我和鄰居大姐姐的故事（23）
葉開葉開
566 回覆
290 Like
6 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁
最後一句擺到明係同護琪手包返個靚底
收皮喇熙熙，你明明係誤會咗秋兒先將情感投射落淇淇度，淇淇係你嘅水泡嚟咋
講感情就傷感情呀
利申：前首席護淇手
利申：前首席護淇手
咁我諗好感緊有嘅，但好感不等於愛
啲女人講咩「真係鍾意」，我覺得真係好虛
文仔會唔會係文叔個仔
咁佢都真係對淇淇有少少感覺既
變咗前了
淇淇都完全無蒲過頭，唔變前都唔得啦
係有啲感覺、有啲好感，而家仲覺得虧欠咗佢
芯芯呢啲其實一半半喇，鍾意係有既，但其實去到幾鍾意就好難講
佢本身都唔係處又唔係靚，用色誘呢種方法去引誘男仔，比起當年鄭穎琳出賣自己既處子之身氹熙熙落搭爭得遠囉
佢本身都唔係處又唔係靚，用色誘呢種方法去引誘男仔，比起當年鄭穎琳出賣自己既處子之身氹熙熙落搭爭得遠囉
六百九十三
「其實講真...點解妳會鍾意我？」我問：「妳唔好同我講係啲咩一見鍾情啊？」
芯芯苦笑咗一下：「一見鍾情唔得架咩？」
我聳聳肩，道：「我未試過，真係諗唔到點樣可以對一個唔太認識既人一見鍾情。」
可以對住一個唔識既靚女扯旗同扑嘢我就明，但要同一個唔識既人拍拖真係好難想像。
就好似你鍾意緊既，只係一個你想像中既人咁。
你只係認識佢既樣，但對佢既內在性格完全一無所知。
「咁係因為你未試過啫...」芯芯道。
我相信呢樣嘢係唔會發生響我身上既。
「不過呢...我就相信呢樣嘢架。」芯芯又道：「感情係可以慢慢累積，但都可以有一見鍾情、剎那間觸電既心跳感覺...」
「妳既幻想太犀利喇。」我輕輕笑道。
都就大學畢業喇，唔好咁多少女幻想喇。
「唔係幻想架，」芯芯抗議道：「我其實都拍過唔少拖，真係兩種情況都試過。」頓了一頓，又道：「我對你係一見鍾情既感覺，而對而家追緊我果個男仔，就係佢做咗好多嘢，慢慢比佢感動到果隻感覺。」
「係喎，咁妳而家即係諗住接受果個男仔？」我好奇咁問，又帶返個話題返呢度。
「嗯...本來我都仲係考慮緊...我搵你出黎散步就係為咗呢件事...」芯芯道。
「我？我冇乜嘢可以幫到妳啊，最多同妳講忠於自己既感覺。」我隨意答道。
「你真係要我忠於自己既感覺？」芯芯調皮地望咗我一眼。
「呃...我係指妳對果個男仔既感覺。」我急忙澄清：「唔係對我既感覺啊。」
「唔係喎，你啱啱話感覺咋喎。」芯芯對我眨眨眼。
「唔係，我話唔係就唔係喇！」
「玩吓咋，哈哈，你睇下你既反應幾大！」芯芯掩咀笑道。
嘩屌，玩還玩，唔好撚搵呢啲嘢黎玩。
唔計妳今年同我正正經經做咗朋友，妳都真係響我身上糾纏咗好耐，其實如果妳真係諗住響男女關係上面同我糾纏，會真係好撚煩吓。
由year 1到year 3喎。
都好彩芯芯今年都識做，如果唔係我都真係會好撚煩。
「咪撚搵呢啲嘢玩喇。」
「呵呵。」頓了一頓，芯芯又道：「其實...都唔駛你比咩建議喇，同你出黎散步，就係為咗搞清楚我自己心入面既一啲感覺。」
「哦？」
「就係咁囉。」芯芯笑道。
「咁妳而家搞清楚未啊？」我好奇地問。
「嘻，唔話你知。」芯芯伸一伸脷。
我聳聳肩，道：「是旦喇。」
其實我冇興趣知，只要妳一直對我保持現狀做朋友，我唔介意妳個心入面實際上係點諗。
總之咪撚搞到我就得喇。
芯芯冇再就住呢個話題再講落去，亦都冇再就佢諗住同追緊佢果個男仔點、接唔接受佢，只係正正經經咁散下步，閒聊下一啲大學生活既回憶，感慨下大學時光飛快就過咗。
當然喇，芯芯口中個男仔係邊個，而佢同個男仔係最後係點，我後尾梗係知道喇，不過我唔諗住響度講喇，因為葉開葉開爆料，話呢個會係另一個故入面既內容，佢唔撚比我響度劇透。
好撚小器，講小小駛死咩，屌。
葉開葉開食撚屎。
*
呢晚之後，其實我同芯芯既關係冇乜點變，都算係除咗阿威之外，我響宿舍入面最傾得埋既朋友（司徒畢咗業喇）。
不過咁講，表面上我睇落去佢對我冇乜點變啫，但唔代表佢心入面對我既睇法冇變化。
或者好似佢自己咁講喇，可能佢同我散完步之後，心入面對我係下咗某啲決定，但佢當然唔會同我講喇。
有時我響度諗，如果year 2 quit hall前果一晚我真係砌咗佢會點？
其實佢果晚真係好吸引、好誘人架...我以後可能都唔會有機會再見到芯芯既裸體。
不過我又唔會後悔既。
而我同芯芯既愛情故事（如果真係稱得上為愛情既話），就係咁完結咗。
老實講，我到而家諗返起我同芯芯既呢段所謂既感情往事，仲依然係好莫名其妙。
（待續）
「其實講真...點解妳會鍾意我？」我問：「妳唔好同我講係啲咩一見鍾情啊？」
芯芯苦笑咗一下：「一見鍾情唔得架咩？」
我聳聳肩，道：「我未試過，真係諗唔到點樣可以對一個唔太認識既人一見鍾情。」
可以對住一個唔識既靚女扯旗同扑嘢我就明，但要同一個唔識既人拍拖真係好難想像。
就好似你鍾意緊既，只係一個你想像中既人咁。
你只係認識佢既樣，但對佢既內在性格完全一無所知。
「咁係因為你未試過啫...」芯芯道。
我相信呢樣嘢係唔會發生響我身上既。
「不過呢...我就相信呢樣嘢架。」芯芯又道：「感情係可以慢慢累積，但都可以有一見鍾情、剎那間觸電既心跳感覺...」
「妳既幻想太犀利喇。」我輕輕笑道。
都就大學畢業喇，唔好咁多少女幻想喇。
「唔係幻想架，」芯芯抗議道：「我其實都拍過唔少拖，真係兩種情況都試過。」頓了一頓，又道：「我對你係一見鍾情既感覺，而對而家追緊我果個男仔，就係佢做咗好多嘢，慢慢比佢感動到果隻感覺。」
「係喎，咁妳而家即係諗住接受果個男仔？」我好奇咁問，又帶返個話題返呢度。
「嗯...本來我都仲係考慮緊...我搵你出黎散步就係為咗呢件事...」芯芯道。
「我？我冇乜嘢可以幫到妳啊，最多同妳講忠於自己既感覺。」我隨意答道。
「你真係要我忠於自己既感覺？」芯芯調皮地望咗我一眼。
「呃...我係指妳對果個男仔既感覺。」我急忙澄清：「唔係對我既感覺啊。」
「唔係喎，你啱啱話感覺咋喎。」芯芯對我眨眨眼。
「唔係，我話唔係就唔係喇！」
「玩吓咋，哈哈，你睇下你既反應幾大！」芯芯掩咀笑道。
嘩屌，玩還玩，唔好撚搵呢啲嘢黎玩。
唔計妳今年同我正正經經做咗朋友，妳都真係響我身上糾纏咗好耐，其實如果妳真係諗住響男女關係上面同我糾纏，會真係好撚煩吓。
由year 1到year 3喎。
都好彩芯芯今年都識做，如果唔係我都真係會好撚煩。
「咪撚搵呢啲嘢玩喇。」
「呵呵。」頓了一頓，芯芯又道：「其實...都唔駛你比咩建議喇，同你出黎散步，就係為咗搞清楚我自己心入面既一啲感覺。」
「哦？」
「就係咁囉。」芯芯笑道。
「咁妳而家搞清楚未啊？」我好奇地問。
「嘻，唔話你知。」芯芯伸一伸脷。
我聳聳肩，道：「是旦喇。」
其實我冇興趣知，只要妳一直對我保持現狀做朋友，我唔介意妳個心入面實際上係點諗。
總之咪撚搞到我就得喇。
芯芯冇再就住呢個話題再講落去，亦都冇再就佢諗住同追緊佢果個男仔點、接唔接受佢，只係正正經經咁散下步，閒聊下一啲大學生活既回憶，感慨下大學時光飛快就過咗。
當然喇，芯芯口中個男仔係邊個，而佢同個男仔係最後係點，我後尾梗係知道喇，不過我唔諗住響度講喇，因為葉開葉開爆料，話呢個會係另一個故入面既內容，佢唔撚比我響度劇透。
好撚小器，講小小駛死咩，屌。
葉開葉開食撚屎。
*
呢晚之後，其實我同芯芯既關係冇乜點變，都算係除咗阿威之外，我響宿舍入面最傾得埋既朋友（司徒畢咗業喇）。
不過咁講，表面上我睇落去佢對我冇乜點變啫，但唔代表佢心入面對我既睇法冇變化。
或者好似佢自己咁講喇，可能佢同我散完步之後，心入面對我係下咗某啲決定，但佢當然唔會同我講喇。
有時我響度諗，如果year 2 quit hall前果一晚我真係砌咗佢會點？
其實佢果晚真係好吸引、好誘人架...我以後可能都唔會有機會再見到芯芯既裸體。
不過我又唔會後悔既。
而我同芯芯既愛情故事（如果真係稱得上為愛情既話），就係咁完結咗。
老實講，我到而家諗返起我同芯芯既呢段所謂既感情往事，仲依然係好莫名其妙。
（待續）
終於完呢條女
有啲悶
呢條女無咩魅力
推
佢算係熙熙咁多條女入面比較平凡果個
六百九十四
由於我響學校內聯網都申請咗唔少工，所以我響大學最後一個sem其實都花咗唔少時間去見工。
全靠上年暑假搵到果份intern，份CV至少唔撚係空白或者得麥〇勞同B's Cafe，我apply果啲工至少都有得in。
我知道有啲人apply完之後真係in都冇撚得in。
但係話就話係有得in，但要響咁多個見工既求職者之中突圍而出其實都唔係啲乜嘢易事，我有好幾個Interview，但係in完之後都係冇回音。
冇計，我申請得果啲其實都係一啲起薪點高、有career path，屬於大公司甚至係跨國公司既Management Trainee，競爭自然係好激烈。
「唉，仲係冇回音。」我呢個星期六又出咗去同秋兒姐姐響尖沙咀某商場入面某Cafe食個tea。
佢又搵咗個藉口溜咗出黎。
「唔緊要喇，我明白果種感受架，我果陣搵教席都係咁，係有種好無助、有壓力既感覺。」秋兒姐姐柔聲道：「但你唔駛比咁大壓力自己啊，而家你連final都未考，仲有大把時間喇。」
「我明既，不過我好想快啲搵到份有前途、人工又有返咁上下既工，證明比妳媽咪睇，我係有能力帶到幸福比妳既。」我答。
「傻熙熙，唔駛比咁大壓力自己啊。」秋兒姐姐向我甜甜一笑：「就算你搵份普普通通既工，我都會響你身邊。」
呢點我知，但妳老母唔係咁諗吖嘛。
「我知架喇，但為咗妳，為咗等妳媽咪會認同我哋呢一段關係，我會盡力搵一份好工架喇。」我答道。
「嗯。」雖然秋兒姐姐把口話冇所謂，但佢聽到我答佢答得咁正面，佢都笑得好甜好開心。
其實，我從來都冇諗過自己會咁認真去規劃自己既將來。
小學既時候我就冇諗過自己要做啲乜嘢，而上咗中學之後自己入選咗香港青年軍、仲要係備受矚目既超新星，我就自自然咁諗住我會做職業球員架喇，但人生總係變幻無常，中四既時候一次既重傷，再加埋秋兒姐姐對我既擔心，我就決定唔響呢條道路上面行落去。
而即使後尾我決定好好地讀書都好，我都係諗住入港大，都冇諗過讀完大學之後要做乜。
點知反而係林太對我既輕蔑，激起咗我果種唔服輸既決心同上進心，結果呢三年以黎書都叫做讀得唔錯，而且都積極咁去搵工充實自己既CV，等自己可以搵一份人工高、有前途既好工。
雖然仲未搵到，但至少我有個目標響度，而我都有努力去達到呢個目標。
就呢樣嘢黎講，我係咪反而要多謝林太？
就響我哋傾既計，歎緊tea既時候，突然有把聲響起：「咦？秋兒？」
我向住聲音既來源望過去，見到一個著住西裝、帶住一副金絲眼鏡，梳咗一個好整齊企理髮型，兼且文質彬彬既西裝友向響Cafe門口向我哋呢個方向友善地打招呼。
秋兒姐姐見到佢，表情稍微變得有啲尷尬起黎。
呢個西裝友...到底係邊個？
「秋兒，真係妳，估唔到響度都會見到妳。」西裝友行到埋我哋張枱隔離，企咗響度。
「啊，Eddie你好。」秋兒姐姐有小小唔自然咁向Eddie打招呼。
Eddie...
呢個名咁熟既...
「咦，呢位係...？」Eddie呢個時候留意到我，一邊有禮貌地向我伸出手。
Eddie...
佢係...佢係...
呢個時候Eddie隻手已經伸到我面前，唔再係小學雞既我，為咗顧存秋兒姐姐既面子，所以唯有都伸出手黎同呢個Eddie握手...
Eddie...
「啊...呢位係...」秋兒姐姐諗咗一諗，再深吸咗一啖氣，道：「佢係我既男朋友，你可以叫佢做阿熙。」
Eddie...
啊，Eddie！
佢就係秋兒姐姐之前口中所提過果個律師仔！
我竟然要幾秒鐘先諗返起呢個人名！
一諗到呢度，我隻手自然反應咁加大咗力度！
「唔...」Eddie忍唔住輕輕哼咗一聲。
啊屌，太大力添。
我即刻放輕咗手上既力度。
Eddie望咗我一眼，但佢冇講啲咩，扮到好似冇嘢咁，向我自我介紹一番：「阿熙，你好，初次見面，我係秋兒既朋友。」
我唔想秋兒姐姐難做，所以堆起一個假笑，道：「你好，我係阿熙。」
今次我哋真係社交式上既握手。
亦都代表我正式咁同呢個所謂既情敵交鋒。
（待續）
由於我響學校內聯網都申請咗唔少工，所以我響大學最後一個sem其實都花咗唔少時間去見工。
全靠上年暑假搵到果份intern，份CV至少唔撚係空白或者得麥〇勞同B's Cafe，我apply果啲工至少都有得in。
我知道有啲人apply完之後真係in都冇撚得in。
但係話就話係有得in，但要響咁多個見工既求職者之中突圍而出其實都唔係啲乜嘢易事，我有好幾個Interview，但係in完之後都係冇回音。
冇計，我申請得果啲其實都係一啲起薪點高、有career path，屬於大公司甚至係跨國公司既Management Trainee，競爭自然係好激烈。
「唉，仲係冇回音。」我呢個星期六又出咗去同秋兒姐姐響尖沙咀某商場入面某Cafe食個tea。
佢又搵咗個藉口溜咗出黎。
「唔緊要喇，我明白果種感受架，我果陣搵教席都係咁，係有種好無助、有壓力既感覺。」秋兒姐姐柔聲道：「但你唔駛比咁大壓力自己啊，而家你連final都未考，仲有大把時間喇。」
「我明既，不過我好想快啲搵到份有前途、人工又有返咁上下既工，證明比妳媽咪睇，我係有能力帶到幸福比妳既。」我答。
「傻熙熙，唔駛比咁大壓力自己啊。」秋兒姐姐向我甜甜一笑：「就算你搵份普普通通既工，我都會響你身邊。」
呢點我知，但妳老母唔係咁諗吖嘛。
「我知架喇，但為咗妳，為咗等妳媽咪會認同我哋呢一段關係，我會盡力搵一份好工架喇。」我答道。
「嗯。」雖然秋兒姐姐把口話冇所謂，但佢聽到我答佢答得咁正面，佢都笑得好甜好開心。
其實，我從來都冇諗過自己會咁認真去規劃自己既將來。
小學既時候我就冇諗過自己要做啲乜嘢，而上咗中學之後自己入選咗香港青年軍、仲要係備受矚目既超新星，我就自自然咁諗住我會做職業球員架喇，但人生總係變幻無常，中四既時候一次既重傷，再加埋秋兒姐姐對我既擔心，我就決定唔響呢條道路上面行落去。
而即使後尾我決定好好地讀書都好，我都係諗住入港大，都冇諗過讀完大學之後要做乜。
點知反而係林太對我既輕蔑，激起咗我果種唔服輸既決心同上進心，結果呢三年以黎書都叫做讀得唔錯，而且都積極咁去搵工充實自己既CV，等自己可以搵一份人工高、有前途既好工。
雖然仲未搵到，但至少我有個目標響度，而我都有努力去達到呢個目標。
就呢樣嘢黎講，我係咪反而要多謝林太？
就響我哋傾既計，歎緊tea既時候，突然有把聲響起：「咦？秋兒？」
我向住聲音既來源望過去，見到一個著住西裝、帶住一副金絲眼鏡，梳咗一個好整齊企理髮型，兼且文質彬彬既西裝友向響Cafe門口向我哋呢個方向友善地打招呼。
秋兒姐姐見到佢，表情稍微變得有啲尷尬起黎。
呢個西裝友...到底係邊個？
「秋兒，真係妳，估唔到響度都會見到妳。」西裝友行到埋我哋張枱隔離，企咗響度。
「啊，Eddie你好。」秋兒姐姐有小小唔自然咁向Eddie打招呼。
Eddie...
呢個名咁熟既...
「咦，呢位係...？」Eddie呢個時候留意到我，一邊有禮貌地向我伸出手。
Eddie...
佢係...佢係...
呢個時候Eddie隻手已經伸到我面前，唔再係小學雞既我，為咗顧存秋兒姐姐既面子，所以唯有都伸出手黎同呢個Eddie握手...
Eddie...
「啊...呢位係...」秋兒姐姐諗咗一諗，再深吸咗一啖氣，道：「佢係我既男朋友，你可以叫佢做阿熙。」
Eddie...
啊，Eddie！
佢就係秋兒姐姐之前口中所提過果個律師仔！
我竟然要幾秒鐘先諗返起呢個人名！
一諗到呢度，我隻手自然反應咁加大咗力度！
「唔...」Eddie忍唔住輕輕哼咗一聲。
啊屌，太大力添。
我即刻放輕咗手上既力度。
Eddie望咗我一眼，但佢冇講啲咩，扮到好似冇嘢咁，向我自我介紹一番：「阿熙，你好，初次見面，我係秋兒既朋友。」
我唔想秋兒姐姐難做，所以堆起一個假笑，道：「你好，我係阿熙。」
今次我哋真係社交式上既握手。
亦都代表我正式咁同呢個所謂既情敵交鋒。
（待續）