《喺夢入面成日見到嘅女仔，竟然嚟咗我學校做插班生》

「佢咪我之前講過嘅前男友囉。」當我還在猶豫，嫲嫲已一派輕鬆地說。

「哈...個世界真係細啦。」我佯裝笑說，心裡卻如像山泥傾瀉般崩塌了起來。

「阿爺，你仲未講你上嚟做咩喎！」阿靜像個管家婆般追問，樣子可愛極了，縱使此刻，好像不是欣賞她的時候。

「阿君...即係豪仔嘅嫲嫲話佢最近成日發咗一個有關玄暮族嘅夢，所以就想我同豪仔去解夢，但之前我又有啲事返到大陸，所以到咗今日先得閒。」爺爺說。

「咁阿靜喺到就啱啦，而家個夢，變咗由阿靜發。」我說。

「咁奇怪？」爺爺說。

「嗯...係呢個幾星期嘅事啦。」阿靜補充。

「小朋友，有冇筆同紙啊？」爺爺向我身後的弟妹問，傑傑把自己的紙和筆遞給了他。

「唔該曬。」爺爺慈祥地微笑著，看來，他真的不像外表般恐怖。

他在紙上寫下了一個日期及時間，雖字體有點潦草，但我仍認得那是我的出生時間，嫲嫲是什麼時候把它告訴爺爺的？

久等了

感謝大家終於儲到50個淨正皮
希望大家繼續支持

恭喜

終於見家長

唔通豪仔老豆係佢阿嫲同阿靜阿爺生嘅
佢老豆知道之後二話不說返大陸尋親
阿靜阿爺有自己頭住家但不時返嚟探下老相好同埋啲孫
豪仔溝阿靜就會變咗亂倫
知自己差啲出事而大受打擊嘅阿靜之後就比阿俊同學溝咗
豪仔從此無再發過啲咩蓮霧定暮年夢
上咗大陸搵佢老豆一齊尋親
從此孤獨終老
全故完


明哂 準備收刀片

只見爺爺盤起左手，姆指與其他手指更迭點碰，口中不斷唸唸有詞，好像在計算著什麼。然後，在旁邊寫下另一個時辰八字，我猜那是屬於阿靜的時辰八字。

盤算過後，爺爺的表情變得有點肅穆，剛才的笑容全然消失。

「老實話我聽，你哋兩個有冇拍拖？」他突然問。

「冇。」我答。

「咁點解阿靜會喺你屋企出現？」他續問。

「佢話有嘢想同我講，但我要睇住細佬妹，所以就叫佢上嚟講，然後佢就講咗佢發夢嘅事俾我知。」爺爺的眼神深邃得似一枝吐真劑，讓我乖乖把所有事情全盤托出。

「咁得啦。」爺爺說。

「得啲咩啊？爺爺你講清楚啲啦。」阿靜聽到爺爺的說話，也不解地問。

「你哋命格相剋，出世嘅時辰撞到應一應。若然做朋友，已經會令你哋生活諸事不順。自從你哋相識之後，係咪無端多咗好多小意外發生？」

當我回想與阿靜相識以來的日子，生活也真的多了很多小插曲。例如我被韋家誠冤枉、在小學部時為她擋下甚具衝力的射球、甚或她在露營後因為陪伴我而患上大病等等...

但說是壞事嗎？每發生一件事，都會把我和阿靜的距離拉近，我倒不覺得這是諸事不順的凶兆，反之，我還挺感謝有這些意外發生。

「講起上嚟都有嘅...但我覺得又唔算係太壞嘅事。」阿靜說，知道與她秉持著相同的意見，心裡也感到一陣甜滋滋。

「咁只係因為，你哋仲係朋友階段，如果發展成為戀人，恐怕...」爺爺的欲言又止，讓我和阿靜也不禁對望起來，眼神中充滿了迷茫和錯愕的情緒。

「恐怕啲咩？」我問。

「恕我唔可以講太多，有啲嘢如果因為我講咗而有所改變，我係會遭受報應。」爺爺說。我想起阿靜曾經說過，爺爺對阿靜父母的死，充滿了愧疚，總覺得自己把天機洩露得太多，才會讓他們承受了報應的果。因此，我也很明白他欲言又止的原因，他不希望在加深自己的罪孽，不然，下一個受害者，可能會是阿靜。

但不把話宣之於口，大家也明白其含意。我把目光轉到阿靜，卻看見罕有地出現在她臉上的憂心忡忡。

「我再講白啲，我知你哋發嘅夢，係同玄暮族有關。我同阿靜，本來就係玄暮族嘅後人，喺好耐之前，我哋就係姓玄，後來因為一啲事，後代先改姓袁。玄暮族嘅術數曾經係代表住術數學嘅翹楚，但經過二千幾年嘅發展，術數學已經繁衍咗好多分支，玄暮術數唔再係術數界嘅標準。而本身認識術數，亦係一樣麻煩事，好多人都鍾意利用術數一窺天命。而曾經以術數維生嘅我…為咗利益再三洩露天機，所以最後亦遭受到上天帶俾我嘅報應。」爺爺把經過一一道出，讓我還以為，是墮進哪一套電視情節之中。

但這故事著實玄妙，玄玉蘭的玄，袁子靜的袁；我該一早便想像到當中的關聯的，只怪袁這個姓，實在太常見了。

「所以我知道玄暮族嘅原因係...」我追問。

「係因為命運，要以『夢』呢個特別嘅方式，向你解釋一切嘅因由。我算過，你嘅前世，就係秦朝嘅徐福。而阿靜，好耐之前我已經批過佢嘅命，同玄暮族嘅祖先玄玉蘭命格相同。喺歷史中，徐福欠玄玉蘭一條命，兩個人嘅命運亦喺時間嘅洪流中世代糾纏。每一世都會以相剋嘅方式，將徐福所種下嘅孽債，由後代相還。」

我...是徐福？

這是在開玩笑，還是這也是在夢裡？

「我係唔係發夢...？今世嘅我，係嚟還債？」我問，身旁的阿靜，也同樣驚訝得說不出話來。

那是不是說，我和阿靜只能相愛，卻不能相戀？

不知為什麼，這個時候我卻想起了阿銘。或許他與小昭，也是什麼相剋的一對，才未能開花結果。

聽到這個難以消化的消息，我的心頓時變得很痛，總感覺，阿靜即將要從我的手中，隨著這令人驚訝的故事而流走。

「爺爺，你呢個玩笑，未免開得太大喇。」阿靜苦笑道，我望向她的眼睛，濕潤的雙眼變得通紅。她的反應告訴我，她也很在意這個消息，很在意我。

阿靜，也是喜歡我的！

不知道她是否難以接受這個消息，她落魄地把帶來的隨身物品拾好後，便默然離開，剩下我們幾個站在變得寂靜的空間。

「靜姐姐...做咩喊啦？」對事情不明所以的傑傑，看到阿靜奪門而出後便問。我摸一摸他的頭，並擁著了他。這一刻，我真變成傑傑，可以冷視一切的束縛，只做自己想做的事，愛自己想愛的人。

「爺爺，如果我同阿靜成為戀人後，係咪可能會有一個劫？」我問。

一口氣追哂 好好睇

多謝你

襯仲未一齊，快快趣斬纜

原來唔係嫲嫲，而係爺爺

斬不斷理還亂

「我唔知，但唔排除。」

「你頭先話過有啲嘢如果因為你講咗而有所改變，你係會遭受報應，報應更可能落在阿靜身上。」

「冇錯。」

「我鍾意阿靜！我知道阿靜都鍾意我㗎！如果我哋真係因為你嘅話而冇一齊，從而逃避咗呢個劫，咁你即係算係揭露天機喇喎。」

「豪！」嫲嫲喝令一聲，以訓示我的無禮。

「對唔住爺爺，我嘅意思係，既然今世我係嚟還債，咁好大機會係會由我去替阿靜抵擋一啲大劫，只要我同阿靜一齊，佢就唔會遭受你所講嘅報應，所有事都只會係由我嚟承擔。所以，我會去追返阿靜，同佢表白。」我確信，在命運正確的軌道上，我定會與阿靜在一起。

「我...你...」飽經歷練的爺爺，竟也被我的話而弄個糊塗。我想，他也是太溺愛阿靜，才會犯下這個錯誤，把一切都告訴我們吧。

他們這群術數師，便是太過於相信術數，才被命運糾纏一生，因為相信命運而讓自己的人生變得綁手綁腳。或許，他年輕時也算過不能與嫲嫲在一起，才會與她分開吧。

但我只是一個普通人，未來是如何我不能預測，或許今天爺爺所說的話，每一樣也不會發生。即使是會有什麼劫什麼債，我也願意一一承受，為的只是與阿靜在一起。

「豪仔。」當我正打算追出去時，爺爺卻叫停了我。

「你點知你同阿靜一齊，先係順應命運而行？」爺爺問。

我懂他的意思，他是想說，若在命運正確的洪流中，我根本不會跟阿靜在一起，那所有事便不會發生。發生在我們的劫既不會應驗，爺爺亦不算泄露天機。

「Sorry啊爺爺，我同阿靜一定會係一對。」我堅定地說。

爺爺嘆了一口氣，然後說：「多謝你咁疼錫阿靜，無論有咩事，我本埋條老命都會保佑你哋。」

「多謝爺爺！」

隨後，我便跑出門口，走到樓下後便到處尋找阿靜的蹤影。

在苦無頭緒之際，腦內卻突然想到了一個地方。

「做咩匿喺到喊啊？」果然，走到公園，看到一個正在哭泣的身影，窩在滑梯的內籠中。

阿靜一看到我，便緊緊的擁著我，盡情地釋放她積累已久的眼淚。

聽到她低嗚的聲線，我也忍不住流下了淚，這刻我才知道，自己是多麼的不想失去她。

「講個秘密你知啦，原來我係好鍾意好鍾意你。」我壓著嗚咽的聲線，向她表達自己的感受。

「我都係...」伏在我肩膀上的她，沙啞地說道。

「我好蠢，我應該一早就知道你嘅心意。」我自責地說，為自己之前的一切猜疑而感到懊悔。

「係啊死蠢！我都做過好多暗示啦，你咁都Get唔倒！」她指責我道。

「我以為你對所有人都係咁好...所以先唔肯定。」

「死蠢死蠢死蠢！」她不斷拍打我的胸膛，卻一併打到我的心坎裡。

「而家我知喇，我哋唔好再曬時間喇好冇？」我問。

「但我哋唔可以一齊㗎。」她看著我說。

「我問你喇，你信命運多啲，定信我多啲？」我問她。

「緊係...信你多啲。」她輕聲地說。

「咁我而家同你講，我哋唔會有任何事，咁你係咪唔信我先？」

「我...我好驚，你會好似爹哋媽咪咁，突然就喺我眼前消失。」我能理解她的恐懼，但此刻的我，已把一切後果拋諸腦後，只想好好掌握與她在一起的時光。

「爺爺都唔怕，你都唔洗怕啦。」我說，然後把爺爺跟我說的話，完全地跟她說一遍。

「爺爺...真係咁講？」

「你自己問佢喇！」我說。

「唔洗...我信你！」得知爺爺的應許，阿靜仿似也放下心頭大石，終於止住一直流不停的眼淚。「就算有事，我都會幫你擋。」她接著說。

「傻瓜。」我把她緊緊擁在懷裡，一起觀看我們成為情侶後的第一個晚霞。

在夕陽的映照下，我們的臉上都洋溢著幸福的笑容，彼此的眼神中充滿了濃濃的愛意和情感。這一刻，我們彼此的心靈已有默契地連結起來，在這片美景中得到了慰藉和安寧，共同感受著這片美麗的日落。

只要有她在我身邊，還有什麼需要恐懼？

而家越甜 之後越刀

新讀者留名，一日追到live

男主角型到

樓主落手唔好咁狠ok?

多謝可以吸引倒你去追