我和鄰居大姐姐的故事（23）

老實講，個故拖得太耐，一路都冇乜進展，到第23個post，𤋮𤋮都仲未出嚟做嘢。雖然講故唔好博故，事實上有邊個男人，可以承受到成日唔見個女朋友唔拍拖，仲要荒謬到去垃圾房偷見，現實係咁，大家一早分咗手啦。真心好失望

想引人睇下個故 點都要知佢發生咗咩先會想睇啦下話

有得我地睇係恩典黎
免費仔無人權

真係好失望，追左呢隻故幾年，忍唔住第一次留言，見到隻故嘅推進愈黎愈慢，愈黎愈無變化，今集仲俾葉開兄撚狗咁撚，由以往睇到好期待，到而家睇到好撚嬲

我諗葉開葉開唔補充返 jonathan 事件好難平民憤

有新故，但唔知要收埋櫃桶幾多年後先開始寫
之前有其他角色都話要獨立開個故

jonathan單野有無讀者睇完篇文咁爆

Push

樓主今次撐唔落

葉開巴响TG group上咗水，話Jonathan單嘢係佢嚟緊另一個故嘅結局嚟，所以唔可以响大姐姐故度透露內情……

相信冇返一兩年時間，大家都唔會知道Jonathan發生咩事

老實講，由O Camp故、妖精故到大姐姐故，追咗咁多年好有感情，但真係已經追到有少少頂唔順，我諗我會自己俾個結局Jonathan算…

點止一兩年啊，呢個故3年後都未完到

由阿威故開始賣熙熙結婚的關子，有冇5年以上？ 賣關子去吸引讀者追故本來係好事，但一個關子賣足5年以上實在太過分，如果本書寫得吸引嘅話，就算知道結局讀者都會去追劇情，但現在劇情實在太不堪，啲讀者係好辛苦頂埋想睇個結局，根本就係本末倒置。

今次係因為讀者對熙熙有感情才追埋去，但作者如果想用同一條橋去寫Jonathan個故，我相信大部分讀者唔會再等三五年去追個結局

Kitty姐姐都話會有獨立故，期待

想當初ocamp故有啲番外講熙熙嘅過去 加上熙熙喺ocamp故唔係一個乞人憎嘅角色 先引起興趣睇大姐姐故 一睇就咁多年 耐到我都唔記得追咗幾多年
Jonathan喺呢個故嘅定位係賤精 又唔係受讀者歡迎 直白啲講 唔理解葉開巴點解要花時間為佢寫一個故
本來大姐姐故題材幾好睇 不過劇情一拖再拖 太多無謂嘅枝節 可能呢啲枝節係葉開巴講嘅「詳細」啦 但係詳細同累贅係兩樣嘢嚟

上面兩位巴打講嘅我都好認同，睇ocamp故，最初主要睇阿威阿冰，但因為之後阿熙呢個角色夠正氣又帶點神秘，好有故事咁，先有興趣追埋大姐姐故

如果純粹因為想睇Jonathan呢個反派下場而唔知要追幾耐嘅新故，真係唔太吸引

可以的話，我寧願葉開巴寫幾個短嘅番外篇，講返阿必、Kitty、淇淇、周芷若嘅後續，我反而會想睇

支持葉開巴！

我會建議你可以大概講下Jon狗條仆街發生左咩事，如果唔係好難平息到咁多位巴打既怒氣

Kitty姐姐同條仆街人物設定唔同，好難可以吸引到讀者特登等咁耐睇條仆街發生咩事，我估大部分讀書都會想睇佢點死就夠

咁即係點？係唔係諗住都係唔交代吊大家引？
本身追咗好耐都默默支持，今次真係唔留言唔得

G持葉開

其實課金版睇呢章時睇落都Ok
而家課金版仲有十集完
唔知點解呢度會有咁嘅反應
難得上水留個言

會唔會係你地比較多加更

無課本身進度已經慢，你再加插呢啲無謂吊癮劇情真係有啲摟屌

係，因為課金版有多啲章節同埋更新得密少少，所以通常都會一次睇幾篇，咁拖劇情會冇咁明顯，同埋悶嗰啲情節自己快速睇完飛過就算

以下有劇透，自己睇路：

Po新一集之前又統一回應下

點解唔講Jonathan既結局既最大原因，係因為我覺得一講佢發生咩事既話，佢本身個故既結局就完全100%劇透，所以我暫時唔透露咁多住，係因為我想營造一個大家到時一睇會有驚喜既效果，就算只係講少少都好，都會完全透露咗佢既結局究竟係點，咁樣等於我響ocamp故入面直接爆阿熙既老婆係邊個冇分別。

Jonathan個故原本係諗住直接駁落大姐姐故後面，唔係以一個新故既方式，而係以一個外傳既形式去寫，只有大約二十集左右，之後先開新故，其實都差唔多落筆，因為大姐姐故響Penana果邊既連載其實已經倒數緊十集就大結局。

既然而家大家都覺得應該寫出黎先既，咁我都會提早開始寫，下個星期另外開個新Po成Jonathan既結局當一個新故咁出，不過真係落咗筆冇幾耐，而我通常響出Po之前係會再對下個大綱同翻睇一次，而今次都出得比較rush，如果寫得冇咁好既話請大家多多包涵。

另外想講多少少…

我唔知你哋點睇我呢個作者，可能你哋覺得我寫咗一集埋伏筆彩蛋比另一個故既一集對你哋唔尊重，又話者覺得我特登成日出黎專登好似賣關子賣到你哋好冇癮，我只能夠講我由頭到尾一絲咁既念頭都冇，無論你哋信又好、唔信又好，我對所有支持者、讀者(無論有冇訂閱都好)只有感激、感激同感激。正如我每一次完故既時候都會講，對大家一路既支持、閱讀都好感恩，而你哋既支持係我最大既原動力，呢啲全部都係我真心既說話。

我可能文筆唔好、劇情編排唔好，甚至乎好似今次咁為咗鋪排以後正傳世界觀既故事而令大家睇得唔高興，呢啲係事實，我都希望自己有改進，但如果真係令你哋睇得唔舒服既話，呢個唔係我既本意，抱歉。

如我所講，我會檢討下呢種響某個故埋伏筆既寫法，之前果一集大家唔鍾意過咗去冇計，希望大家之後睇故愉快，如果大家再有嘢想講既，歡迎繼續賜教。