我和鄰居大姐姐的故事（23）

六百七十五

雖然Jonathan件事告一段落，但實際上我同秋兒姐姐依然係唔可以成日見面。

一來因為我住既大學宿舍距離我哋雙方既屋企實在太遠，二來係林太而家冇返工，成日對住秋兒姐姐問長問短，而秋兒姐姐為咗照顧林太，好多時放工或者假期都會響屋企照顧佢，所以我哋大家好多時都仲係好似之前咁各有各忙。

始終響林太認可之前，我哋既關係仲未可以浮上水住。

呢個都係點解之前我哋拍拖都一直冇同雙方家長講過既原因。

我老豆就冇乜嘢，但拜金既林太一定會諗辦法阻止同拆散我哋。

不過Jonathan件事對我哋黎講又真係一件好事，至少我哋可以唔駛再理有冇人會跟踪我哋而冇得光明正大咁出街拍拖。

結果某一個星期六，我推晒所有補習，連朝早校隊既訓練我都諗住放飛機，而秋兒姐姐都搵咗個藉口呃林太，然後我哋一齊去咗旺角（算係嶺大同秋兒姐姐屋企既一個中間點）拍拖行街。

「嘩，我都未見過你缺席訓練，你聽日有咩搞啊？」星期五果晚，我補完習返到Hall休息既時候，託阿威幫我同陳sir請假既時候，阿威有啲驚訝咁問：「你不嬲都仲專業過職業球員架喎。」

「有份工要見啊。」我信口胡吹。

咁耐冇見過秋兒姐姐，唔好話要練波，就算係斬咗我對腳要我坐輪椅我都要去！

「你都幾識計劃未來...咁你聽日係見咩工啊？」阿威問。

啊，我聽日係見咩工呢？

冇諗過喎。

「關你撚事咩，叫你幫我請假就請假喇！」我怒羞成怒道。

最好既回答就係唔撚答。

阿威成撚日比我屌都無所謂，所以就算我咁寸佢，佢都笑笑口咁答：「得喇得喇，幫你請囉，隊長！」

哈哈，連隊長都放飛機唔去練波，不過冇計喇，我真係覺得呢一刻，冇嘢緊要得過我同秋兒姐姐既約會。

*

第二朝一早我就起身出咗去，因為我同秋兒姐姐約會既時間約得都幾早既。

唔計垃圾房既幽會，呢次係我同秋兒姐姐隔咗差唔多兩年既正式約會，我真係唔想浪費呢一日既任何一分一秒。

我本身直頭想去屋企果個地鐵站接埋秋兒姐姐添，但秋兒姐姐驚我太早起身會攰，所以叫我唔好，我哋就直接去旺角站等算。

我有堅持架，但秋兒姐姐都好堅持，所以最後都係直接響旺角站既月台車頭個位附近等算。

雖然唔駛去接秋兒姐姐，但我都早咗十五分鐘到，因為我真係好掛住秋兒姐姐，好想快啲快啲見到佢！

不過當我差唔多行到車頭位置既時候，我發覺原來我都唔係早果個...因為我離遠已經見到有個好熟悉既身影靠住牆咁企咗響度睇緊書...

係秋兒姐姐！

佢竟然仲早過我到！

我真係太天真喇，竟然以為自己早十五分鐘到係早咗好多，殊不知秋兒姐姐竟然比我更加早到！

靚女一定會遲到呢個傳說響秋兒姐姐身上係完全唔適用！

佢今日只係著住普通T恤牛仔褲，但我已經覺得佢就咁著已經好靚。

既然我見到秋兒姐姐已經到咗，咁我就唔再慢慢行，小跑就走埋去：「秋兒姐姐！」把聲大到有幾個路人好似望痴線佬咁望住我。

咩啊？未見過人叫女朋友啊？

秋兒姐姐梗係聽到我咁大聲叫佢喇，抬起頭望過黎我既方向，向我微微一笑，將睇緊既果本書收埋落自己個手袋仔入面，再向我慢慢行過黎。

我響秋兒姐姐面前停低，又叫咗佢一次：「秋兒姐姐！等咗好耐啊？」

「唔係啊，一陣咋嘛。」秋兒姐姐向我甜甜一笑道：「你啊，仲細個咩，咁樣跑過黎。」講係咁講，但聽得出秋兒姐姐應該係非常高興。

我都諗起以前小學既時候響屋邨球場，秋兒姐姐黎接我既時候，我飛奔埋去迎接佢既情景。

兜兜轉轉咁就十幾年，但我哋最終都可以走埋一齊。

係...我哋就算千辛萬苦響埋一齊都好，拍拖都因為好多外在既原因令我哋拍得唔係好順利，但重要既係...我哋仲響埋一齊。

「你攬得我好實啊，好多人睇住...」秋兒姐姐輕聲道。

啊，原來我自己響度感歎緊既時候，雙手竟然不自覺咁攬住咗秋兒姐姐。

「啊，Sorry。」我即刻放咗手，因為秋兒姐姐咁講令我醒起佢唔係咁鍾意響公眾場合有太親密既行為。

估唔到秋兒姐姐竟然回手攬實我，道：「唔係啊，我都冇話唔鍾意...我鍾意你攬實我啊。」

噢...唔通秋兒姐姐都同我一樣...都係等咗大家有親密既身體接觸等咗好耐？

（待續）

過200正評加更會今個星期六或者日出，多謝支持。

啱啱個更的確係短同無咩推進。我個人又唔介意等下一更。大河劇一星期一集仲要頭頭尾尾唔係主劇情都係咁追。一個故一星期有3 到 4 更已經好唔錯。

大家有反應其實都係對個故有期待。不過未至於要怪葉開巴掛？免費仔定時有故睇，想快就付出多啲。正如圖書館借書要等，書店買書即刻睇一樣。

遲咗五分鐘出添
講緊對上一更呀

由地下拍拖開始已經唔知寫緊乜
好大篇幅已經同鄰居大姐姐冇任何關係

你小心個肝 怕你爆肝
但又嘔20集出嚟

Push

其實最主要係累積落黎嘅問題
個更只係導火線姐
以前好多呢度嘅留言都已經話拖
點知見到有更冇野帶到出黎
咪引到大家出黎留言反映意見
雖然大家都知故未身就寫好咗
唔會改變到d咩

我個人嚟講，主要係覺得嗰更太唔自然
呢個故喺我心入面算係熙哥嘅心靈獨白為主，咁如果佢聽到單咁爆嘅嘢，心入面點會淨係係咁話咩嗰件事？
就係呢點我就覺得睇得好唔自然

不過好彩葉開都叫知錯能改，盡快交代返

見到熙哥可以攬著秋兒真係好感動

終於可以拍拖出街，叫好大進展架啦

葉開唔好比佢停

其實1個星期3，4更免費故黎講已經冇得再要求啲咩 但覺得係自從林太有病jonathan搞事開始 覺得劇情進度愈來愈慢 情節仲開始重覆

好似以675集為例 頭五段內容基本上每過幾集就重提一次 內容講秋兒熙哥好難拍拖加上秋媽繼續反對 又例如垃圾房約會情節每幾篇就提一次 但對成個故進展或者熙秋之間感情係完全冇變化或影響 就算cut左呢幾段都唔影響你睇落去 難聽啲講好似係為湊字數以寫

明白樓主可能想多啲人課金 所以想盡量拉長個故 為個故加更多懸念 但去啲呢個階段已經有啲畫蛇添足 走火入魔

利申 知自己免費仔唔應該要求咁多 係追左幾年有感而發 之後都會追埋落去

真，話樓主拖故無進展都幾無辜

葉開由一開始已經係拖長黎講

話說必哥呢排又無出現

唔肯定葉開巴依家係咪全職寫故

若果又要照顧屋企又返工，再加寫故的話，有時難免會有樽頸位。

個故都就完，其實唔太擔心爛尾

拖長嘅部分，葉開巴都應承會留意。我個人會當係幕間獨白果類嘅嘢睇下

最希望維持更新。

Push

六百七十六

我哋響月台唔知攬咗幾耐，真係攬到唔捨得放手咁...

我哋好似真係想將過去兩年失去咗既時間補返返黎咁...

大家都攬得好實好實...

而秋兒姐姐就好香好香...

香到...

我扯扯地旗...

「秋兒姐姐，不如我哋去食個早餐先？今朝掛住出黎搵妳，我都未食嘢。」首先出返聲既係我，其實最主要係因為我唔想比秋兒姐姐發現到我扯旗既果種尷尬。

當然，我又真係有啲肚餓既，所以我都真心係想搵個地方食個早餐。

「下次唔準唔食早餐就出黎啊。」秋兒姐姐笑道，然後主動拖起我隻手問：「行喇，你想食咩啊？」

「我哋出咗地鐵站先喇。」我答道，手上面傳黎秋兒姐姐手上既溫暖，令我心入面非常之甜蜜。

好耐冇呢種感覺喇...

我光明正大咁拖實秋兒姐姐既手響旺角朝早既街道入面穿梭，享受住人哋望住我哋既目光，個心諗住我哋既關係終於可以見下光（除咗林太之外），唔駛再擔心有冇一條蛋散會響附近跟蹤我哋，我個感覺好似贏咗全世界咁。

朝早既旺角人流並唔多，好多鋪頭都未開門，我哋最後走咗去間麥〇勞食早餐。

「妳真係唔食？」我本來想買多份早餐比秋兒姐姐，但佢話唔駛。

「唔駛喇，而家太忙唔會有時間做運動，再唔節制就會變肥架喇。」秋兒姐姐答我。

乜秋兒姐姐天生麗質都會擔心變肥架咩？我突然覺得佢好可愛：「無所謂喇，妳幾肥我都唔會唔要妳既，肥嘟嘟咁仲可愛喇。」

「到時你就唔係咁諗架喇。」秋兒姐姐笑道：「你去買嘢食先喇。」

「咖啡都唔駛？」

秋兒姐姐諗咗一諗，答道：「咁你幫我買杯咖啡喇。」

我買完返黎之後，我哋一路食嘢一路傾計，其中一個問題我哋都諗咗好耐...

「其實妳估Jonathan之前係咪真係成日都搵偵探去𥄫住我哋吖？」呢個問題其實我都成日響心入面問自己。

「我覺得...」秋兒姐姐飲咗一啖咖啡：「其實最初發生果件事既時候應該真係有既，但過咗一段時間之後，我諗佢應該唔會日日都搵人睇住我哋啩...？不過點都好，我覺得之前我哋兩個小心啲都係冇錯既。」

雖然秋兒姐姐係咁講，但佢既語氣其實都唔係咁肯定。

而我既諗法同秋兒姐姐差唔多。

我諗既然我同秋兒姐姐表面上一段時間冇乜動靜，再加上佢搵咗林太去睇住我哋之後，佢應該都叫還咗自己果個扭曲既心願，咁佢既戒備心態應該會降低唔少啩。

真係錢多得滯，日日燒錢比偵探去睇住我哋咩。

不過啲有錢人可能啲錢真係多得滯都唔定，尤其是Jonathan個腦神神地，我都唔知佢會做啲咩出黎。

「係喎，妳點同妳媽咪講今朝有咩做架？」我問：「妳出門口既時候佢有冇問妳啲咩？」

我知秋兒姐姐搵咗個藉口話今日有嘢做要出黎，唔得閒留響屋企睇住林太，但我唔知果個係咩藉口。

唉，最衰就作林太得過重病，秋兒姐姐又有孝心，成日響屋企睇住同照顧林太，唔係既話秋兒姐姐都已經二十四歲，仲駛乜好似小學生咁，出唔出去、去邊度都要同林太匯報啊？

「我同佢講我帶班學生去做地理考察啊。」秋兒姐姐微笑道。

「啊，妳講大話都幾叻喎，佢有冇懷疑啊？」我都差唔多食晒嘢。

「冇啊。」秋兒姐姐俏皮地伸咗一伸自己條脷：「咁要同你出黎拍拖，講小小大話都OK喇。」

哈哈，估唔到秋兒姐姐都會呃下林太。

我哋（其實只係我）食完早餐之後，秋兒姐姐問：「咁我哋今日去邊？」

「唔...不如去長州？」我答道。

老老豆豆，以前拍拖既時候我都比以前啲女朋友寵壞晒，去邊度都唔駛我諗。

你真係要我諗既時候我都係揀吓啲大路嘢。

就好似參考返以前同Kitty姐姐大癲咁玩野外露出同瘋狂做愛時既長州之旅咁。

如果同秋兒姐姐去都應該會幾好玩。

（待續）

有文推一推

200正評已加更，多謝大家支持

終於有得睇佢哋兩個拍拖

對上一次咁多人投訴同埋寄刀片俾葉開熙係咪淇淇嗰陣時

完全唔記得同kitty去過鍳洲