我和鄰居大姐姐的故事（23）
葉開葉開
562 回覆
290 Like
6 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁
Push
推
Push
綠茶巴
多謝支持
其實我都好空虛
希望阿必故都啱睇
其實我都好空虛
希望阿必故都啱睇
六百八十九
我同芯芯就係咁做咗真正意義上既朋友。
佢又從來唔會掩飾佢對我既感情，只係正如佢所言，佢知道咗我有女朋友之後，真係完全收歛晒。
既然都係朋友，有時我會打探下有冇男仔追佢，佢都唔介意分享呢啲嘢比我聽。
我有試過同佢講話如果追佢既男仔係OK既，佢可以試下受媾先，無謂等我吖，因為我係點都唔會鍾意佢。每次我咁講，芯芯只係笑而不答。
算喇，關我撚事咩。
*
Year 3既時間過得好快。
一方面係因為自從Jonthan出咗事之後，我同秋兒姐姐多咗好多偷雞見面既機會，有時響星期六既時候，秋兒姐姐仲會搵啲藉口出黎同我拍拖，甚至有機會又去長州或者其他地方做下「運動」，所以同佢一齊既歡樂既時光係過得特別快；另一方面係Year 3始終係final year，科科都好多paper同present去做，即使我做補習老師比起year 1既時候少咗起碼一半既學生，但依然係好忙，更加唔好提話校隊訓練同埋比賽（今年我係隊長要搞下Admin嘢），忙到我自己都唔知時日過。
最主要係因為我真係有女萬事足，所以可以話，三年既大學生活入面，今年係最開心既。
快樂不知時日過，眨眼間我哋就差唔多畢業。
今年校隊既成績就一般般喇，淫龍盃同上年一樣，我哋因為第一輪唔駛抽中對強隊，所以仲係可以拎到季軍。但大專盃方面，上年我哋可以出到線入四強拎埋殿軍，但今年我哋同理大、教院響埋同一組，加上同組另一隊黑馬港大既實力提升咗唔少，表現都進步咗好多，所以即使有我坐陣，今年我哋分組賽都輸晒比呢三隊，只係贏過珠海書院，講成績都真係幾令人失望。最後我哋出線名次賽，贏咗一場，但最後輸多次比教院，最後埋單只係拎到第六名，係我加入球隊以黎成績最差既一屆。
屌，今屆仲要係我做隊長添。
下年我已經畢咗業，望住呢班師弟我都唔知佢哋下年點算好。
「唔緊要既，始終呢隊球隊既宗旨唔係贏，盡力踢好場比賽，享受中間既過程，出場果陣對得住自己就可以架喇。」所有比賽完晒之後，我同陳sir仲有阿必三個一齊食飯，席間陳sir就安慰我。
即使我大傷完，表現同全盛時期爭好遠，但係慢慢地我既好勝心都回復返唔少，陳sir當然知道我對今季全隊表現既不滿，所以佢先安慰我。
阿必都加把口：「球星，校隊呢啲冇得咁高要求架，你諗返我哋中學果陣，啲隊友咪好似小朋友學踢波咁款？」明明而家佢先係球星，但佢同我講嘢既時候都仲係會叫返中學果陣佢成日叫我既呢個花名。
都好既，至少都代表咗我哋之間既友誼回復緊。
我聳聳肩，道：「都係啫。佢哋又唔係真係唔識踢，我覺得佢哋可以做好啲啫。」
「係有隊長風範喎。」阿必笑笑口咁講，仲係笑到成撚個白卡佬咁。
陳sir笑道：「係唔放心佢哋既，下年有時間咪返黎望下佢哋囉。」
其實陳sir教校隊都睇得好開，或者講佢教呢隊波真係以快樂足球為方針，大家踢得開心就得了。
「超，邊個唔放心佢哋。」我飲咗啖可樂。
「球星，如果想有挑戰性啲既，咪試下返黎流Ｏ，挑戰下甲組囉。」阿必道，我覺得佢講笑之中又好似帶啲認真。
「唔好玩我喇，我腳都爭啲冇埋﹐又冇操咁耐，仲邊到跟到你哋啲節奏啊。」我自己知自己事：「就算體能都跟唔到喇，你睇你而家啲肌肉，仲有你睇下自己幾fit，我得校隊啲練習同體能訓練，點同你哋比啊。」
阿必搖搖頭，道：「體能同肌肉呢啲嘢，可以練架啫，你天份咁高，唔踢職業波真係浪費晒啊。」
「幾耐世紀之前既事啊？」我笑咗出黎。
「唔係架，你真係想返去試既話，我可以同莫生或者垃生傾下架。」連陳sir都咁講。
「唔喇。」
我唔知佢哋係咪講真喇，不過連陳sir都咁講，又唔似係開玩笑。
實際上你問我想唔想試下，其實我真係有啲心郁郁，畢竟我停咗咁多年既正式足球操練，呢個係一個好難得既機會比我可以去踢職業。
但係我知道我應承過秋兒姐姐啲咩，佢唔想見到我再踢啲咁激烈既比賽，唔想再見到我有機會受重傷。
除此之外，我知道我一定要搵份好工，賺多啲錢黎塞住林太把口，先有機會可以光明正大咁同秋兒姐姐正式咁拍拖。而如果要說服埋林太將秋兒姐姐嫁比我，我唔止要一開始就已經要搵到份好工，仲要響呢份好工既基礎上面好好咁創一番事業出黎，睇佢冇藉口去睇唔起我，我做唔到既話，真係唔駛妄想林太會咁順攤將秋兒姐姐交比我（都完全唔駛預愚孝既秋兒姐姐會反抗林太了）。
而好明顯，做職業球員一定唔係最徍選擇。
「咁真係可惜喇。」聽到我既答案之後，陳sir笑笑口咁答道，似乎都係預料之中。
「不過...多謝你哋...」我細細聲講。
「下？我聽唔到啊。」阿必又展露佢既白卡式笑容。
「妖。」
「飲喇妖！」阿必舉杯笑道。
我飲可樂，陳sir飲啤酒，而阿必就只係飲水。
其實...我真係好想可以再有機會去踢職業足球，不過人生就係有好多遺憾架喇...
（待續）
我同芯芯就係咁做咗真正意義上既朋友。
佢又從來唔會掩飾佢對我既感情，只係正如佢所言，佢知道咗我有女朋友之後，真係完全收歛晒。
既然都係朋友，有時我會打探下有冇男仔追佢，佢都唔介意分享呢啲嘢比我聽。
我有試過同佢講話如果追佢既男仔係OK既，佢可以試下受媾先，無謂等我吖，因為我係點都唔會鍾意佢。每次我咁講，芯芯只係笑而不答。
算喇，關我撚事咩。
*
Year 3既時間過得好快。
一方面係因為自從Jonthan出咗事之後，我同秋兒姐姐多咗好多偷雞見面既機會，有時響星期六既時候，秋兒姐姐仲會搵啲藉口出黎同我拍拖，甚至有機會又去長州或者其他地方做下「運動」，所以同佢一齊既歡樂既時光係過得特別快；另一方面係Year 3始終係final year，科科都好多paper同present去做，即使我做補習老師比起year 1既時候少咗起碼一半既學生，但依然係好忙，更加唔好提話校隊訓練同埋比賽（今年我係隊長要搞下Admin嘢），忙到我自己都唔知時日過。
最主要係因為我真係有女萬事足，所以可以話，三年既大學生活入面，今年係最開心既。
快樂不知時日過，眨眼間我哋就差唔多畢業。
今年校隊既成績就一般般喇，淫龍盃同上年一樣，我哋因為第一輪唔駛抽中對強隊，所以仲係可以拎到季軍。但大專盃方面，上年我哋可以出到線入四強拎埋殿軍，但今年我哋同理大、教院響埋同一組，加上同組另一隊黑馬港大既實力提升咗唔少，表現都進步咗好多，所以即使有我坐陣，今年我哋分組賽都輸晒比呢三隊，只係贏過珠海書院，講成績都真係幾令人失望。最後我哋出線名次賽，贏咗一場，但最後輸多次比教院，最後埋單只係拎到第六名，係我加入球隊以黎成績最差既一屆。
屌，今屆仲要係我做隊長添。
下年我已經畢咗業，望住呢班師弟我都唔知佢哋下年點算好。
「唔緊要既，始終呢隊球隊既宗旨唔係贏，盡力踢好場比賽，享受中間既過程，出場果陣對得住自己就可以架喇。」所有比賽完晒之後，我同陳sir仲有阿必三個一齊食飯，席間陳sir就安慰我。
即使我大傷完，表現同全盛時期爭好遠，但係慢慢地我既好勝心都回復返唔少，陳sir當然知道我對今季全隊表現既不滿，所以佢先安慰我。
阿必都加把口：「球星，校隊呢啲冇得咁高要求架，你諗返我哋中學果陣，啲隊友咪好似小朋友學踢波咁款？」明明而家佢先係球星，但佢同我講嘢既時候都仲係會叫返中學果陣佢成日叫我既呢個花名。
都好既，至少都代表咗我哋之間既友誼回復緊。
我聳聳肩，道：「都係啫。佢哋又唔係真係唔識踢，我覺得佢哋可以做好啲啫。」
「係有隊長風範喎。」阿必笑笑口咁講，仲係笑到成撚個白卡佬咁。
陳sir笑道：「係唔放心佢哋既，下年有時間咪返黎望下佢哋囉。」
其實陳sir教校隊都睇得好開，或者講佢教呢隊波真係以快樂足球為方針，大家踢得開心就得了。
「超，邊個唔放心佢哋。」我飲咗啖可樂。
「球星，如果想有挑戰性啲既，咪試下返黎流Ｏ，挑戰下甲組囉。」阿必道，我覺得佢講笑之中又好似帶啲認真。
「唔好玩我喇，我腳都爭啲冇埋﹐又冇操咁耐，仲邊到跟到你哋啲節奏啊。」我自己知自己事：「就算體能都跟唔到喇，你睇你而家啲肌肉，仲有你睇下自己幾fit，我得校隊啲練習同體能訓練，點同你哋比啊。」
阿必搖搖頭，道：「體能同肌肉呢啲嘢，可以練架啫，你天份咁高，唔踢職業波真係浪費晒啊。」
「幾耐世紀之前既事啊？」我笑咗出黎。
「唔係架，你真係想返去試既話，我可以同莫生或者垃生傾下架。」連陳sir都咁講。
「唔喇。」
我唔知佢哋係咪講真喇，不過連陳sir都咁講，又唔似係開玩笑。
實際上你問我想唔想試下，其實我真係有啲心郁郁，畢竟我停咗咁多年既正式足球操練，呢個係一個好難得既機會比我可以去踢職業。
但係我知道我應承過秋兒姐姐啲咩，佢唔想見到我再踢啲咁激烈既比賽，唔想再見到我有機會受重傷。
除此之外，我知道我一定要搵份好工，賺多啲錢黎塞住林太把口，先有機會可以光明正大咁同秋兒姐姐正式咁拍拖。而如果要說服埋林太將秋兒姐姐嫁比我，我唔止要一開始就已經要搵到份好工，仲要響呢份好工既基礎上面好好咁創一番事業出黎，睇佢冇藉口去睇唔起我，我做唔到既話，真係唔駛妄想林太會咁順攤將秋兒姐姐交比我（都完全唔駛預愚孝既秋兒姐姐會反抗林太了）。
而好明顯，做職業球員一定唔係最徍選擇。
「咁真係可惜喇。」聽到我既答案之後，陳sir笑笑口咁答道，似乎都係預料之中。
「不過...多謝你哋...」我細細聲講。
「下？我聽唔到啊。」阿必又展露佢既白卡式笑容。
「妖。」
「飲喇妖！」阿必舉杯笑道。
我飲可樂，陳sir飲啤酒，而阿必就只係飲水。
其實...我真係好想可以再有機會去踢職業足球，不過人生就係有好多遺憾架喇...
（待續）
Push
已經live咗
希望有琪琪故事
希望有琪琪故事有足球睇，今集平衡好睇返啲
估唔到咁快就畢業
推推
睇住熙哥慢慢變真男人 好撚感動
Push
其實都仲係燥狂底，但識得諗多咗，同埋學識咗多啲待人接物相處之道
推山區巴
光陰似箭
希望鍾意阿必呢個痴線佬！
綠茶巴
六百九十
Year 3既下學期，除咗學業忙、補習忙，仲要兼顧校隊同hall隊既練習同比賽之外，我都開始忙住展開求職活動。
「喂，借部電腦黎用下吖。」我響宿舍間房入面問阿威借電腦，因為補完習返到hall夜已深，圖書館已經關咗門。
「用喇。」阿威響床上面玩緊佢部有錢人象徵既IPhone。
「唔該。」
「唔好用黎上鹹網啊。」阿威笑笑口咁講。
「食屎喇你。」我對住佢舉中指。
屌，我有一刻真係以為佢知道咗上個學期果次我搞到佢部電腦中毒果件事，不過冇理由吖，件事得我同芯芯知架咋嘛。
唔通...芯芯爆響口？
「係喎，你要部電腦黎搞咩？」阿威問：「趕paper定趕present？」
「搵工啊。」我開咗學校既內聯網搵工果一版，搵下有冇啲咩啱心水既工。
聽啲學校搞既搵工講座講，有啲畢咗業既師兄返黎分享過，內聯網入面係可以會搵到啲幾好既工，尤其是果啲大公司既Management Trainee，佢哋好鍾意透過唔同大學啲內聯網請人，而如果有機受聘，個career path通常都好好。
我讀既社會科學系唔係啲咩專業學科，出到黎唔似啲讀law讀醫既畢業生咁，一出黎就可以搵到啲好似律師、醫生咁高人工既職業。咁為咗要得到林太既肯定，似乎搵呢啲咁既Management Trainee都係一個幾好既選擇。
不過講就好正，但其實好難請，因為既然份工咁有吸引力，即係有好多人想做，所以實際上你唔止要同自己間大學既畢業同學爭，亦都要同其他大學甚至響外國讀完書返香港既留學生爭。
而且雖然話有唔少公司請Management Trainee，但佢哋啲起薪點份份唔同，我見過得8000蚊都夠膽死，呢啲得咁少人工既所謂MT我就真係唔會申請，如果唔係就算呢啲公司真係請咗我做MT，但我份人工比林太睇唔起就冇意義喇。所以就算係有唔少公司請MT，但我都要慢慢揀下邊份啱。
「嘩，你咁快就開始搵工嗱？」阿威條友懶懶閒響度一路玩電話一路問我。
「差唔多喇，如果要搵啲Management Trainee，而家就要開始apply架喇，佢哋啲deadline好撚早，而且佢哋好撚多interview，又group in，又individual in，有啲仲要你去幾日實習睇下你咩料，好撚柒閪煩。」我啱啱搵到一份睇落幾啱既，準備開始apply。
「真係好煩喎，咪撚搞我。」阿威依然係好滋油。
「扮咩吖，睇你個樣都未開始搵工架喇。」阿威都真係幾典型既hea友，你話佢開始搵工我都真係唔信。
「妖，駛乜急吖，考埋個final先，等啲成績出晒黎先慢慢搵都唔遲吖。」條友仲係專注玩電話。
補充小小，我唔撚知而家有冇變，但當年好多MT既職位申請都係響final考試之前deadline，即係未出晒最後既成績既佢應該截咗止，呢個時候通常係問學校拎頭五個學期既transcript比啲公司HR頂撚住檔先。
「你咁老定啊？有錢仔真係唔同啲。」我暗寸阿威。
「屌，有乜撚嘢錢吖。」
「其實你有冇諗過畢業之後要做乜撚嘢？」我一路填緊啲資料一路同阿威閒聊。
「消防隊長！」估唔到阿威諗都唔諗就答。
「嘩屌，我以為你個樣似烈火Ｏ心入面果個紀德Ｏ啫，乜連職業你都想做消防啊？」雖然你真係又高又大隻，但你估玩真人版烈火Ｏ心咩...
「做消防唔好咩，又有型又可以去救人，仲要返一放二，成日有假放...」阿威答我。
我睇你條hea友係睇準返一放二呢一點先想做消防啫...
「消防隊長係督察級架喎，你而家仲唔報？」我問阿威。
我知有唔少人響未畢業之前、Year最後一個學期既時候已經報定名考啲紀律部隊督察，就好似我申請MT咁。
不過政府工睇落好垃圾，咪撚搞鳩我。
「駛乜咁早吖，考完試quit埋hall再慢慢報都唔遲吖！」阿威懶懶閒咁答我。
「督察級呢啲應該好撚難考架喎，你條撚樣得唔得架？」我問。
「梗係冇撚問題喇！」阿威自信滿滿地道。
你條仆街咁撚hea，又唔搵工搵intern去充實自己CV、成績又響third hon呢個範圍入徘徊走唔出去，連課外活動除咗足球隊之外就乜鳩都冇參加，點解你咁撚有自信？
唉，唔撚鳩理你，我繼續Apply我既MT...
（待續）
Year 3既下學期，除咗學業忙、補習忙，仲要兼顧校隊同hall隊既練習同比賽之外，我都開始忙住展開求職活動。
「喂，借部電腦黎用下吖。」我響宿舍間房入面問阿威借電腦，因為補完習返到hall夜已深，圖書館已經關咗門。
「用喇。」阿威響床上面玩緊佢部有錢人象徵既IPhone。
「唔該。」
「唔好用黎上鹹網啊。」阿威笑笑口咁講。
「食屎喇你。」我對住佢舉中指。
屌，我有一刻真係以為佢知道咗上個學期果次我搞到佢部電腦中毒果件事，不過冇理由吖，件事得我同芯芯知架咋嘛。
唔通...芯芯爆響口？
「係喎，你要部電腦黎搞咩？」阿威問：「趕paper定趕present？」
「搵工啊。」我開咗學校既內聯網搵工果一版，搵下有冇啲咩啱心水既工。
聽啲學校搞既搵工講座講，有啲畢咗業既師兄返黎分享過，內聯網入面係可以會搵到啲幾好既工，尤其是果啲大公司既Management Trainee，佢哋好鍾意透過唔同大學啲內聯網請人，而如果有機受聘，個career path通常都好好。
我讀既社會科學系唔係啲咩專業學科，出到黎唔似啲讀law讀醫既畢業生咁，一出黎就可以搵到啲好似律師、醫生咁高人工既職業。咁為咗要得到林太既肯定，似乎搵呢啲咁既Management Trainee都係一個幾好既選擇。
不過講就好正，但其實好難請，因為既然份工咁有吸引力，即係有好多人想做，所以實際上你唔止要同自己間大學既畢業同學爭，亦都要同其他大學甚至響外國讀完書返香港既留學生爭。
而且雖然話有唔少公司請Management Trainee，但佢哋啲起薪點份份唔同，我見過得8000蚊都夠膽死，呢啲得咁少人工既所謂MT我就真係唔會申請，如果唔係就算呢啲公司真係請咗我做MT，但我份人工比林太睇唔起就冇意義喇。所以就算係有唔少公司請MT，但我都要慢慢揀下邊份啱。
「嘩，你咁快就開始搵工嗱？」阿威條友懶懶閒響度一路玩電話一路問我。
「差唔多喇，如果要搵啲Management Trainee，而家就要開始apply架喇，佢哋啲deadline好撚早，而且佢哋好撚多interview，又group in，又individual in，有啲仲要你去幾日實習睇下你咩料，好撚柒閪煩。」我啱啱搵到一份睇落幾啱既，準備開始apply。
「真係好煩喎，咪撚搞我。」阿威依然係好滋油。
「扮咩吖，睇你個樣都未開始搵工架喇。」阿威都真係幾典型既hea友，你話佢開始搵工我都真係唔信。
「妖，駛乜急吖，考埋個final先，等啲成績出晒黎先慢慢搵都唔遲吖。」條友仲係專注玩電話。
補充小小，我唔撚知而家有冇變，但當年好多MT既職位申請都係響final考試之前deadline，即係未出晒最後既成績既佢應該截咗止，呢個時候通常係問學校拎頭五個學期既transcript比啲公司HR頂撚住檔先。
「你咁老定啊？有錢仔真係唔同啲。」我暗寸阿威。
「屌，有乜撚嘢錢吖。」
「其實你有冇諗過畢業之後要做乜撚嘢？」我一路填緊啲資料一路同阿威閒聊。
「消防隊長！」估唔到阿威諗都唔諗就答。
「嘩屌，我以為你個樣似烈火Ｏ心入面果個紀德Ｏ啫，乜連職業你都想做消防啊？」雖然你真係又高又大隻，但你估玩真人版烈火Ｏ心咩...
「做消防唔好咩，又有型又可以去救人，仲要返一放二，成日有假放...」阿威答我。
我睇你條hea友係睇準返一放二呢一點先想做消防啫...
「消防隊長係督察級架喎，你而家仲唔報？」我問阿威。
我知有唔少人響未畢業之前、Year最後一個學期既時候已經報定名考啲紀律部隊督察，就好似我申請MT咁。
不過政府工睇落好垃圾，咪撚搞鳩我。
「駛乜咁早吖，考完試quit埋hall再慢慢報都唔遲吖！」阿威懶懶閒咁答我。
「督察級呢啲應該好撚難考架喎，你條撚樣得唔得架？」我問。
「梗係冇撚問題喇！」阿威自信滿滿地道。
你條仆街咁撚hea，又唔搵工搵intern去充實自己CV、成績又響third hon呢個範圍入徘徊走唔出去，連課外活動除咗足球隊之外就乜鳩都冇參加，點解你咁撚有自信？
唉，唔撚鳩理你，我繼續Apply我既MT...
（待續）
Push