我和鄰居大姐姐的故事（23）
葉開葉開
567 回覆
290 Like
6 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁
Push
今日係咪有文？
六百七十七
「好係好...」秋兒姐姐答道，不過有啲疑問咁問：「咁點解我哋唔直接響中環站等啊？」
啊，好問題。
點解我唔直接約秋兒姐姐響中環等呢？
「呃...我都唔知...」我尷尬地回答。
低級程度錯誤...算唔算出閘脫腳啊...
秋兒姐姐笑咗一笑，道：「唔緊要啊，咁我哋行喇。」
「Sorry啊，有得見妳太興奮過頭，都冇好好咁plan好啲行程添。」我仲係唔係幾好意思。
「唔駛sorry，」秋兒姐姐微笑道：「我哋要好好咁珍惜今日啊，快啲起程喇。」然後起身向我伸手。
我都笑一笑，起身拖起秋兒姐姐伸過黎既果隻手，然後一齊向地鐵站行過去。
其實同妳一齊既每一分每一秒，就算只係呼吸都好，我都會好好珍惜架...
*
旺角搭地鐵過去中環並唔係好耐，而且可能因為而家時間尚早，我哋兩個都有位可以並排而坐。
秋兒姐姐可能平日做嘢都係好攰，所以坐低之後佢就挨咗響我膊頭上面同我傾吓計。
老實講，傾咗乜嘢計我都唔係好記得，因為秋兒姐姐挨住我既關係，我既鼻聞到既就只係秋兒姐姐秀髪傳黎既髮香...
仲有...
秋兒姐姐身上既果陣女人香味...
真係...
扯扯地旗...
去到中環地鐵站既時候，我心入面既回憶突然湧現起黎，諗返起中二升中三果個暑假，同Kitty姐姐「拍拖」果陣既情景...
果陣雖然Kitty姐姐對住我又攬又撟又錫咁，好多親密既身體接觸，而而家秋兒姐姐只係好普通咁同我十指緊扣咁樣行去中環碼頭，但心入面果種甜蜜程度，今次比起當年果次真係有過之而無不及，抛甩幾條街。
好甜啊。
我要好好珍惜呢個女人。
我哋行到去check下個時間表，然後都冇特別揀快船定慢船，直接等下一班船出發。
不過又咁巧合，我哋呢一程都係快船，同當年Kitty姐姐一齊去長洲既時候一樣。
「妳係咪都仲未識踩單車？」落咗船之後我問。
「唔識啊。」秋兒姐姐笑咗一笑。
「學唔學？」我問。
「唔...又好啫。」秋兒姐姐微笑咁問：「不過我都唔知你識踩單車。」
「啊...我以前同青年軍班隊友黎長洲既時候，佢哋教識我架，不過我都好耐冇踩過，都唔知教唔教到妳。」我有小小心虛咁回答。
梗係心虛喇，果陣我係同Kitty姐姐去長洲，又係Kitty姐姐教識我踩單車。
不過好彩秋兒姐姐冇發現啲咩，我哋就咁租咗兩架單車，搵咗個都有幾多樹蔭、一啲都唔算曬既空地黎試踩下車。
或者係我運動細胞幾好，我踩咗兩個圈，啲感覺就返晒黎，感覺自己踩得還不錯。
「熙熙，你踩得幾有台型喎。」秋兒姐姐讚道。
還好喇，哈哈。
「妳試下踩？」我泊好架單車，然後走過去教秋兒姐姐踩單車。
不過秋兒姐姐既運動細胞應該真係差過我好多，我記得當年Kitty姐姐一教我就學得識，但我教咗秋兒姐姐成粒鐘，佢連小小平衡都唔係幾做到。
「我係咪好蠢啊，學咗咁耐好似仲係一啲都唔識咁。」秋兒姐姐流住汗咁問我。
「唔係啊，慢慢黎，我哋今日仲有大把時間。」我笑道：「妳休息一陣飲啖水，我哋再繼續吖。」
「嗯。」
雖然秋兒姐姐好比心機學，不過我諗佢真係冇乜天份，所以再學多一個鐘都係冇乜進展，而我見秋兒姐姐都好似好攰，加上都成差唔多一點，烈日當空，於是就開口道：「我哋今日不如就到呢度喇，下次我再同妳黎長洲或者其他郊區既時候再教過妳吖。」
我哋係黎享受拍拖，唔係黎行刑架嘛。
「Sorry啊熙熙，你咁比心機咁教我，但我都係學唔識。」秋兒姐姐唔好意思地道。
「唔緊要，下次再學既時候應該就會有啲基礎，容易啲上手架喇。」我笑住咁安慰秋兒姐姐。
「嗯。」
之後我哋還返架單車，跟住就準備去食午餐。
本來我諗住好似當年同Kitty姐姐一齊果陣咁，響街邊掃街食長洲啲小食，但啱啱秋兒姐姐學單車學到咁攰，我最後都係決定同秋兒姐姐去啲餐館度舒舒服服咁坐響度涼住冷氣食嘢。
黎到長洲既餐館，就梗係食海鮮喇，就好似當年同Kitty姐姐食晚餐既時候一樣。
我哋求其揀咗一間餐館就入咗去去坐低。我記得當年同Kitty姐姐食海鮮既時候，真係叫到成枱都係（因為唔係我比錢），不過估唔到最後都比我哋（其實主要係我）清晒。咁我而家係同秋兒姐姐一齊黎就梗係唔會係咁喇，我哋討論咗一陣之後，淨係叫咗一碟白灼蝦同椒鹽九肚魚，仲有汽水同白飯，諗住應該都夠食。
呢間就唔係當年我同Kitty姐姐去果間餐館，但啲飯餸既味道都同樣係非常唔錯。而同當年Kitty姐姐餐飯一樣既，就係都係女朋友比錢埋單。
如果世界上有一個人我係比佢請食飯都唔會特別開心既，果個就係秋兒姐姐。
因為對住秋兒姐姐既時候，我好想比到一種我身為男朋友係有能力照顧到佢既感覺佢，而唔係每一樣嘢都仲係要由佢黎照顧。
佢已經照顧咗我十幾年喇，我哋仲拍埋拖添，個角色係時候要調返轉。
不過餐飯，都最後都係秋兒姐姐堅持由佢埋單，話始終佢已經出黎做嘢幾年，應該係由佢比既，況且我以前響林太入院比湯藥費單嘢上面都幫咗佢咁多，點都唔肯比我埋單。
我最後拗佢唔過，都係比佢埋咗單。不過我就暗下咗決心，我畢業之後一定要搵到份好工，一定要養得起秋兒姐姐，就算佢唔做嘢都得！
食完飯之後，我本來係打算去同秋兒姐姐去張保仔洞探個險（又係抄當年Kitty姐姐既行程），不過秋兒女姐姐學咗成朝單車，對腳都應該好攰，最後我決定改變行程，同秋兒姐姐去咗當年同Kitty姐姐去果個乜嘢觀音灣沙灘度散步。
（待續）
「好係好...」秋兒姐姐答道，不過有啲疑問咁問：「咁點解我哋唔直接響中環站等啊？」
啊，好問題。
點解我唔直接約秋兒姐姐響中環等呢？
「呃...我都唔知...」我尷尬地回答。
低級程度錯誤...算唔算出閘脫腳啊...
秋兒姐姐笑咗一笑，道：「唔緊要啊，咁我哋行喇。」
「Sorry啊，有得見妳太興奮過頭，都冇好好咁plan好啲行程添。」我仲係唔係幾好意思。
「唔駛sorry，」秋兒姐姐微笑道：「我哋要好好咁珍惜今日啊，快啲起程喇。」然後起身向我伸手。
我都笑一笑，起身拖起秋兒姐姐伸過黎既果隻手，然後一齊向地鐵站行過去。
其實同妳一齊既每一分每一秒，就算只係呼吸都好，我都會好好珍惜架...
*
旺角搭地鐵過去中環並唔係好耐，而且可能因為而家時間尚早，我哋兩個都有位可以並排而坐。
秋兒姐姐可能平日做嘢都係好攰，所以坐低之後佢就挨咗響我膊頭上面同我傾吓計。
老實講，傾咗乜嘢計我都唔係好記得，因為秋兒姐姐挨住我既關係，我既鼻聞到既就只係秋兒姐姐秀髪傳黎既髮香...
仲有...
秋兒姐姐身上既果陣女人香味...
真係...
扯扯地旗...
去到中環地鐵站既時候，我心入面既回憶突然湧現起黎，諗返起中二升中三果個暑假，同Kitty姐姐「拍拖」果陣既情景...
果陣雖然Kitty姐姐對住我又攬又撟又錫咁，好多親密既身體接觸，而而家秋兒姐姐只係好普通咁同我十指緊扣咁樣行去中環碼頭，但心入面果種甜蜜程度，今次比起當年果次真係有過之而無不及，抛甩幾條街。
好甜啊。
我要好好珍惜呢個女人。
我哋行到去check下個時間表，然後都冇特別揀快船定慢船，直接等下一班船出發。
不過又咁巧合，我哋呢一程都係快船，同當年Kitty姐姐一齊去長洲既時候一樣。
「妳係咪都仲未識踩單車？」落咗船之後我問。
「唔識啊。」秋兒姐姐笑咗一笑。
「學唔學？」我問。
「唔...又好啫。」秋兒姐姐微笑咁問：「不過我都唔知你識踩單車。」
「啊...我以前同青年軍班隊友黎長洲既時候，佢哋教識我架，不過我都好耐冇踩過，都唔知教唔教到妳。」我有小小心虛咁回答。
梗係心虛喇，果陣我係同Kitty姐姐去長洲，又係Kitty姐姐教識我踩單車。
不過好彩秋兒姐姐冇發現啲咩，我哋就咁租咗兩架單車，搵咗個都有幾多樹蔭、一啲都唔算曬既空地黎試踩下車。
或者係我運動細胞幾好，我踩咗兩個圈，啲感覺就返晒黎，感覺自己踩得還不錯。
「熙熙，你踩得幾有台型喎。」秋兒姐姐讚道。
還好喇，哈哈。
「妳試下踩？」我泊好架單車，然後走過去教秋兒姐姐踩單車。
不過秋兒姐姐既運動細胞應該真係差過我好多，我記得當年Kitty姐姐一教我就學得識，但我教咗秋兒姐姐成粒鐘，佢連小小平衡都唔係幾做到。
「我係咪好蠢啊，學咗咁耐好似仲係一啲都唔識咁。」秋兒姐姐流住汗咁問我。
「唔係啊，慢慢黎，我哋今日仲有大把時間。」我笑道：「妳休息一陣飲啖水，我哋再繼續吖。」
「嗯。」
雖然秋兒姐姐好比心機學，不過我諗佢真係冇乜天份，所以再學多一個鐘都係冇乜進展，而我見秋兒姐姐都好似好攰，加上都成差唔多一點，烈日當空，於是就開口道：「我哋今日不如就到呢度喇，下次我再同妳黎長洲或者其他郊區既時候再教過妳吖。」
我哋係黎享受拍拖，唔係黎行刑架嘛。
「Sorry啊熙熙，你咁比心機咁教我，但我都係學唔識。」秋兒姐姐唔好意思地道。
「唔緊要，下次再學既時候應該就會有啲基礎，容易啲上手架喇。」我笑住咁安慰秋兒姐姐。
「嗯。」
之後我哋還返架單車，跟住就準備去食午餐。
本來我諗住好似當年同Kitty姐姐一齊果陣咁，響街邊掃街食長洲啲小食，但啱啱秋兒姐姐學單車學到咁攰，我最後都係決定同秋兒姐姐去啲餐館度舒舒服服咁坐響度涼住冷氣食嘢。
黎到長洲既餐館，就梗係食海鮮喇，就好似當年同Kitty姐姐食晚餐既時候一樣。
我哋求其揀咗一間餐館就入咗去去坐低。我記得當年同Kitty姐姐食海鮮既時候，真係叫到成枱都係（因為唔係我比錢），不過估唔到最後都比我哋（其實主要係我）清晒。咁我而家係同秋兒姐姐一齊黎就梗係唔會係咁喇，我哋討論咗一陣之後，淨係叫咗一碟白灼蝦同椒鹽九肚魚，仲有汽水同白飯，諗住應該都夠食。
呢間就唔係當年我同Kitty姐姐去果間餐館，但啲飯餸既味道都同樣係非常唔錯。而同當年Kitty姐姐餐飯一樣既，就係都係女朋友比錢埋單。
如果世界上有一個人我係比佢請食飯都唔會特別開心既，果個就係秋兒姐姐。
因為對住秋兒姐姐既時候，我好想比到一種我身為男朋友係有能力照顧到佢既感覺佢，而唔係每一樣嘢都仲係要由佢黎照顧。
佢已經照顧咗我十幾年喇，我哋仲拍埋拖添，個角色係時候要調返轉。
不過餐飯，都最後都係秋兒姐姐堅持由佢埋單，話始終佢已經出黎做嘢幾年，應該係由佢比既，況且我以前響林太入院比湯藥費單嘢上面都幫咗佢咁多，點都唔肯比我埋單。
我最後拗佢唔過，都係比佢埋咗單。不過我就暗下咗決心，我畢業之後一定要搵到份好工，一定要養得起秋兒姐姐，就算佢唔做嘢都得！
食完飯之後，我本來係打算去同秋兒姐姐去張保仔洞探個險（又係抄當年Kitty姐姐既行程），不過秋兒女姐姐學咗成朝單車，對腳都應該好攰，最後我決定改變行程，同秋兒姐姐去咗當年同Kitty姐姐去果個乜嘢觀音灣沙灘度散步。
（待續）
好sweet嘅拍拖行程
加油呀
肯寫咁多野俾人免費睇已經好好，繼續支持你
肯寫咁多野俾人免費睇已經好好，繼續支持你Push
推文先
大癲
成篇嘢都係Kitty
睇嚟熙哥好掛住佢
成篇嘢都係Kitty
睇嚟熙哥好掛住佢
Push
Kitty 係佢性啟蒙老師，因此有好多回憶！
個長洲之旅都翻睇過
正到不得了
正到不得了但我覺得周芷若嗰度寫得唔錯
第23篇都有人quote文
Push
條友唔係第一次
Push
連續有Kitty姐姐個名出現，大大力推呀
Kitty 