我和鄰居大姐姐的故事（23）
葉開葉開
1001 回覆
321 Like
7 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
係有主見，但主管係唔鍾意有主見既後生仔
七百一十四
「咁喇，阿May啱啱叫你做嘢，咁啱可能就係啲urgent既task，你不如幫幫手，做埋佢先走？」KK問。
屌，咁咪即係要我硬食May姐呢個task？
「我諗唔會浪費你好多時間架啫，你做埋呢個Task就收工喇。」KK嚴肅既面上擠出一絲笑容，呢種唔協調既感覺有啲奇怪。
「…」我諗我仲係黑黑地面。
「我同阿May講聲喇，佢都真係…你第一日返工，唔好咁嚇親人吖嘛。」KK又微笑道。
我諗KK其實係為我哋雙方搵一個落台階。
唉。
其實佢都算係咁。
我嘆咗口氣，道︰「咁好喇。」
KK笑咗一笑︰「後生仔，收工返屋企好好休息下喇，呢份工其實唔易做架。」
…
呢份係工作，唔係做奴隸吖嘛？
佢接住又道︰「我哋呢度OT有錢，其實比起外面大部份公司都算係咁架喇。阿仔，你加油比心機做喇。」
吖，早講吖嘛，咁又唔同。
我以前做Intern同兼職果陣果兩間公司加班都冇OT錢，咁我好自然都假設咗呢度既加班都係做義工，估唔到竟然係有錢收。
一講到錢字，咁又唔同講法…
唔怪得出面班仆街辦公時間扮工，然後又加班做嘢喇…
於是我響KK間房度走出黎既時候心景又唔同咗，不過就算有OT錢賺都好，我做完May姐個task之後都係決定收工返屋企先，睇下有冇機會響垃圾房見到秋兒姐姐吖嘛。
我想同佢傾下、分享下今日第一日返工既經歷，所以我做完呢個task之後都拍卡收工走人，臨走之前響May姐間細房仔之前行咗轉，同佢講聲我做完嘢send咗啲files比佢，冇乜特別事我就走先，而佢今次見我走，係冇再出聲阻止我既。
可能係KK同佢傾過，而家咁處理等大家都有落台階。
我走既時候其實都差唔多成八點，響我等緊地鐵既時候，我既電話突然響咗起黎，我望一望部電話，打比我果個係Kate。
唔？
稀客喎，打比我做乜鳩？
「喂？」
「喂，係咪仲響公司啊？一唔一齊食飯啊？」Kate問。
「走咗喇，妳未走咩？」
「嘩，乜你咁早有得收工既？」Kate把聲好似好驚訝咁︰「你好似係HR啊？你個部門咁好既，我哋全部人都未有得走啊。」
屌，其實我走得一啲都唔容易，不過我都無謂同佢講咁多，所以只係簡單咁應咗句︰「係啊。」
「我哋響個WhatsApp group入面傾傾下有啲肚餓，所以諗住全部人一齊出黎響附近快食個飯咋。」Kate響電話入面講︰「你又唔響果個group入面，咁我咪打比你，諗住睇下一唔一齊食飯囉。」
「下次先喇。」我簡潔地答道。
「咁好喇。唉，HR咁好有得咁早收工，我都想快啲調過去實習啊。」Kate羨慕地道。
呃…唔係妳所諗咁架…
我都係過五關、斬六將先有得收工...
不過我都唔諗住解釋咁多喇，到佢調黎HR果陣佢咪知囉...
其實老實講，我返到屋企除咗等機會同秋兒姐姐幽會之外，我都冇乜嘢做，咁我扮下加班呃下OT錢唔好？
我都係對住May姐條氣唔順啫，如果一早知道加班有錢收，我仲會大義凜然咁同KK講乜撚嘢工作效率乜乜柒柒咩。
*
我返到屋企既時候時間都唔早，我只係買咗個飯響屋企食，食完就專心等秋兒姐姐通知。
而今日係我第一日正式返工，秋兒姐姐梗係有藉住掉垃圾呢個機會同我幽會喇。而我見面既時候就長話短說咁同佢交待咗收工既時候發生既事，秋兒姐姐聽完之後有小小驚訝，然後同我講︰「熙熙，其實你唔應該咁樣頂撞你上司架。」
我聳聳肩，道︰「邊個叫佢阻住我收工見妳啫。況且，我都係有果句講果句啫，做晒啲嘢係應該可以準時走架嘛。」
響秋兒姐姐面前，我梗係唔可以話我其實都有啲想呃OT錢喇。
秋兒姐姐聽到我咁講，甜甜一笑，道︰「我都想見你，不過你咁樣頂撞你上司，我驚會影響到你份工咋。」頓了一頓，又道︰「你咁難得先搵到份咁唔錯既工，我唔想你因為咁小事而影響到你啊。」
「見妳邊度係小事啊。」我一臉認真咁反問。
秋兒姐姐比我氹到甜甜一笑，道︰「總之我唔想影響你份工喇。」
「知道喇。」我道︰「為咗我哋既將來，我會努力工作架喇。」
「熙熙，我知道你既性格，出黎社會做嘢有好多嘢未必可以盡如你意，但係出黎做嘢既時候好多時都係身不由己架。就算我做老師，任教既只係一間細學校，但入面其實都有啲人事鬥爭，唔同既老師為咗自己既前途、爭份長約而明爭暗鬥。我做老師已經係咁，我估你哋係大公司可能啲人事鬥爭都唔少，所以我想你小心啲，唔好咁輕易比到人哋搵到位去大做文章啊。」
（待續）
「咁喇，阿May啱啱叫你做嘢，咁啱可能就係啲urgent既task，你不如幫幫手，做埋佢先走？」KK問。
屌，咁咪即係要我硬食May姐呢個task？
「我諗唔會浪費你好多時間架啫，你做埋呢個Task就收工喇。」KK嚴肅既面上擠出一絲笑容，呢種唔協調既感覺有啲奇怪。
「…」我諗我仲係黑黑地面。
「我同阿May講聲喇，佢都真係…你第一日返工，唔好咁嚇親人吖嘛。」KK又微笑道。
我諗KK其實係為我哋雙方搵一個落台階。
唉。
其實佢都算係咁。
我嘆咗口氣，道︰「咁好喇。」
KK笑咗一笑︰「後生仔，收工返屋企好好休息下喇，呢份工其實唔易做架。」
…
呢份係工作，唔係做奴隸吖嘛？
佢接住又道︰「我哋呢度OT有錢，其實比起外面大部份公司都算係咁架喇。阿仔，你加油比心機做喇。」
吖，早講吖嘛，咁又唔同。
我以前做Intern同兼職果陣果兩間公司加班都冇OT錢，咁我好自然都假設咗呢度既加班都係做義工，估唔到竟然係有錢收。
一講到錢字，咁又唔同講法…
唔怪得出面班仆街辦公時間扮工，然後又加班做嘢喇…
於是我響KK間房度走出黎既時候心景又唔同咗，不過就算有OT錢賺都好，我做完May姐個task之後都係決定收工返屋企先，睇下有冇機會響垃圾房見到秋兒姐姐吖嘛。
我想同佢傾下、分享下今日第一日返工既經歷，所以我做完呢個task之後都拍卡收工走人，臨走之前響May姐間細房仔之前行咗轉，同佢講聲我做完嘢send咗啲files比佢，冇乜特別事我就走先，而佢今次見我走，係冇再出聲阻止我既。
可能係KK同佢傾過，而家咁處理等大家都有落台階。
我走既時候其實都差唔多成八點，響我等緊地鐵既時候，我既電話突然響咗起黎，我望一望部電話，打比我果個係Kate。
唔？
稀客喎，打比我做乜鳩？
「喂？」
「喂，係咪仲響公司啊？一唔一齊食飯啊？」Kate問。
「走咗喇，妳未走咩？」
「嘩，乜你咁早有得收工既？」Kate把聲好似好驚訝咁︰「你好似係HR啊？你個部門咁好既，我哋全部人都未有得走啊。」
屌，其實我走得一啲都唔容易，不過我都無謂同佢講咁多，所以只係簡單咁應咗句︰「係啊。」
「我哋響個WhatsApp group入面傾傾下有啲肚餓，所以諗住全部人一齊出黎響附近快食個飯咋。」Kate響電話入面講︰「你又唔響果個group入面，咁我咪打比你，諗住睇下一唔一齊食飯囉。」
「下次先喇。」我簡潔地答道。
「咁好喇。唉，HR咁好有得咁早收工，我都想快啲調過去實習啊。」Kate羨慕地道。
呃…唔係妳所諗咁架…
我都係過五關、斬六將先有得收工...
不過我都唔諗住解釋咁多喇，到佢調黎HR果陣佢咪知囉...
其實老實講，我返到屋企除咗等機會同秋兒姐姐幽會之外，我都冇乜嘢做，咁我扮下加班呃下OT錢唔好？
我都係對住May姐條氣唔順啫，如果一早知道加班有錢收，我仲會大義凜然咁同KK講乜撚嘢工作效率乜乜柒柒咩。
*
我返到屋企既時候時間都唔早，我只係買咗個飯響屋企食，食完就專心等秋兒姐姐通知。
而今日係我第一日正式返工，秋兒姐姐梗係有藉住掉垃圾呢個機會同我幽會喇。而我見面既時候就長話短說咁同佢交待咗收工既時候發生既事，秋兒姐姐聽完之後有小小驚訝，然後同我講︰「熙熙，其實你唔應該咁樣頂撞你上司架。」
我聳聳肩，道︰「邊個叫佢阻住我收工見妳啫。況且，我都係有果句講果句啫，做晒啲嘢係應該可以準時走架嘛。」
響秋兒姐姐面前，我梗係唔可以話我其實都有啲想呃OT錢喇。
秋兒姐姐聽到我咁講，甜甜一笑，道︰「我都想見你，不過你咁樣頂撞你上司，我驚會影響到你份工咋。」頓了一頓，又道︰「你咁難得先搵到份咁唔錯既工，我唔想你因為咁小事而影響到你啊。」
「見妳邊度係小事啊。」我一臉認真咁反問。
秋兒姐姐比我氹到甜甜一笑，道︰「總之我唔想影響你份工喇。」
「知道喇。」我道︰「為咗我哋既將來，我會努力工作架喇。」
「熙熙，我知道你既性格，出黎社會做嘢有好多嘢未必可以盡如你意，但係出黎做嘢既時候好多時都係身不由己架。就算我做老師，任教既只係一間細學校，但入面其實都有啲人事鬥爭，唔同既老師為咗自己既前途、爭份長約而明爭暗鬥。我做老師已經係咁，我估你哋係大公司可能啲人事鬥爭都唔少，所以我想你小心啲，唔好咁輕易比到人哋搵到位去大做文章啊。」
（待續）
係文啊喂
KK叩種圓滑過度嘅人好恐怖
Push
熙哥勇到
Push
所以上到位
職場青頭仔
綠茶巴
七百一十五
秋兒姐姐熟知我既性格，驚我咁燥好易響職場上面闖禍，所以先咁苦口婆心咁勸我收下火。
我點點頭答應︰「我知架喇。」
為咗唔好比林太睇死，我要好好咁把握呢份工。
「係呢，妳響學校都有好多人事上面既明爭暗鬥架？」我好奇地問。
「有人既地方就有是非架喇，不過我諗我間學校都唔算多架喇，我聽我啲同學講，啲名校仲多啊。」
「咁妳冇事吖嘛？」
我突然有啲惆悵，秋兒姐姐有面對過呢啲煩惱，我好似完全唔知咁…
雖然話我哋相處既時間係有限啫，但都唔係藉口黎…
唉，我係點做人男朋友架？
「我冇事啊傻瓜。」秋兒姐姐一眼就睇穿我，道︰「如果有事…我會搵你做我樹洞架喇…」
「嗯。」
同秋兒姐姐拍咗咁耐拖，我好似都仲係當年既小弟弟咁…
「好喇，我哋出咗黎都耐喇，我返去先喇。」秋兒姐姐望一望垃圾房門口，確定冇人入黎之後，伸頭錫咗我咀唇一啖︰「呢一吻係鼓勵你聽日返工既，加油啊！」
雖然垃圾房係冇其他人，但秋兒姐姐主動錫我都好難得，我都不由得開心返小小。
臨走之前，秋兒姐姐仲開玩笑咁同我講︰「如果你真係有興趣聽學校是非既話，下次再講你知吖。」
其實我對學校既是非一啲興趣都冇…只要我知道妳響學校入面冇人蝦妳就得架喇。
夜晚，雖然我有啲攰，但我都頂住眼瞓，等埋老豆返屋企，同佢講下今日返工既嘢，等佢都知道我做嘢既地方係點，唔駛為我掛心。
「工作順利吖嘛？」老豆食住宵夜問。
「幾好吖。」其實收工時咁樣頂撞上司，同佢嘈咗鑊甘，點都唔算順利。
之後我哋又傾咗陣我返工既嘢。
老豆雖然唔知乜撚嘢係MT，但係佢都知道呢份係一份好工，叫我比心機啲做，我應咗佢幾句，然後提議老豆不如退休，等我盡下孝道，賺錢養佢，佢就響屋企享下清福。
「千其唔好啊，老豆唔做嘢就一身都唔聚財架喇。」老豆一口拒絕。
「但係...」
老豆笑一笑，道：「你個位都未坐暖啊，事業啱啱先起步，咁快就話想我退休享清福？如果你做唔掂比人炒咗咁點啊？」
「邊有咁易炒人啊？」
「熙熙，呢個世界冇話邊個冇咗邊個唔得。」老豆笑道：「你睇經濟唔好果陣，啲大公司話裁員就裁員啊。」
「咁你就算唔退休，返少一份工，早啲返屋企休息都好嘛。」
老豆露出咗個老懷安慰既表情，笑道：「你有咁既心，老豆好高興架喇。不過老豆呢啲辛苦命黎，唔做嘢會死架。」
「大吉利是！亂講嘢。」諗起林太患癌，我真係驚老豆立鳩完flag之後真係中撚咗回力鏢...
「冇事，冇事！」老豆道：「你睇老豆幾精神？唔做嘢先唔得啊！」
雖然我再勸多幾句，但係老豆呢一刻都好堅持唔退休，甚至連打少份工休息多啲都唔肯，咁呢啲嘢冇得逼既，我唯有暫時放低呢個打算喇。
我同老豆傾多幾句，佢就叫我快啲上床休息，抖足精神第二朝返工。
*
第二日一早，當我返到公司拍完卡返到我個位既時候，May姐已經返到咗，佢一見到我坐低就向我走過黎，塊面仲要黑撚過我。
屌吖，我已經比起返工時間早咗五分鐘返到，佢仲早過我，究竟佢係幾點返到？
呢啲中女女強人係咪除咗返工就冇嘢好做？
May姐黑鳩住面行到埋我既位旁邊，向我道︰「我睇過你尋晚收工之前整理好果份報表，好多嘢要改，你過一過黎。」講完就行返自己位。
屌，我凳都未撚坐暖，乜撚嘢啊？
我行到去May姐間房門口，敲一敲佢房門，都未講任何嘢，May姐已經開聲︰「入黎。」
「May姐。」
「Andrew，你尋晚好趕時間？」May姐好唔客氣咁問：「份報表錯漏百出，你自己睇下。」
乜鳩啊？
May姐指出咗好多所謂既錯處，但其實我覺得佢講果啲都只係格式上面唔啱佢貝，絕對談不上係乜撚嘢錯漏百出。
「我覺得我呢啲唔係叫做錯喎，係格式唔啱你心意啫。」我反駁。
「Andrew，你啲格式咁樣我點睇啊？你係做表果個，自己梗係睇得明喇，但係你要諗下睇果個明唔明先得架！」May姐道：「你今朝好交到貨比我喇！出返去喇！」
（待續）
秋兒姐姐熟知我既性格，驚我咁燥好易響職場上面闖禍，所以先咁苦口婆心咁勸我收下火。
我點點頭答應︰「我知架喇。」
為咗唔好比林太睇死，我要好好咁把握呢份工。
「係呢，妳響學校都有好多人事上面既明爭暗鬥架？」我好奇地問。
「有人既地方就有是非架喇，不過我諗我間學校都唔算多架喇，我聽我啲同學講，啲名校仲多啊。」
「咁妳冇事吖嘛？」
我突然有啲惆悵，秋兒姐姐有面對過呢啲煩惱，我好似完全唔知咁…
雖然話我哋相處既時間係有限啫，但都唔係藉口黎…
唉，我係點做人男朋友架？
「我冇事啊傻瓜。」秋兒姐姐一眼就睇穿我，道︰「如果有事…我會搵你做我樹洞架喇…」
「嗯。」
同秋兒姐姐拍咗咁耐拖，我好似都仲係當年既小弟弟咁…
「好喇，我哋出咗黎都耐喇，我返去先喇。」秋兒姐姐望一望垃圾房門口，確定冇人入黎之後，伸頭錫咗我咀唇一啖︰「呢一吻係鼓勵你聽日返工既，加油啊！」
雖然垃圾房係冇其他人，但秋兒姐姐主動錫我都好難得，我都不由得開心返小小。
臨走之前，秋兒姐姐仲開玩笑咁同我講︰「如果你真係有興趣聽學校是非既話，下次再講你知吖。」
其實我對學校既是非一啲興趣都冇…只要我知道妳響學校入面冇人蝦妳就得架喇。
夜晚，雖然我有啲攰，但我都頂住眼瞓，等埋老豆返屋企，同佢講下今日返工既嘢，等佢都知道我做嘢既地方係點，唔駛為我掛心。
「工作順利吖嘛？」老豆食住宵夜問。
「幾好吖。」其實收工時咁樣頂撞上司，同佢嘈咗鑊甘，點都唔算順利。
之後我哋又傾咗陣我返工既嘢。
老豆雖然唔知乜撚嘢係MT，但係佢都知道呢份係一份好工，叫我比心機啲做，我應咗佢幾句，然後提議老豆不如退休，等我盡下孝道，賺錢養佢，佢就響屋企享下清福。
「千其唔好啊，老豆唔做嘢就一身都唔聚財架喇。」老豆一口拒絕。
「但係...」
老豆笑一笑，道：「你個位都未坐暖啊，事業啱啱先起步，咁快就話想我退休享清福？如果你做唔掂比人炒咗咁點啊？」
「邊有咁易炒人啊？」
「熙熙，呢個世界冇話邊個冇咗邊個唔得。」老豆笑道：「你睇經濟唔好果陣，啲大公司話裁員就裁員啊。」
「咁你就算唔退休，返少一份工，早啲返屋企休息都好嘛。」
老豆露出咗個老懷安慰既表情，笑道：「你有咁既心，老豆好高興架喇。不過老豆呢啲辛苦命黎，唔做嘢會死架。」
「大吉利是！亂講嘢。」諗起林太患癌，我真係驚老豆立鳩完flag之後真係中撚咗回力鏢...
「冇事，冇事！」老豆道：「你睇老豆幾精神？唔做嘢先唔得啊！」
雖然我再勸多幾句，但係老豆呢一刻都好堅持唔退休，甚至連打少份工休息多啲都唔肯，咁呢啲嘢冇得逼既，我唯有暫時放低呢個打算喇。
我同老豆傾多幾句，佢就叫我快啲上床休息，抖足精神第二朝返工。
*
第二日一早，當我返到公司拍完卡返到我個位既時候，May姐已經返到咗，佢一見到我坐低就向我走過黎，塊面仲要黑撚過我。
屌吖，我已經比起返工時間早咗五分鐘返到，佢仲早過我，究竟佢係幾點返到？
呢啲中女女強人係咪除咗返工就冇嘢好做？
May姐黑鳩住面行到埋我既位旁邊，向我道︰「我睇過你尋晚收工之前整理好果份報表，好多嘢要改，你過一過黎。」講完就行返自己位。
屌，我凳都未撚坐暖，乜撚嘢啊？
我行到去May姐間房門口，敲一敲佢房門，都未講任何嘢，May姐已經開聲︰「入黎。」
「May姐。」
「Andrew，你尋晚好趕時間？」May姐好唔客氣咁問：「份報表錯漏百出，你自己睇下。」
乜鳩啊？
May姐指出咗好多所謂既錯處，但其實我覺得佢講果啲都只係格式上面唔啱佢貝，絕對談不上係乜撚嘢錯漏百出。
「我覺得我呢啲唔係叫做錯喎，係格式唔啱你心意啫。」我反駁。
「Andrew，你啲格式咁樣我點睇啊？你係做表果個，自己梗係睇得明喇，但係你要諗下睇果個明唔明先得架！」May姐道：「你今朝好交到貨比我喇！出返去喇！」
（待續）
四日由第一集追到Live，斷韌帶個集好似我自己經歷咁
為表支持 已經課左金
為表支持 已經課左金如果你真係有興趣聽學校是非既話，你就去penana睇老師故喇
Push
Push
其實出黎做野依章到底寫緊乜？女主角又無，女配角男配角個個都無。
返工啲角色好似公筷咁出現一兩次又唔見咗，又唔似之後會提起返，角色形象好扁平，存唔存在都無分別咁
描寫方式又唔係講緊葉開威熙仔出黎做野做人圓滑咗，又唔係心理有咩變化成熟
成個章節好籠統簡略咁講主角搵到工，但係又無資訊性既對話推動劇情，成件事平舖直敘
得返同阿必解開心結&阿叔入院兩part真係關熙仔心理成長/人生事，但係都無深入描寫心理變化。
唔覺唔覺都追咗三年，penana都課過金，寫到而家好似唔想完夾硬寫啲嘢咁，睇到有啲無奈失望
返工啲角色好似公筷咁出現一兩次又唔見咗，又唔似之後會提起返，角色形象好扁平，存唔存在都無分別咁
描寫方式又唔係講緊
成個章節好籠統簡略咁講主角搵到工，但係又無資訊性既對話推動劇情，成件事平舖直敘
得返同阿必解開心結&阿叔入院兩part真係關熙仔心理成長/人生事，但係都無深入描寫心理變化。
唔覺唔覺都追咗三年，penana都課過金，寫到而家好似唔想完夾硬寫啲嘢咁，睇到有啲無奈失望
所以已決定隔日追完就算，唔會再睇其他故
純粹中咗伏飛住嚟睇
其他故都唔會睇了
其他故都唔會睇了
我感覺上熙哥個角色弧光唔夠
無咩成長
由頭到尾都係一鳩樣
值得講嘅成長，頂多就係信多咗秋兒、用少咗碌鳩諗嘢、圓滑咗啲啲（但其實都仲係好崛）、試圖去關心人？
其餘都唔多講得出了
反而Kitty、鄭詠琳、甚至周芷若成長仲大
秋兒直情成套嘢都唔知佢諗乜，角色動機薄弱
好似由頭到尾佢動機都係媽媽？第二動機係熙哥？
坦白講，佢存在好薄弱，完全唔明有咩吸引
講真呢套嘢最好睇係夠現實，啲人只要夠靚仔靚女，就就算個腦空白一片，都好多異性埋身
無咩成長
由頭到尾都係一鳩樣
值得講嘅成長，頂多就係信多咗秋兒、用少咗碌鳩諗嘢、圓滑咗啲啲（但其實都仲係好崛）、試圖去關心人？
其餘都唔多講得出了
反而Kitty、鄭詠琳、甚至周芷若成長仲大
秋兒直情成套嘢都唔知佢諗乜，角色動機薄弱
好似由頭到尾佢動機都係媽媽？第二動機係熙哥？
坦白講，佢存在好薄弱，完全唔明有咩吸引
講真呢套嘢最好睇係夠現實，啲人只要夠靚仔靚女，就就算個腦空白一片，都好多異性埋身
