懷疑患上自閉症請入嚟

兩年幾前我被精神科醫生確診為自閉症（亞氏）患者，有見好多人懷疑自己係自閉症，所以我開個po講解下自己嘅問題同見精神科醫生嘅經過，呢位中環名醫，收成四千蚊一個鐘，勁貴但又好有料，每次見完都有得著。

首先，當初見呢個醫生係為我哥，因為佢同老婆關係嘅問題似乎出自於佢內向性格，我成家人都懷疑佢係自閉，所以我帶佢上去見名醫，開宗明義話懷疑佢有自閉或亞氏。

點知見完醫生後，醫生話佢唔係自閉，佢在工作表現亦顯得佢正常，有時可能只係因為無人教過佢點處理兩性關係而經常做錯決定，內向係性格，唔係一種病症。

而我係後來因其他原因去見呢個醫生，見咗好多次後，有一日，佢突然問我：「你有無聽過自閉症呀？」我dead air咗….十萬個問號？關我咩事呀？然後佢就話：「你係亞氏保加症，但好多年前美國果邊已經幾亞氏列入為自閉症譜系，唔再細分喇！不過我覺得咁樣撈埋一齊仲亂，亞氏係比較適合你嘅狀況，你可以上網睇睇資料！」

「自閉症有好多種，比較低智d嘅會不停開門閂門去獲得滿足快樂，你高智d就會鍾意另一樣嘢！」

確診後對我打擊相當大，好似人生回帶咁，解釋晒以前我嘅奇怪言行，亦令我對現在生活同與人相處出現好多衝擊。

大家有問題歡迎發問！

首先我有個簡單嘅問題：「點解自閉者多沉迷巴士同鐵路火車，而唔係小巴？」

知道自己自閉覺得係病，都仲有得救…

我見到嘅情況係，好多正常人覺得自己係自閉

自閉嘅又覺得自己係正常人

所以我開po講下

你有咩奇怪行為？
如果日常生活冇特別係咪唔使理

有啲好笑

表徵：說話無乜表情，語調平淡無起伏，語氣表情同說話內容/情緒唔match, 例如好唔開心/嬲/開心，都淨聽聲的話，旁人會唔識分

動作遲緩，手腳唔協調

眼神空洞，無focus, 有時會被人誤會係啤緊人（其實在放空）

講嘢好直接，社交能力差，如果自己一個人在深山住係無問題，但只要有工作、有家人朋友伴侶，都會影響到其他人，得罪人係日常

因為按時出現有規律？

得罪人係正常，不如講多少少????


之前做識識落左個朋友都係Asperger
不過佢有米仔
細個接受行為治療，所以佢社交能力都唔錯
返工又返得ok
拍拖都係同佢女朋友行左半年先同佢講
佢女朋友都接受佢
佢都係之後同我講
我先留意到佢有少少怪嘢
硬係有少少怪，但係又講唔出嗰隻

TLDR 其實唔使太介意 換過角度諗，其實你哋係Gifted

樓豬男定女，有冇拍過拖
你回帶以前有乜不愉快經歷係因你嘅亞氏而引起
聽過啲人同亞氏人士拍拖好撚燥 勁撚固執
亞氏患者係咪總會有一樣或以上長處

其他人都冇發現你係 姐係你唔明顯WO
咁真係有機會其實好多隱藏病人

亞氏好似特別係唔識閱讀空氣 睇唔明人地D情緒同背後講野既意思
見你講野咁清晰 正常日常應該冇人會知 最多只係當你直腸直肚/KAM撚

記性好 鍾意重復性 極固執
呢3點係香港做社畜 其實可能係好大優勢

樓主細個嗰陣有冇呢啲特徵
同其他人相比會唔會顯得笨拙

咁又唔係只適用於香港
記性好 + 重覆性 + 極固執 = 好鐘意跟sop
向好嗰方諗大公司好鐘員工跟sop
極固執可以理解做有主見
有d人講兩句要跟佢嘅方向唔跟就話你固執, 其實只係其他人想做「大佬」而標籤你唔識社交

MBTI 係INTJ ？

Sorry 唔明

例如以前酒樓係可以食煙嘅，我十幾歲做暑期工，d同事同上司出去食lunch叫埋我，我話唔去，佢哋食完返嚟見我一個人，問我做乜唔去，我對上司講：「我唔鍾意你哋食煙呀！」上司當堂嬲到大力擲文件，口up up唔知佢講乜喇….

我同事表面有殘障，我last day果日同佢講：「我想問你一條問題好耐架喇，如果你唔想答可以唔答架…其實你有咩病？」 佢好好人都照答，我其他同事知道我咁問就嘖嘖稱奇，話雖然都有疑問，但唔敢問，點解我可以咁直接？！

人大咗會識做少少，但比正常人仲有好大段距離…..

好多朋友話覺得我好得意，無話怪囉

我屋企人由細到大已經有自閉病徵
前兩年診斷為自閉症
而家3十幾歲，越來越嚴重
請問有冇心理學家可以推介？

我係女，拍過好多拖，婚都結兩次….

我回帶唔開心係覺得自己傷害咗好多人，同時亦得罪咗好多人，誤解所有人係我嘅日常，我會逆地而處，但只限「假如我是…..」 即係假設所有人都係我嘅思想。

我亦唔知道人地唔知我諗乜，我會突然話分手，人哋對我嘅關心，我會覺得唔係真心，因為假如是我，我所說的關心話其實只係客套說話，唔係真心，我認為所有人都對其他人無心無興趣，只係「做到」似有咁。

我係好易燥同固執，宜家食藥又會比較flexible, 好神奇的！

醫生話我哋呢d人係會有d技能大大拋離正常人，但同時在社交方面又去到極弱，佢話唔好話「正常」「唔正常」，只係「大多數人」係咁，人係群體，所以佢治療嘅目的係要將我拉番去近番些少大眾，但我係永遠唔會做到大眾「正常」。

想了解多啲，可唔可以講多啲

好多人誤以為自閉要係個樣好毒，自言自語，唔出街，講嘢又語無倫次。所以我開po想講，以上特徵其實好多都連帶埋智力問題，智力正常或稍高的自閉係唔會咁樣，我相信教育界、研究院都有大量自閉職員。

我唔識睇人情緒、背後意思，原來係雞先同蛋先問題，根據醫生話，我從細到大都唔識睇人，因為對「人」無興趣，無興趣嘅就唔睇，唔睇就唔識。小朋友時就無問題，因為人人都係咁，但長大後，其他人會變咗識呢d嘢，而我仲未識，所以就會成日撞板，亦因此我在好多人眼中係個小朋友，佢地覺得好得意

但加入職場後就知識做人好過識字，做人無關公…..

幼稚園時小息，我一個人坐埋一邊，其他人衝去玩滑梯果d, 無幾耐，學校見我媽話懷疑我自閉，要我見護士。我記得護士問我點解唔去玩？我心諗：「下？我又無搞事，自己一個坐都要問點解？？」我當時係話因為我覺得d同學好幼稚…

然後無咗件事了，可能當年我成績又跟到，覺得我無咩問題要處理吧

唔係好明，sorry

其實我仲未識分心理學家同精神科醫生？自閉係睇邊個？我只睇精神科，心理學家就未睇過

想了解邊方面？