我和鄰居大姐姐的故事（23）

樓上唔好quote文

六百七十八

「你行程都安排得幾好喎。」我哋食完午餐響沙灘散步既時候秋兒姐姐對我微笑道。

係鬼。

我係照住當年Kitty姐姐帶我去過既地方照辦煮碗咁去多一次咋嘛。

況且上次同Kitty姐姐行沙灘既時候有日落睇，金黃色既夕陽照住個海同沙灘不知幾浪漫，邊似得今次臨時改行程，搞到而家行緊沙灘既時候仲係烈日當空吖，而且因為時間尚早，沙灘上面都有唔少人玩緊（雖然已經比起另一個沙灘少），氣氛同果次其實冇得比。

「好乜吖，熱到咁黎行沙灘。」我望住出晒汗既秋兒姐姐唔好意思地道：「妳睇妳？行到身水身汗。」

「咁日頭行沙灘行到身水身汗都好正常啫。」秋兒姐姐微笑住答我，一啲都唔介意天熱同流汗。

不過老實講，啲髪絲沾上晒汗水濕濕地既秋兒姐姐其實仲靚仲誘人...

而且我拖住佢行既時候，聞到佢身上既汗味...一啲都唔臭...

佢身上啲汗我直頭覺得係香添...

啊...仲好似激發咗我小小慾望添...

唔得，要冷靜吓先。

「妳口唔口渇啊？不如我買啲嘢比妳飲吖？」見到女朋友大汗疊細汗，最好既冷靜方法就係行開一陣買啲嘢飲比佢。

「嗯，好啊。」秋兒姐姐伸手撥一撥頭髮。

嗯...呢個好普通既動作唔知點解響我眼入面變得好誘人...

「飲咩啊？」

「你決定喇。」秋兒姐姐向我甜甜一笑。

「咁妳等一等。」我向士多走過去，求其買咗枝可樂兩份飲，諗咗一諗，順手買多咗張沙灘蓆。

我望返過去企咗響樹蔭下面等我既秋兒姐姐...

我覺得佢就咁企響度既姿勢都好吸引...明明佢都著得算密實，但就令我腦海入面想入非非...

唔好諗喇，越諗某種慾望就越大...

話說回來，同我有過關係既女性黎講，秋兒姐姐好似係第一個冇乜表達出對性愛有興趣既女人...

真係聖女一樣...

我帶住枝可樂同埋張沙灘蓆返過去搵秋兒姐姐。

「咩黎架？」秋兒姐姐開咗枝可樂飲咗啖，然後望住張沙灘蓆問我。

「沙灘蓆，我哋可以坐響沙灘上面飲下嘢，睇下海。」我答道。

「又好啫。」秋兒姐姐笑道。

於是我哋就響沙灘上邊行邊搵咗個位鋪蓆坐低。

「啊，如果有滯泳衣黎就好喇。」秋兒姐姐笑道。

秋兒姐姐講完之後我腦海入面即刻幻想咗佢著住比堅尼三點式泳衣既畫面...

...

啱啱小兄弟先冷靜返小小而家又扯旗了...

呢個時候秋兒姐姐響個袋入面拎咗枝唔知乜鬼嘢出黎，然後擠咗啲出黎，對住我講：「伸隻手出黎吖。」

咩黎既呢？

唔知喎，不過秋兒姐姐叫我伸隻手出黎就伸出黎喇。

「咩黎架？」我望住秋兒姐姐將啲白白地色一pat嘢搽咗響我手臂上面，再慢慢捽勻佢。

「防曬黎架。」秋兒姐姐答道：「我哋響度係咁曬住，今日天氣又唔錯，好易曬傷皮膚架。」

「啊，係喎，我連呢樣嘢都唔記得添。」我一早諗住照抄Kitty姐姐既行程黎長州（除咗酒店扑嘢果part），不過我真係唔算細心，竟然連防曬呢啲基本嘢都唔記得。

我諗係我以前拍親拖既時候都係比我啲女朋友寵到慣晒（其實我覺得而家同秋兒姐姐都係...），我就成個大爺咁，所以真係養成我呢種對女仔一啲都唔細心既地方。

「傻熙熙。」秋兒姐姐笑咗一笑。

「但妳又會有響身既？妳隨身帶住架咩？」我轉念一想，又有啲奇怪。

「係媽咪比我架。」秋兒姐姐笑道：「佢以為我真係出去做啲地理考察，驚我曬親，所以就比咗枝防曬我。」

哦...

原來係林太...

某種意義黎講佢係錫佢個女既，但可唔可以唔好阻住秋兒姐姐追求自己既幸福？

我唔再講嘢，輕輕咁享受比秋兒姐姐撫摸住既感覺...

搽完呢邊搽果邊，又幫我搽埋雙腳同面...

有一種淡淡既幸福感...

而且...仲好似有啲啲挑起咗我既性慾...

「搞掂。」秋兒姐姐搽完我塊面之後甜笑住咁對我講。

「不如...等我都幫妳搽下？」我吞咗啖口水問秋兒姐姐。

（待續）

我開左個Telegram既吹水group喇，歡迎所有讀者加入！我自己都會響入面，有時間既話都會同大家傾下計，有咩意見或者問題請隨便響個Group入面講架，就算我未必即時回應到我都會睇下～

條link在此：
https://t.me/+u95euQRLvyozZjhl

除左大Group之外，仲有另一個係所有訂閱左我既讀者（包括Tier 0至3）都可以加入～可能會有多啲未發佈既資料爆架～條 link我會再PM比訂閱左既大家，如果有興趣既歡迎加入。

paste錯po，自膠

你因住個個telegram吹水無人同你推文

熙哥究竟幾時忍唔住去爆房

Push

下集應該到啦挂

Push

綠茶巴

TG group反而少人出聲, 變咗似公告欄咁

訂閱讀者果個就多啲，可能少啲人大家傾計反而傾得熟啲

六百七十九

「哦？」秋兒姐姐先係微微一愕，然後甜笑道：「好啊。」然後將支防曬遞比我。

我拎咗支防曬過黎，吞咗啖口水，然後擠咗小小防曬出黎，將啲防曬搽落秋兒姐姐既手臂上面。

老實講...

拎住秋兒姐姐隻手臂響佢嬌嫩既肌膚上面係咁摸，其實都幾爽...

啊...

咁樣摸一摸、諗一諗，又要扯旗了...

冷靜、冷靜...

我真係太耐冇扑嘢了...如果響呢度燃起性慾既話可以點宣洩呢，係咪？

唔通真係去上次同Kitty姐姐住果間酒店爆房咩？

呃...雖然秋兒姐姐係唔似我以前其他女朋友咁會主動要，好似有啲唔太熱衷於性愛咁（但真係做既時候我覺得佢係享受既），但如果我真係要求既話，我諗秋兒姐姐都會肯同我做既。

不如...暗示吓？

又好似唔係幾好咁...

好似咁耐冇同佢出黎約會，我一出黎就淨係掛住做愛咁...

「熙熙？」秋兒姐姐既聲音突如其來咁將我拉回現實。

「係，咩事？」我回過神來，望住秋兒姐姐問。

佢有小小面紅咁回答：「熙熙，呢隻手臂搽咗好耐喇。」

「啊，又好似係喎，sorry sorry！」諗緊啲衰嘢諗得太入神添。

「傻熙熙。」秋兒姐姐腼腆地笑道。

我又再擠咗啲防曬，再搽落秋兒姐姐另一隻手臂上面...

雖然秋兒姐姐隻手臂好滑，但而家我應該專心幫秋兒姐姐搽防曬先。

可惜今日秋兒姐姐著既係牛仔褲，如果唔係就可以摸埋佢對美腿喇...

啊，唔好再諗喇。

「搽完喇...」我依依不捨咁收返隻手。

「唔該...」

之後我同秋兒姐姐兩個就坐響沙灘蓆上面，響度欣賞人哋嬉戲，仲有啲人專登過黎呢度玩滑浪、風帆之類。

雖然同上次日落時同Kitty姐姐漫步既浪漫氣氛唔同，但都算係另一種賞心悅目既畫面。

其實最重要既係秋兒姐姐響我身邊...

我聞住旁邊秋兒姐姐傳黎既女人味...

真係唔想今日咁快完...

「秋兒姐姐...今晚係咪真係要返屋企啊？」我終於忍唔住問。

如果我哋可以好似當年我同Kitty姐姐咁響度過一晚夜就好喇...

到時我仲可以...嘿嘿...

不過現實同理想總係有啲距離...

「係啊，我同媽咪講咗要返去同佢食飯。」秋兒姐姐既答案係我意料之中。

哦...

唉，係有啲失望既...

「不過...如果...你而家想搵間渡假屋休息下...都OK既...」秋兒姐姐越講越細聲...

吓？

「妳係指...」秋兒姐姐唔會係睇穿咗我想...所以先咁同我講...？

「唔講喇。」秋兒姐姐擰返轉頭，一副怕怕醜醜既表情。

「啊，聽到聽到。」秋兒姐姐咁樣係咪即係對我心入面想做果樣開咗綠燈？

「但係...乜渡假屋可以book半日架咩？」我突然醒起呢個問題。

「問吓咪知囉。」秋兒姐姐微笑道：「就算唔得既話，我哋咪租一日，但係提早啲交返條鎖匙比老闆囉。」

「啊，又係喎，都係妳諗得周到。」我笑住答，渾身都興奮起黎：「行咯，我哋行咯！」

「你個熙熙，突然變得咁心急...」秋兒姐姐無奈地笑道。

啊，講得啱，我雖然今日因為同秋兒姐姐互動既係咁扯旗，但我至少應該保持返小小正人君子既模樣...

我今日出黎係諗住同秋兒姐姐約會架嘛。

但會唔會係秋兒姐姐雖然表面唔係太特別鍾意扑嘢，但實際上佢都想趁今日同我玩吓成人遊戲...？

「唔該，請問有冇得租半日架？」我哋好快又去到碼頭附近，中途仲順手響便利店買咗盒安全套（秋兒姐姐先有既福利，大家都應該記得我以前屌女好多時都唔帶套，淨係體外射精），果度有好多攤檔仔係租渡假屋，我急急腳咁行過去其中一檔度問。

聽到我咁講，個阿姐望吓隻錶：「唔係話唔想租半日比你啊。但三點幾喇喎，點半日啊靚仔？」

「咁一係租一晚喇，我哋早啲退房比妳，得唔得啊？」我問，語氣都幾冇禮貌。

阿姐話：「係咪比足一晚租錢先！」

頂，邊有妳咁著數啊！

錢黎架！

「咁...一係我哋六點之前還返比妳，等妳仲有時間可以用間房做多生意，請問咁樣可唔可以？」未等我再開口，秋兒姐姐就有禮貌咁問。

可能佢驚我語氣太差阿姐唔鍾意。

超，唔鍾意咪唔鍾意囉！仲有其他渡假屋可以租架啫吓嘛？

「六點邊度得啊？我哋收完間屋仲要檢查做清潔執屋架嘛！」阿姐語氣都係寸寸貢咁。

「咁如果我哋五點半比到返間房妳，又得唔得呢？」秋兒姐姐都仲係有禮貌咁問。

「梗係唔得喇！」阿姐唔耐煩地道：「一晚租錢，我唔理你哋幾點走，你哋如果要早走既，就話比我知幾點走，等我響度等你哋比鎖匙我！」

啊，妳個八婆真係幾寸喎。

正當我想破口大罵既時候，秋兒姐姐先我一步出聲，佢既聲線都係好有禮：「咁唔該晒，我哋唔需要喇。」然後對住我講：「熙熙，我哋再搵過第二間喇。」

阿姐好似有啲估唔到咁，急忙道：「等一陣，等一陣！」

「係？」秋兒姐姐面上掛住既，仍然係果副有禮貌既微笑。

阿姐諗咗陣，道：「唉，怕咗你哋，見你咁有誠意，半日租就半日租喇！」

（待續）

我估下星期五入嚟睇就差唔多

真

秋兒姐姐「熙熙我都知你忍左好耐，今次獎勵你唔用喇」

咁又應該唔會
佢應該都驚咁快大肚

完全估唔到秋兒姐姐都咁大食

唔知平時有無諗住熙熙捽碟