無職轉生呢套野真係好嘔心

講乜鳩，米里斯神聖國故事作品設定係世界第二大國
冒險者公會總部係米里斯神聖國首都
米里斯神聖國又係宗教國家，有自己既聖殿騎士團，幾乎壟斷晒呢個世界所有魔術，連魔法大學都係同呢個國家簽協議先可以教初級魔術

你同我講宗教力量未到咁大??? 個教未被廣泛接受?????

咁基督徒同伊斯蘭教都各有二十億多啲
同二十億少啲嘅
唔代表人人都要遵守佢地教義

我上面舉埋例，會有地方冇可能一夫一妻你就當冇到

你要講中世紀就用中世紀概念
中世紀時代黎講，真係人人都要守教義
唔守直接被人捉去異端審判+處刑

唔好方便你地駁時就中世紀，駁唔到就拿返現代概念黎講。
講到尾就係作者根本寫啲有倫理爭議既問題但又無好好設定呢個世界既倫理設定。然後就夾硬講到所有角色都接受一個有理論問題既情況。

咁完全係中世紀就唔會有魔族魔法嘅
同埋入面教徒都唔會逼人跟佢地教義
始終你要理解你睇緊故事
簡介嘅話中世紀background係最match
佢入面無衝突咪得

而且所謂中世紀都成千年，都係攞個大概印象啫
唔通睇七把魔劍啲人話佢似哈利波特，你要捉佢有咩地方唔跟足咩

所有角色接受嘅話，男主就唔會俾人問到啞左喇


你都係冇睇我舉例會有民族一夫一妻唔現實
環境影響政策紀律等。
如果有個世界血統越濃越勁，類似吸血鬼真祖嘅concept，為戰力一定近親，但唔洗戰力嘅話咪唔一定囉
如果係人魔大戰結束後，set到好似世界大戰後嬰兒潮咪合理
如果好似依家咁人口密度高，嬰兒潮咪唔合理。
唔係一個因一個果，係好多個因，影響好多個果。
生活環境，王族貴族，戰爭等都可以係因
但係你當堆因離題


愛莎篇嘅男主：「點解唔得？」「總之唔得！」

所以無職個世界觀有設定亂倫有好處，還是發生左d咩事件足夠令無職世界全民都接受亂倫？

只係要佢批准先教得初級神擊定神聖同結界魔術姐
邊有「幾乎壟斷晒呢個世界所有魔術」

其實關全民咩事？
現實世界一樣有群體係接受／反對一夫多妻／同性戀
就算多人某種觀念係主流 都唔代表另一種相反的觀念就係錯

3個老婆
半精靈+平民
魔族+學者
人類+貴族
身份種族差咁遠都當作係平常事，
咁應該可以推論呢個世界觀大多數人都係接受亂倫？

算啦就好似宗教咁 你唔會有解釋可言
首先一夫多妻本身響古時係極常見 呢樣野係同生存有關係
只係後來宗教同嬰兒生存率另呢個行為改變 本身根本冇對錯之分 有d 地方仍然係可以一夫多妻 再講 要講有問題既 離婚再結果d 全部都要落地獄咩唔通
第雪同性戀而家已經變左自由意志既一種 呢度唔駛討論啦已經
然後亂倫問題 本身亂倫係因為生物學上近親繁殖問題而版禁止 但古時有d 王室貴族係會為左保架血統而近親繁殖
甚至外國小說冰與火之歌入面都有相關情節 又唔見有人屌呢d 而且相對地無職入面果愛夏佢地都算係隔左遠少少唔係直接兄弟父母咁
再講戀童問題其實響唔同時代對於可以性交既年紀都有唔同標準 如果人地故事設定係冇問題 你又有咩好嘈
而且果度篇章入面係有探討呢樣野 主角本身都係用地球人既標準道德去反對 只係之後響背景同情節上佢最後妥協左
至於其他所謂既變態野唔逐一講啦 只能夠講有人鐘意ntr 有人鐘意sm 戀物呢d 都響現代社會一直存在
只能夠講少數唔等於錯

其實本身你所提既呢啲事係呢個世界既角度就已經好唔正常。
所以愛夏問男主角時佢地先叫做無辦法反駁。
唔係無理由去駁，而係用呢啲理由去駁時，愛莎會反駁返你點解A得B唔得?

邊個同你講呢個世界當一夫多妻同異族通婚係平常事? 當平常事當初保羅屌莉莉雅就唔會引發家庭危機，後面男主娶藍毛亦唔會嘈。係佢地班當事人傾好左接受左唔正常既情況，到底男主角一家以外有邊啲角色一樣係一夫多妻仲唔同種族？係男主角一家本來既情況就好異常，唔該唔好當男主角一家係正常家庭，本來就仲撚畸形。

啊更加未同你計米里斯國呢個第二大國本身就排斥非人族同主張一夫一妻

點解唔睇你舉例，因為係你自己腦補。
你要證明無職世界，一夫多妻，亂倫係好平常。
唔該係作品入面搵例子，唔好自己作啲例子出黎腦補。

但我至少找到作品世界第二大既宗教國家唔接受呢樣野。
有返咁上下規模都有返咁上去影響力去影響呢個世界既普世價值。
係唔接受一夫多妻，亂倫，然後你就一句話佢影響力唔夠就當無左件事。
你都幾好野。

我講既平常事係指亂倫呢件事，
我成句既意思係3個身份 種族 生活圈都唔同既人都覺得亂倫係一件平常事

唔會多左病痛風險

以前夠話黑人白人唔可以一齊啦 人地背景設定係咁
如果生出黎生存到又可以進化到 生物學上就冇問題架啦
老虎獅子都可以生出黎 只係後代會有缺陷
雜交只要唔係不同種既情況下其實都有可能出現新物種 呢個問題倫理學上一直都有爭論 但係冇定倫係岩定錯既

接唔接受係程度問題
就算係現實世界的伊斯蘭教徒
一樣有人會覺得同性戀應該要被殺死
有d就反對同性戀 應該捉哂佢地去坐監
有d覺得同性戀係精神病 應該捉去醫返好佢
有d就唔抗拒同同性戀人士相處 但好抗拒家人係同性戀者

講返正題
其實佢地係咪真係完全接受亂倫？(其實得25%血統算唔算亂倫？)
我就覺得唔係
不過既然事情發展成咁 總要作出選擇
正如一個極端反同性戀人士(認為同性戀必須死)發現自己的仔女係同性戀者 咁可以點？ 總要作出選擇
選擇左唔殺死自己的仔女 係咪代表佢接受同性戀？
我覺得唔係 只係親情比信仰更重要

現代貓狗都係不停混種出黎 然後進化出獨有品種
但之後又因為想要純種狗要d 狗種保持血統
本身件事就好矛盾

咁你不如討論而家現實地球仍然有至少成四份一個地球既地區係可以不同程度地接受一夫多妻同埋近親性行為先...

因為每次一夫多妻都會有角色話唔可以逼非教徒接受教義

亂倫我睇落異世界無依個concept，所以都無話咩反對唔反對
都有可能係太耐睇漏

沙漠唔係腦補，寫到明

係呀，但都係落後地區呢?
咁男主角係咪住係落後地區?
咁男主角身邊啲夫妻係咪都亂倫開，一夫多妻開?

沙漠寫到明又點? 沙漠呢個地區文化好大影響力?
用返你個句，你點證明沙漠呢個地區亂倫係呢個世界既普世價值？

咁佢又唔係住喺米里斯神聖國
米里斯教義關佢鬼事咩
我身邊都冇人係同性婚姻
唔知你身邊有冇識人係同性婚姻
咁同性婚姻又好異常？

你不如認真查下先啦

痴撚線嘈左廿幾頁仲要咁既鐘數都推到上黎
洗唔撚洗呀

如果你單純係指男主個三條女
我可以同你講，入面都有線索去證明一夫多妻有問題
三條女最後之所以唔介意，係因為對男主既愛大於普世價值
而唔係佢地既普世價值覺得無問題。

當男主想娶藍毛返黎時，本身藍毛都有介意，
佢知道佢同男主發生關係係對白毛不貞
係最後白毛不介意強硬說服左所有人
已經突顯左係藍毛既第一印象黎講，一夫多妻本身就唔正常

紅毛，佢自己本身就不拘小節亦覺得自己配男主唔起，
自然唔會就呢啲野去有所要求，再講以佢個人經歷黎講
家人死光，世上唯一只剩返情同家人既男主，
更加唔會去因為普世價值放棄男主角，
但問題黎了，當紅毛收到呢封信時，
紅毛身邊二位同伴聽到男主已經有二個老婆仲話要娶紅毛，
第一個反應係反感，足以證明常人都係好難接受一夫多妻

其實喺一個仲用緊馬車同行路穿越各國的時代
係咪真係有普世價值呢樣野？
因為就算係現實世界
仲用緊馬車帆船的年代
可能世界的一邊 女人仲包緊得剩係露對眼出黎
另一邊的女人唔著衫露對波出黎(其實而家非洲都有) 日日多p
咁普世價值究竟係前者定後者？

呢一刻我地所認識的「普世價值」其實只係西方價值
呢種價值觀究竟有幾「普世」？