人咁講過我

都會覺得好虛偽，但唔反感，我唔會對其他人嘅行為有好多意見或感受，我覺得每人都有自己生活方式，只係好多時感覺自己好out of place, 永遠都投入唔到

驚嘅意思是否唔敢搭？ 定同普通人一樣可以照搭小巴，只係唔鍾意咁解？


咁的士呢？的士每次距離同路線都唔同，自閉症會唔鍾意的士嗎？

可試下做sensory profile 了解自己

我都係同你差不多諗法
我可以喺嗰個場合出現，唔會反感。所以covid唔駛聚會感覺極好。

以前俾人講話係怕醜所以唔望人
但後來發現可以好直腸直肚同人鬧交
但係一望對方對眼都仲係好似俾野辣親咁先開始覺得唔係果回事

笑咗

乜自閉症有藥食咩？食完感覺點？介唔介意講下你食既藥名？

講真我一直懷疑自己係自閉，細個同你一樣自己一個坐係度唔同人玩，
個陣覺得啲人玩跳飛機好弱智，跳黎跳去有咩好玩姐。
之後成長過程都係一直因為唔識睇人眉頭眼額而被欺凌或者維持唔到友情，
唔同既係我係好追求友誼。
我以前細個真係會因為網友講一句我去沖涼陣間再講，
然後等通宵，不停問點解仲未沖完涼，仲嬲左佢點解瞓左。
除左社交，覺得自己手腳唔協調。(PE長期低分個批)

但係覺得自己冇狹窄興趣，
另外都唔叫Rigid，至少唔會跟規矩同行程跟到十足十，
最多係人地應承過我既野。

至於依家都有朋友既，佢地都唔覺得我有自閉，最多係有啲kam，
但我可能冇乜自信成日覺得自己有。

其實有啲a仔/a女成日社交場合上撞板 都撞都心灰意冷 旁人只會笑佢Kam、毒、認真撚 東方社會就係咁 將啲有問題既人格、發展障礙講成個人品格/能力問題 好似日本啲呢類做「電車男」、「毒男」、「御宅族」

心理學家就觀察到佢哋「異於常人」 而且發展一套理論去證明呢啲現象 令到呢班a仔/a女可以知道自己點解一生人都好似同身邊心「格格不入」 令佢哋接受自己 再去做訓練

再好啲就識啲接納自己、同自己氣場相近既人 搵啱適當既人做朋友 遠離果啲取笑佢、侮辱佢、欺凌佢既人

想問樓主會唔會同朋友都好似set左界線 例如返學/返工每日都會見到所以都會傾一兩嘴 但一唔需要見面嘅時候就完全唔搵對方

呢樣你問"普通人"都未必答到啦
有性慾/ 想攬住一齊瞓/想瞓醒見到佢/有錢？

你有冇發覺其實你一粒sticker都冇用
你平時同人講野係唔係咁？
差唔多追晒成個post，你好似要用類似背書既方法去判斷人地果刻既心情，或者係唔係客套說話
好似佢講到某啲keywords，或者表情出現左某樣野，就等於果個人係咩心情
係唔係醫生建議你咁做？等你可以用一個你理解到既方式去判斷人地字面意思以外既野？
但係我睇黎咁樣其實都幾難會中
唔同表情 唔同語氣 講「屌你老母」都已經好唔同
你會唔會覺得又get錯意思而好挫敗？

聽你描述你既待遇，你應該係幾靚女
除左另一半，會唔會男性朋友多過女性
因為啲女人verbal同non verbal意思差得遠過男人好多
可能男性朋友會冇咁多內心戲同你交手
如果性別調轉左，你就算好靚仔可能都好難識到另一半，唔會知啲女人諗咩

既然你依家知道左自己有咩位同大部分人有分別
4000蚊一個section你都俾
你都好大決心想改變自己
咁就唔好咁易話離婚，加油

如果有自殘或攻擊性行為醫生可能會開abilify或者risperidone

自閉譜系係發展障礙 無藥食只有做訓練 有情緒問題、adhd之類就可以食藥

我之前都係咁聽過，所以都費事睇醫生痴個冇用既label係自己身上
但我見樓主#35話會開藥，
所以就有啲好奇，可能樓主有comorbid? 定係有off-label uses

我嘅自閉無影響工作同交朋友，但影響到我對身邊嘅人嘅感受，我認為佢哋嘅付出唔應該換來我嘅冷漠，所以我想改善自己。

我諗起一個我確診前嘅相處例子：

老公做完gym回家好攰，佢主動要求幫我洗碗，但佢d動作係表現出好攰，例如挨住廚櫃、發出嘆氣聲之類，我見到就好嬲，叫佢唔好「幫我洗」，無需要，唔好做到好似我迫佢咁，佢莫名其妙，我無啦啦咁惡又鬧佢。我係好嬲，覺得佢做個攰樣比我睇佢幾咁辛苦仲要洗碗！

我見醫生時係咁數佢嘅不是，醫生問：「咁你覺得一個人攰嘅時候係咩樣呀？」
我：「無乜特別，同平時一樣」
醫生：「咁你自己攰嘅時候係點架？」
我：「無分別，無需要比人知道自己攰，攰就去休息，唔係一邊挨聲嘆氣，一邊就話幫手做家務，我完全唔欣賞唔感謝，唔好俾面色我睇！我無要求過佢做任何嘢！」

醫生默默咁寫嘢，確診後回想我就知其實醫生已經在診斷緊我….而我只顧住數落對方，尋求醫生嘅認同