我和鄰居大姐姐的故事（23）
葉開葉開
1001 回覆
321 Like
7 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
生讀者留名
用咗一個禮拜追曬啲文，g chi 
此言差矣
多謝冷氣巴！
綠茶巴！
第二次出現
有危先有機
六百九十七
我向Kate點點頭當打咗招呼，之後坐得同佢有啲遠。
我仲記得佢上年同我講果番說話。
佢話我同佢係同一類人，所以暗示可以上床同我玩吓。
老實講，中四前既我可能真係同佢係同一類人，但而家（尤其是同秋兒姐姐拍拖之後）我覺得自己將自己既性慾控制得好好。
你睇我兩年幾冇做過愛，對住芯芯都可以忍住唔出軌，諗返都真係神蹟。
為咗唔好比佢引到破戒，都係離Kate遠小小好啲。
Kate見我冇走埋去同佢坐，佢都冇太多反應，只係向我微笑咗一下，然後就淡定地繼續等。
其實有人話過由進入咗呢間公司開始，interview就已經開始咗，會有人暗中咁望下你。
或者係因為咁，所以Kate都冇走過黎坐，或者有任何打算埋黎同我傾計。
佢都算係一個好識為自己打算既人？
冇幾耐之後坐響前面果三個人就比人叫走咗。
唉屌，仲要等。
不過好彩都唔係等咗好耐，就有條友走埋黎叫我個名：「有冇余正熙響度啊？」
「係，我係。」估唔到我遲黎過Kate，但in得早過佢。
我禮貌上轉頭向Kate點點頭道別，不過就響我咁做既時候，就有另外一個人走入黎，係個男人：「劉詠珊吖唔該？有冇啊？」
Kate呢個時候企起身，微笑道：「我係啊。」
我跟住叫我果個女人走既時候，眼尾睄到Kate好似電咗果個男人一眼。
*
帶我入黎果個女仔似乎係秘書，佢帶完我入房之後就返咗出去。
同我面試既有兩個人，其中一個係中年男人劉經理，睇落好似好寸，啲頭髮蠟晒all back咁，呢種all back唔係後幾年果種潮流既髮型，而係有啲似果啲港產片《賭Ｏ》入面周Ｏ發蠟到個蛋撻頭果種感覺。而除咗個樣寸之外，呢條撚樣講嘢都真係幾撚寸，一時就challenge我成績唔係first hon，出面有咁多好過我既人做乜要請我、一時又暗寸我讀緊既嶺南響八大入面算係排名比較後既大學，出面大把三大既畢業生排隊等緊佢哋請。
好彩我對公司背景、願景、產品資料、目標市場都背得好熟，如果唔係條撚樣應該仲多位入我。
條撚樣咁鳩寸，如果唔係面緊試我應該企撚咗起身屌柒條仆街。
另外有一個唔知乜春嘢經理，係一個五十幾歲既女人叫鄭經理，但佢冇果種女強人既感覺（通常上得呢啲位既女人都係女強人），反而有一種好慈祥既感覺，問我既問題都冇咁尖銳，對我回答時候既反應都溫和好多。
「老實講，我唔認為你讀嶺南大學有咩資格入黎做我哋既MT。」劉經理好寸咁望住我︰「你知唔知上年既MT入面，全部都係來自三大既畢業生，我唔認為你有資格入黎我哋公司。」
屌，咁你又見我？
「讀三大的確係有好多叻既人，但我唔認為讀嶺南既就一定及唔上讀三大既人。」我答。
「哦？邊個啊？唔通係你？」劉經理露出一個恥笑。
吖，屌你老母吖。
「讀三大既普偏黎講讀書可能係叻啲，但係我認為呢個位唔只係需要讀書叻既人。」我都係用冷靜既聲線去答︰「而我認為自己響唔同事情上面既判斷力、決定力，唔一定會差得過三大畢業既學生。」
「哦？咁你即係覺得自己叻過讀三大既人喇？」劉經理冷笑問︰「你會唔會自大咗啲啊？以為響大公司做過intern仔就好叻咩？」
「我冇咁講過。」
「我覺得你係喎。」All Back男完全唔客氣。
「咁我覺得你係基佬添喇。」我都係用平靜既語氣，微笑住向All Back男道︰「你睇下你自己個髮型整到似乜嘢，你唔係覺得梳咗個死人蛋撻頭就會變咗周Ｏ發扮賭神吓嘛？」
「你講咩話？」All Back男面色一變。
鄭經理冇參與我哋既對話，反而饒有趣味咁望住我哋兩個。
「廣東話囉，」我微笑地反問︰「劉經理，你唔係唔識聽廣東話係咪啊？定係弱智聽唔明我講嘢？」
反正我都覺得你響度消遣緊我，都冇諗過要請我，我都豁咗出去，準備寸撚柒鳩佢。
劉經理嬲嬲地咁講︰「喂，余正熙，你而家係咪侮辱緊我？」
我露出一個頗驚訝既表情，用一個頗為驚訝既語氣反問劉經理︰「我呢個係問句黎架喎。劉經理，你點解會覺得我侮辱你架？就算比我講中咗咪講中咗囉，冇事架喎，我都唔會歧視弱智人士，反而仲會欣賞劉經理你咁犀利，智障都可以做到經理，唔係個個都做得到，通常果啲都係做庇護工場。」
抱歉，我係唔應該侮辱智障人士的。
我越講劉經理就越嬲，佢問我︰「你係咪唔想要呢份工？」
（待續）
我向Kate點點頭當打咗招呼，之後坐得同佢有啲遠。
我仲記得佢上年同我講果番說話。
佢話我同佢係同一類人，所以暗示可以上床同我玩吓。
老實講，中四前既我可能真係同佢係同一類人，但而家（尤其是同秋兒姐姐拍拖之後）我覺得自己將自己既性慾控制得好好。
你睇我兩年幾冇做過愛，對住芯芯都可以忍住唔出軌，諗返都真係神蹟。
為咗唔好比佢引到破戒，都係離Kate遠小小好啲。
Kate見我冇走埋去同佢坐，佢都冇太多反應，只係向我微笑咗一下，然後就淡定地繼續等。
其實有人話過由進入咗呢間公司開始，interview就已經開始咗，會有人暗中咁望下你。
或者係因為咁，所以Kate都冇走過黎坐，或者有任何打算埋黎同我傾計。
佢都算係一個好識為自己打算既人？
冇幾耐之後坐響前面果三個人就比人叫走咗。
唉屌，仲要等。
不過好彩都唔係等咗好耐，就有條友走埋黎叫我個名：「有冇余正熙響度啊？」
「係，我係。」估唔到我遲黎過Kate，但in得早過佢。
我禮貌上轉頭向Kate點點頭道別，不過就響我咁做既時候，就有另外一個人走入黎，係個男人：「劉詠珊吖唔該？有冇啊？」
Kate呢個時候企起身，微笑道：「我係啊。」
我跟住叫我果個女人走既時候，眼尾睄到Kate好似電咗果個男人一眼。
*
帶我入黎果個女仔似乎係秘書，佢帶完我入房之後就返咗出去。
同我面試既有兩個人，其中一個係中年男人劉經理，睇落好似好寸，啲頭髮蠟晒all back咁，呢種all back唔係後幾年果種潮流既髮型，而係有啲似果啲港產片《賭Ｏ》入面周Ｏ發蠟到個蛋撻頭果種感覺。而除咗個樣寸之外，呢條撚樣講嘢都真係幾撚寸，一時就challenge我成績唔係first hon，出面有咁多好過我既人做乜要請我、一時又暗寸我讀緊既嶺南響八大入面算係排名比較後既大學，出面大把三大既畢業生排隊等緊佢哋請。
好彩我對公司背景、願景、產品資料、目標市場都背得好熟，如果唔係條撚樣應該仲多位入我。
條撚樣咁鳩寸，如果唔係面緊試我應該企撚咗起身屌柒條仆街。
另外有一個唔知乜春嘢經理，係一個五十幾歲既女人叫鄭經理，但佢冇果種女強人既感覺（通常上得呢啲位既女人都係女強人），反而有一種好慈祥既感覺，問我既問題都冇咁尖銳，對我回答時候既反應都溫和好多。
「老實講，我唔認為你讀嶺南大學有咩資格入黎做我哋既MT。」劉經理好寸咁望住我︰「你知唔知上年既MT入面，全部都係來自三大既畢業生，我唔認為你有資格入黎我哋公司。」
屌，咁你又見我？
「讀三大的確係有好多叻既人，但我唔認為讀嶺南既就一定及唔上讀三大既人。」我答。
「哦？邊個啊？唔通係你？」劉經理露出一個恥笑。
吖，屌你老母吖。
「讀三大既普偏黎講讀書可能係叻啲，但係我認為呢個位唔只係需要讀書叻既人。」我都係用冷靜既聲線去答︰「而我認為自己響唔同事情上面既判斷力、決定力，唔一定會差得過三大畢業既學生。」
「哦？咁你即係覺得自己叻過讀三大既人喇？」劉經理冷笑問︰「你會唔會自大咗啲啊？以為響大公司做過intern仔就好叻咩？」
「我冇咁講過。」
「我覺得你係喎。」All Back男完全唔客氣。
「咁我覺得你係基佬添喇。」我都係用平靜既語氣，微笑住向All Back男道︰「你睇下你自己個髮型整到似乜嘢，你唔係覺得梳咗個死人蛋撻頭就會變咗周Ｏ發扮賭神吓嘛？」
「你講咩話？」All Back男面色一變。
鄭經理冇參與我哋既對話，反而饒有趣味咁望住我哋兩個。
「廣東話囉，」我微笑地反問︰「劉經理，你唔係唔識聽廣東話係咪啊？定係弱智聽唔明我講嘢？」
反正我都覺得你響度消遣緊我，都冇諗過要請我，我都豁咗出去，準備寸撚柒鳩佢。
劉經理嬲嬲地咁講︰「喂，余正熙，你而家係咪侮辱緊我？」
我露出一個頗驚訝既表情，用一個頗為驚訝既語氣反問劉經理︰「我呢個係問句黎架喎。劉經理，你點解會覺得我侮辱你架？就算比我講中咗咪講中咗囉，冇事架喎，我都唔會歧視弱智人士，反而仲會欣賞劉經理你咁犀利，智障都可以做到經理，唔係個個都做得到，通常果啲都係做庇護工場。」
抱歉，我係唔應該侮辱智障人士的。
我越講劉經理就越嬲，佢問我︰「你係咪唔想要呢份工？」
（待續）
毒舌熙重出江湖
第一句以為係喺心入面串佢
原來係真實對白
原來係真實對白
Push
哇,真係要推! 好正啊!
推! 推爆佢…!
cls現實真係會咁樣串完個經理之後仲會請你咩
現實真係會咁樣串完個經理之後仲會請你咩個經理真心戇鳩
都寸到人咁嘅地步，人哋咪明知你唔會請人囉
咁仲點會驚你
都寸到人咁嘅地步，人哋咪明知你唔會請人囉
咁仲點會驚你
現實亦都係如果個經理咁樣寸完你，佢都唔會請你
又未必，唔出聲嗰位女仕可能先係老細呢...
想課金比葉開巴，但係冇信用卡，我俾咗電話號碼之後都冇人搵我
Push
唔好意思，請問你係邊度send msg比我？
我睇過我幾個social media account都唔見有巴打你既msg
或者麻煩你ig DM多我一次？唔該晒
我睇過我幾個social media account都唔見有巴打你既msg
或者麻煩你ig DM多我一次？唔該晒
