我和鄰居大姐姐的故事（23）
葉開葉開
1001 回覆
321 Like
7 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
條友咁撚寸，明屌佢喇
佢都忍得耐
綠茶巴
唔會，但如果明知條友唔請你但又係咁寸鳩仔，可能你都一樣反應
正解
六百九十八
啊，屌。
劉經理講到好似佢有諗過比呢份工我咁。
「當然唔係喇，我不知幾想要呢個offer！」我扮作好誠懇既語氣道︰「可以見證住劉經理既奮鬥史喎，梗係想做喇。」
「你…」劉經理仲想講嘢。
可能係見我同劉經理再講落去唔知點收科，呢個時候鄭經理出黎打圓場，向我問︰「啊，好嘞，余生，我哋今日既面試都差唔多架喇，多謝你既參與。咁你有冇啲咩問題想問我哋啊？」
「哦，有啊。」我面露微笑，問︰「我想請問貴公司係咪都放咗好多資源響慈善上面架？」
鄭經理面露好奇既表情，微笑咁問︰「點解你會咁問既？」
「冇啊，見你哋公司好有社會責任咁請個智障返黎，仲好有心咁將佢培育到經理，當中花費既資源一定唔少，所以有啲好奇貴公司係點樣分配啲資源，黎平衡返社會責任同公司既人力資源培訓。」我一本正經咁鳩UP。
「余正熙，你係咪玩嘢啊！」劉經理聽到我咁講自然勃然大怒。
「原來唔止智障，仲要係燥狂…」我繼續一本正經，點點頭地道︰「貴公司真係仁厚。」
「啊，咁啊…」鄭經理諗咗一下，制止咗想進入暴走狀態既劉經理，保持和顏悅色地道︰「余生，你咁講都有啲過份，如果你真係有機會入黎我哋呢度做，對主管有尊重都係非常之重要既事。」
我其實已經好尊重劉經理，我唔尊重佢既話應該衝埋去打撚柒咗佢好耐。
況且呢個劉經理由我入呢間房既第一秒開始就冇尊重過我，咁我又點解要去尊重佢呢？
不過呢個鄭經理同我冇乜仇口，成個Interview佢對我既態度同佢個樣一樣都幾溫和，於是我對佢既態度自然同劉經理完全唔同︰「哦，我明白喇，不過我其實絕對冇唔尊重既意思，只係好奇心重啲啫。」
雖然我唔係寸鳩鄭經理，但佢可能都唔想我再同劉經理有啲咩口舌之爭，所以佢都冇答我既問題諗住息事寧人，淨係向我講︰「係就最好，唔該晒你余生，今日個Interview完架喇，麻煩你返出去先。」
劉經理個樣好似想鬧鳩我、同我開波咁，不過鄭經理一個眼神就制止咗佢。
似乎鄭經理既職級應該係高級過劉經理，仲要高級唔少？
「好，再見。」其實我都唔想信會再見。
劉經理由頭到尾都冇諗住正正經經同我interview，只係不斷搵機會去奚落我去突出佢自己好似好優秀既，難聽啲講佢其實只係想玩鳩下我，我諗由佢見到我唔係讀三大開始，佢就冇諗過要比offer我。
再講，我最尾忍唔住寸咗劉經理幾咀，我相信就算原本仲有5%既成功機會，響我忍唔住出口屌柒劉經理果一刻，成功機會已經由5%再急降到0.1%。
我唔敢講0%，畢竟呢個世界係有奇蹟出現，只係我唔相信奇蹟出現響我身上啫。
我出門口既時候，發覺一個著住件休閒Polo恤既，個樣同髮型都有啲似過氣台灣組合F 3+1入面既言承Ｏ，年紀大約係三十幾四十歲既大叔企咗響面試室門口附近（題外話，其實我呢一刻我係仲未知言承Ｏ係邊個），面露住笑容，有啲好奇咁上下打量緊我，見到我出黎，向我微笑住揮手打招呼。
乜撚嘢啊？
我識呢條友架咩？
不過禮貌上我都揮揮手回應佢。
「啊，你好，你係余生係咪啊？」我要走出呢間公司，係要行過言承Ｏ既身邊，就響我行過佢身邊既時候，佢笑住咁向我伸出手想要握手咁。
「係，我係姓余。」我有啲唔情願咁同佢握手。
真係純粹係禮貌。
「我姓李，好高興認識你，啱啱面完試？」言承Ｏ問。
「係啊。」響間房走出黎，唔係面完試唔通係屙完屎咩。
「咁啊…祝你成功，希望好快有機會可以再見到你。」言承Ｏ友善咁微笑住對我講。
我本來想講應該冇可能，啱啱入面個經理對我好撚唔客氣，不過轉頭一諗反正應該以後都唔會再有機會見到言承Ｏ，都廢撚事同佢講咁撚多，於是我只係向佢微笑講咗句︰「多謝。」就算。
言承Ｏ冇再講啲咩，只係繼續微笑咁向我點點頭，最後目送我走返出公司既走廊，然後果度個秘書姐姐見到我出黎就起身帶我行去公司既大門，同我講咗句拜拜。
呢個Interview可以話係響非常不愉快既情況下完結咗。
（待續）
啊，屌。
劉經理講到好似佢有諗過比呢份工我咁。
「當然唔係喇，我不知幾想要呢個offer！」我扮作好誠懇既語氣道︰「可以見證住劉經理既奮鬥史喎，梗係想做喇。」
「你…」劉經理仲想講嘢。
可能係見我同劉經理再講落去唔知點收科，呢個時候鄭經理出黎打圓場，向我問︰「啊，好嘞，余生，我哋今日既面試都差唔多架喇，多謝你既參與。咁你有冇啲咩問題想問我哋啊？」
「哦，有啊。」我面露微笑，問︰「我想請問貴公司係咪都放咗好多資源響慈善上面架？」
鄭經理面露好奇既表情，微笑咁問︰「點解你會咁問既？」
「冇啊，見你哋公司好有社會責任咁請個智障返黎，仲好有心咁將佢培育到經理，當中花費既資源一定唔少，所以有啲好奇貴公司係點樣分配啲資源，黎平衡返社會責任同公司既人力資源培訓。」我一本正經咁鳩UP。
「余正熙，你係咪玩嘢啊！」劉經理聽到我咁講自然勃然大怒。
「原來唔止智障，仲要係燥狂…」我繼續一本正經，點點頭地道︰「貴公司真係仁厚。」
「啊，咁啊…」鄭經理諗咗一下，制止咗想進入暴走狀態既劉經理，保持和顏悅色地道︰「余生，你咁講都有啲過份，如果你真係有機會入黎我哋呢度做，對主管有尊重都係非常之重要既事。」
我其實已經好尊重劉經理，我唔尊重佢既話應該衝埋去打撚柒咗佢好耐。
況且呢個劉經理由我入呢間房既第一秒開始就冇尊重過我，咁我又點解要去尊重佢呢？
不過呢個鄭經理同我冇乜仇口，成個Interview佢對我既態度同佢個樣一樣都幾溫和，於是我對佢既態度自然同劉經理完全唔同︰「哦，我明白喇，不過我其實絕對冇唔尊重既意思，只係好奇心重啲啫。」
雖然我唔係寸鳩鄭經理，但佢可能都唔想我再同劉經理有啲咩口舌之爭，所以佢都冇答我既問題諗住息事寧人，淨係向我講︰「係就最好，唔該晒你余生，今日個Interview完架喇，麻煩你返出去先。」
劉經理個樣好似想鬧鳩我、同我開波咁，不過鄭經理一個眼神就制止咗佢。
似乎鄭經理既職級應該係高級過劉經理，仲要高級唔少？
「好，再見。」其實我都唔想信會再見。
劉經理由頭到尾都冇諗住正正經經同我interview，只係不斷搵機會去奚落我去突出佢自己好似好優秀既，難聽啲講佢其實只係想玩鳩下我，我諗由佢見到我唔係讀三大開始，佢就冇諗過要比offer我。
再講，我最尾忍唔住寸咗劉經理幾咀，我相信就算原本仲有5%既成功機會，響我忍唔住出口屌柒劉經理果一刻，成功機會已經由5%再急降到0.1%。
我唔敢講0%，畢竟呢個世界係有奇蹟出現，只係我唔相信奇蹟出現響我身上啫。
我出門口既時候，發覺一個著住件休閒Polo恤既，個樣同髮型都有啲似過氣台灣組合F 3+1入面既言承Ｏ，年紀大約係三十幾四十歲既大叔企咗響面試室門口附近（題外話，其實我呢一刻我係仲未知言承Ｏ係邊個），面露住笑容，有啲好奇咁上下打量緊我，見到我出黎，向我微笑住揮手打招呼。
乜撚嘢啊？
我識呢條友架咩？
不過禮貌上我都揮揮手回應佢。
「啊，你好，你係余生係咪啊？」我要走出呢間公司，係要行過言承Ｏ既身邊，就響我行過佢身邊既時候，佢笑住咁向我伸出手想要握手咁。
「係，我係姓余。」我有啲唔情願咁同佢握手。
真係純粹係禮貌。
「我姓李，好高興認識你，啱啱面完試？」言承Ｏ問。
「係啊。」響間房走出黎，唔係面完試唔通係屙完屎咩。
「咁啊…祝你成功，希望好快有機會可以再見到你。」言承Ｏ友善咁微笑住對我講。
我本來想講應該冇可能，啱啱入面個經理對我好撚唔客氣，不過轉頭一諗反正應該以後都唔會再有機會見到言承Ｏ，都廢撚事同佢講咁撚多，於是我只係向佢微笑講咗句︰「多謝。」就算。
言承Ｏ冇再講啲咩，只係繼續微笑咁向我點點頭，最後目送我走返出公司既走廊，然後果度個秘書姐姐見到我出黎就起身帶我行去公司既大門，同我講咗句拜拜。
呢個Interview可以話係響非常不愉快既情況下完結咗。
（待續）
會唔會因為有人都係嶺大畢業所以請咗
係咪個polo shirt阿叔其實係老細喺門外偷聽到晒精華部份然後落order要請熙仔
喺門外偷聽到晒精華部份然後落order要請熙仔似基佬，童顏靚仔，言承旭猛男都心動
Push
可能請熙仔做佢秘書
推推
個劉經理平時應該得罪唔少人
kitty姐姐!!
Push
大癲
非BL故
非BL故
綠茶巴
六百九十九
「哦，係妳？」落到公司樓下既升降機大堂既時候，我見到有一個意思唔到既人向我打招呼。
我啱啱見果間跨國名牌賣衫公司所在既商業中心係一間都幾大型既商廈，佢既升降機大堂下面有一間Cafe，鋪內外都有座位。而Kate就坐響鋪外面既飲住咖啡，望住由升降機走出黎既我，然後向我揮手。
既然都四目相交咗，都冇得扮見佢唔到，於是我向佢揮手行過去。
「你in成點啊？」Kate問我，手上面仲揸住杯咖啡。
「死硬。」我輕描淡寫地道。
老實講，呢份係我暫時有final interview既MT工，咁難得先黎到呢一步，事前又準備咗咁耐，啱啱In到咁撚樣，你話冇失望就假既。
不過我覺得個interview搞到咁撚樣，責任不在於我啊。我黎見工啫，比人踩到上心口唔通仲要忍咩，屌你。
「呵呵，好多人見完工都話自己見得差，點知到最後有offer。」Kate笑住指一指佢面前既座位，問︰「駛唔駛買杯咖啡坐低慢慢傾？」
「是旦。」我買咗杯凍咖啡坐低，當係同條姣婆聚下舊。
飲杯咖啡應該唔會飲到上床既。
「真係唔掂咩？」Kate問我。
「唔掂。」我飲咗啖咖啡，呢度啲咖啡雖然貴，但我感覺上都係B's Cafe既咖啡好味啲。
啊，唔知果陣啲同事而家點呢？阿Yan仲幾好嗎？
「in得好差咩？」
「老老實實，我自問就準備得好好架喇，問題係其中一個In我既經理正仆街黎，佢既語氣講到好似如果唔係三大畢業既話就唔會請咁。」我如實咁講，又講咗少少啱啱見工時既情形。
「唔係啩？咁都得？」Kate臉上都有啲驚訝。
「係啊。」我聳聳肩，無奈地道。
「好彩我唔係in你間房啫。」Kate裝出個好彩既表情。
「啊，妳係邊間大學，我唔記得咗添？」
「City啊，你咁都唔記得，我心淡喇。」Kate又扮咗一副受傷既樣出黎︰「我都記得你讀嶺大喇。」
「唉，妳個可憐樣留返對住妳啲男朋友s先扮喇。」我都好直接地道。
「嘻，呃你唔到添。」Kate笑嘻嘻地道。
「咪撚講我喇，我就死鳩梗既，妳呢？妳又in成點啊？」我問。
「唔好咁喇，你以為自己in得唔好啫，實際上可能OK呢。」
係鬼，如果妳見到啱啱我interview時候既情境，妳一定唔會咁講。
Kate安慰完我之後講返佢自己︰「我就好彩過你既，in我果兩個係叔叔級既經理，同佢哋傾落我覺得佢哋好似幾鍾意我。」
哦…明白…叔叔對妹妹仔起痰吖嘛。
我哋唔係傾咗好耐，傾咗陣大家既近況，之後冇特別嘢就散band，而佢今次都冇特別再暗示過想同我玩成人遊戲。
事實上我同佢都唔算friend，只係做過兩個月同事，都唔算熟，如果唔係今次偶遇我估呢世都未必會再見到佢。
我果日夜晚返到hall，同秋兒姐姐講咗件事，佢安慰咗我幾句，我以為件事就咁完咗。
之後我照樣繼續去apply唔同既MT，中間都有啲group in或者first interview，而響準備面試既途中，我都迎接咗大學生涯最後一次既考試。
「唉仆街喇，希望保得住個third hon喇。」我同阿威考完最後一科，佢行出試場既時候抱住個頭係咁捽，一個苦惱既模樣。
既然咁苦惱，點解唔好好咁溫書？
老老豆豆，我覺得大學讀既嘢易過A Level好撚多喎，既然你可以克服A level入到大學，一樣可以響大學讀好書既，問題係你自己讀唔讀啫。
阿威平時咁撚hea，如果成績出到黎係pat屎咁真係咎由自取。
「喂，你唔係話要考消防隊長架咩？」我問︰「你確認你而家既成績真係考到？」
「唉屌，不要再說了.jpg。」阿威苦惱地道︰「唉濕撚晒，唉唔撚驚。」
不過最後阿威真係保到third hon，而我呢…
屌，衝唔到first hon啊，得second up咋。
「都唔錯喇。」仲未quit hall既晚上，秋兒姐姐安慰我。
「唔夠妳勁喇，妳first hon喎。」
「你入U果陣我咪講過，你唔一定要跟隨我既步伐架。」秋兒姐姐柔聲道︰「你要活出自己既生活，咁我就好開心架喇。」
講起呢樣嘢，其實如果真係要我忠於自己而活，我真係想好踢返職業足球，不過呢個係已經冇可能既事。
至少秋兒姐姐唔會應承，佢都會擔心我。
唉，其實發生果種重傷既機會真係萬中無一，但果次就係發生響我身上。
「嗯，我知架喇。」我冇將我既心聲講出口。
冇得踢職業足球，而家既我，就係為咗秋兒姐姐而活。
不過咁肉麻既嘢我講唔出口。
（待續）
「哦，係妳？」落到公司樓下既升降機大堂既時候，我見到有一個意思唔到既人向我打招呼。
我啱啱見果間跨國名牌賣衫公司所在既商業中心係一間都幾大型既商廈，佢既升降機大堂下面有一間Cafe，鋪內外都有座位。而Kate就坐響鋪外面既飲住咖啡，望住由升降機走出黎既我，然後向我揮手。
既然都四目相交咗，都冇得扮見佢唔到，於是我向佢揮手行過去。
「你in成點啊？」Kate問我，手上面仲揸住杯咖啡。
「死硬。」我輕描淡寫地道。
老實講，呢份係我暫時有final interview既MT工，咁難得先黎到呢一步，事前又準備咗咁耐，啱啱In到咁撚樣，你話冇失望就假既。
不過我覺得個interview搞到咁撚樣，責任不在於我啊。我黎見工啫，比人踩到上心口唔通仲要忍咩，屌你。
「呵呵，好多人見完工都話自己見得差，點知到最後有offer。」Kate笑住指一指佢面前既座位，問︰「駛唔駛買杯咖啡坐低慢慢傾？」
「是旦。」我買咗杯凍咖啡坐低，當係同條姣婆聚下舊。
飲杯咖啡應該唔會飲到上床既。
「真係唔掂咩？」Kate問我。
「唔掂。」我飲咗啖咖啡，呢度啲咖啡雖然貴，但我感覺上都係B's Cafe既咖啡好味啲。
啊，唔知果陣啲同事而家點呢？阿Yan仲幾好嗎？
「in得好差咩？」
「老老實實，我自問就準備得好好架喇，問題係其中一個In我既經理正仆街黎，佢既語氣講到好似如果唔係三大畢業既話就唔會請咁。」我如實咁講，又講咗少少啱啱見工時既情形。
「唔係啩？咁都得？」Kate臉上都有啲驚訝。
「係啊。」我聳聳肩，無奈地道。
「好彩我唔係in你間房啫。」Kate裝出個好彩既表情。
「啊，妳係邊間大學，我唔記得咗添？」
「City啊，你咁都唔記得，我心淡喇。」Kate又扮咗一副受傷既樣出黎︰「我都記得你讀嶺大喇。」
「唉，妳個可憐樣留返對住妳啲男朋友s先扮喇。」我都好直接地道。
「嘻，呃你唔到添。」Kate笑嘻嘻地道。
「咪撚講我喇，我就死鳩梗既，妳呢？妳又in成點啊？」我問。
「唔好咁喇，你以為自己in得唔好啫，實際上可能OK呢。」
係鬼，如果妳見到啱啱我interview時候既情境，妳一定唔會咁講。
Kate安慰完我之後講返佢自己︰「我就好彩過你既，in我果兩個係叔叔級既經理，同佢哋傾落我覺得佢哋好似幾鍾意我。」
哦…明白…叔叔對妹妹仔起痰吖嘛。
我哋唔係傾咗好耐，傾咗陣大家既近況，之後冇特別嘢就散band，而佢今次都冇特別再暗示過想同我玩成人遊戲。
事實上我同佢都唔算friend，只係做過兩個月同事，都唔算熟，如果唔係今次偶遇我估呢世都未必會再見到佢。
我果日夜晚返到hall，同秋兒姐姐講咗件事，佢安慰咗我幾句，我以為件事就咁完咗。
之後我照樣繼續去apply唔同既MT，中間都有啲group in或者first interview，而響準備面試既途中，我都迎接咗大學生涯最後一次既考試。
「唉仆街喇，希望保得住個third hon喇。」我同阿威考完最後一科，佢行出試場既時候抱住個頭係咁捽，一個苦惱既模樣。
既然咁苦惱，點解唔好好咁溫書？
老老豆豆，我覺得大學讀既嘢易過A Level好撚多喎，既然你可以克服A level入到大學，一樣可以響大學讀好書既，問題係你自己讀唔讀啫。
阿威平時咁撚hea，如果成績出到黎係pat屎咁真係咎由自取。
「喂，你唔係話要考消防隊長架咩？」我問︰「你確認你而家既成績真係考到？」
「唉屌，不要再說了.jpg。」阿威苦惱地道︰「唉濕撚晒，唉唔撚驚。」
不過最後阿威真係保到third hon，而我呢…
屌，衝唔到first hon啊，得second up咋。
「都唔錯喇。」仲未quit hall既晚上，秋兒姐姐安慰我。
「唔夠妳勁喇，妳first hon喎。」
「你入U果陣我咪講過，你唔一定要跟隨我既步伐架。」秋兒姐姐柔聲道︰「你要活出自己既生活，咁我就好開心架喇。」
講起呢樣嘢，其實如果真係要我忠於自己而活，我真係想好踢返職業足球，不過呢個係已經冇可能既事。
至少秋兒姐姐唔會應承，佢都會擔心我。
唉，其實發生果種重傷既機會真係萬中無一，但果次就係發生響我身上。
「嗯，我知架喇。」我冇將我既心聲講出口。
冇得踢職業足球，而家既我，就係為咗秋兒姐姐而活。
不過咁肉麻既嘢我講唔出口。
（待續）
Push
為另一個人而活…
呢個諗法太沉重
無論對個對象定自己都係
呢個諗法太沉重
無論對個對象定自己都係