七百零一
由於我屋企係冇電腦既，所以我去搵工既時候都係去啲公共圖書館，不過咁樣真係好唔方便，而且又容易唔小心洩露私隱，所以後尾我就聽秋兒姐姐建議去買部電腦。
我啲同屆朋友好多都去咗旅行，而Cathy果啲又返緊工，秋兒姐姐更加唔可能陪我去睇電腦，所以最後我搵咗阿必陪我揀電腦，畢竟佢而家都休咗季，港隊既比賽又踢完，真真正正係放緊假。
「嘩，你而家有車添啊？」阿必都算係咁，聽到我話要揀電腦，二話不說就應承，仲要揸架私家車出黎接我。
我哋既友誼都算恢復返唔少。
「唔係我架，係問人借架咋，呢排休季吖嘛，咪問個friend借架車周圍去囉。」阿必笑道︰「唔好問咁多喇，上車先喇。」
「哦，好啊。」
我本來想問佢係咪借人哋架車去車女朋友周圍拍下拖，但唔知點解我都係問唔出口，可能係因為我覺得淇淇同八婆儀係我同佢之間既心結，如果而家問佢既感情狀況唔知會唔會觸及到呢一個心結，令我哋睇落啱啱先回復正常既友情又再一次產生裂痕。
「點啊，我哋去邊度睇電腦啊？」我上咗車坐咗響副駕位上面問阿必。
「信我，唔好問。」
「喂，你係咪真係識睇電腦架？」我問阿必。
「駛乜講，啲隊友叫我做電腦小神童架。」阿必自信滿滿地道。
「喂屌，個名好撚柒啊，邊撚個改架？」我忍唔住寸鳩佢。
「呢啲咁爆既名，梗係我自己改架喇！」阿必真係好自信爆棚...
邊有人咁有自信改個咁撚柒既名架？
啊，有。
白卡必囉。
阿必揸到架車去到旺角泊咗響街邊，然後同我一齊落車，帶住我走入咗一個都好逼好多人既商場。
...
啊屌，呢度咁撚似我中一升中二果個暑假同Betty一齊去買手指果個電腦商場既？
我記得果陣都係求撚其揀咗間似係專賣電腦嘢既商場走咗入去...
「呢個商場賣電腦嘢好出名架？」我好奇地問阿必。
「千其唔好問，跟住我就ok！」阿必擺出一副高深莫測既表情。
屌，答非所問。
話時話，職業足球始終響香港冇外國足球咁受歡迎，阿必作為新晉既大港腳，雖然唔係效力大會，但行咗咁耐竟然都冇人認得出阿必。
就算呢度係電腦商場，啲人唔suppose係球迷，但都係啫。
我跟住阿必響電腦商場入面左穿右插，然後突然轉咗九十度角咁轉身走咗入一間鋪頭入面。
「幫襯開架？」我問。
我估佢行咗咁耐，經過咁多間鋪都唔行入去，而特登走入呢間鋪，應該係呢間鋪既熟客，又或者係呢間嘢既口碑係幾好。
點知阿必答我：「唔係。」
「下？」咁點解...
阿必指咗一指其中一個display緊既電腦mon，上面播緊一個著泳衣既女仔響度跳舞…
「屌吖，你就係因為咁所以入黎呢間鋪？」我問，聲音大到坐響收銀個老闆定職員都望過黎。
「是旦喇，其實間間鋪頭賣既電腦都差唔多架啫。」阿必答我，視線仲係冇離開過個mon。
「邊撚個黎啊，你睇得咁入神既？」我忍唔住問。
「嘩，你唔知佢係邊個咩？」阿必終於擰轉頭望過黎，一臉誇張咁望住我。
「我點會知佢係邊個？」我皺眉答。
「佢係IceCream啊，一個好出名好撚正既𡃁模啊！」阿必答我，好似我唔識呢條女好唔正常咁。
屌你老味，我真係唔識吖嘛。
題外話，果個時代仲係有好多𡃁模出啲性感寫真既年代。
「有幾正啊？」我問。
條女個樣係青春無敵，但樣同身材最多只係比芯芯好小小，咁都可以出寫真做𡃁模？真係只要係後生女，阿豬阿狗都可以做𡃁模…
「好撚正啊，個樣清純得黎帶點妖艷、身材平凡得黎又有啲玲瓏浮突，平凡中帶點不平凡，既可遠觀又可近睇，真係正撚到呢…」阿必一口氣滔滔不絕咁講落去。
「好兄弟，識貨！」我比呢把中氣十足既聲嚇親，望過去聲音既來源，原來係本來坐咗響收銀望住我哋果條友企咗起身︰「IceCream最高！」
「有taste！」阿必走過去大大力咁緊握住老闆隻手。
「我就係鍾意IceCream先會響電腦Mon係咁播佢啲寫真影片！」老闆大大聲地答道︰「你過黎睇睇，我呢度仲有啲珍藏…」
痴撚線，兩個人就係咁無視其他響店入面既客人，響唔同既電腦上面睇果條甚麽IceCream既片，仲傾起𡃁模經起黎…
（待續）
我和鄰居大姐姐的故事（23）
葉開葉開
1001 回覆
321 Like
7 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
必哥真係好過癮
Push
七百零二
我拎住啱啱買既手提電腦上返阿必架車。
「全靠我同老闆混熟咗，先至可以半價幫你買部Notebook返黎咋！」阿必沾沾自喜地道。
我都真係估唔到老闆同阿必傾傾下𡃁模經，竟然同阿必講︰既然佢哋兩個咁撚投契，如果響佢間鋪頭買嘢就比個半價我哋…
買完嘢之後阿必仲主動提出同老闆結拜做兄弟，真係痴撚線。
完全一啲都唔似當紅既新晉皇牌球星…唔止一啲架子都冇，仲要個人都痴撚線。
不過呢啲都未係最痴線。
最撚柒痴線既，係老闆竟然真係響鋪頭入面同阿必結拜起黎，仲想叫埋我一齊...
我斷然拒絕。
結果本來阿必入黎呢個鋪頭係幫我買下電腦睇下果個乜撚嘢IceCream，但我哋由鋪頭出返黎既時候，我就多咗部手提電腦，而阿必就多咗個結拜兄弟…
「唉，本來我係想砌機，聽人講砌部電腦好似平過買Notebook。」我望住手上面既手提電腦，都唔知自己有冇買貴到。
「放心、放心。」阿必拍晒心口咁講︰「你而家買呢部Notebook，肯定平過你自己去砌機！」
「你咁肯定？」我帶住懷疑既眼光望住佢。
「信我喇，我係電腦小神童黎架嘛。」阿必個樣真係摟打。
「…」
「你唔信我，都信下我個結拜兄弟吖。」阿必拍晒心口咁保證︰「我個結拜兄弟係個好人黎架！」
「…你係咪真係識電腦架？」我問︰「個老闆話乜你都話『係喎！』咁樣既。」
「電腦小神童！」阿必神氣地指一指自己。
「其實…你有幾神？」講起黎其實一路都係阿必自己讚自己。
「哼，哼。」阿必擺出一個驕傲既表情︰「我話勁就勁！」
「咁即係點勁？你平時點用電腦架？」講黎講去，阿必其實都冇講過自己電腦具體黎講係點勁法。
中學果陣都唔覺佢有玩開電腦。
「我平時有幫啲外援隊友搞電腦架！」
「點搞？」
「幫佢哋download AV囉！」啊屌，阿必個樣好神氣又理直氣壯︰「估唔到佢哋好多都鍾意睇日本妹架！仲要睇白虎無碼！」
「我屌…」佢真係…冇見咁耐都仲係咁…
一本正經地講鳩嘢…
「唔止幫外援架，我自己響屋企都有download架！一陣上去你屋企幫你搞埋吖！」阿必仲扮出一副熱心既樣問我。
「免嘞…」
「唔駛怕醜架喎，係男仔都會睇架喇！」阿必道。
「妖。」
我其實冇乜點睇。
可能以前發生既事實在太過精彩，比起AV精彩唔知幾多倍，所以我真係冇乜興趣睇AV。
*
我哋兩個帶住戰利品返上阿必架車，之後求撚其響附近食咗個Lunch就返我屋企。
雖然阿必睇落對電腦好似係零知識咁，但我托阿必既幫助用半價既價錢買到部Notebook又係事實，況且部機都只係用咗我二千蚊左右，所以我就算數放過條白卡佬喇。
我哋返到我屋企，阿必就幫我裝嘢set機，睇黎條友又真係唔係完全零電腦知識喎。
「搞掂喇，而家幫你搞上網喇。」阿必問我︰「你屋企個wifi密碼係乜嘢？」
「…」
「…」
「…」
「你唔好話你其實係未裝Wifi架下嘛？」阿必帶啲鄙視既眼神望住我。
「…」
「哈哈哈哈！！」阿必笑到仆街，彷彿眼淚都要咇埋出黎咁既樣。
屌吖，我真係唔撚記得我屋企係冇Wifi…
點解秋兒姐姐果陣冇提我…
「屌你個仆街，駛唔駛笑到咁撚樣啊？」我不滿地道。
我柒咗啫，都唔駛笑到咁撚樣架？
「你快啲自己或者叫你老豆申請個喇。」阿必笑到要抹眼淚，然後教我如果申請完Wifi之後，應該點樣去連Wifi，然後我就搵本筆記簿將阿必講既嘢抄低。
順帶一提，最後我係冇申請到Wifi既，因為我屋企原來係可以連接到秋兒姐姐屋企既Wifi訊號，所以秋兒姐姐當晚比咗佢個Wifi密碼，咁我就唔需要自己申請喇。
就係咁，我就慳咗每個月幾舊水既寬頻費。
「好喇，正經嘢就搞完喇，想幫你搞落下去都搞唔到住。」阿必伸咗個懶腰，道︰「而家咁早，你唔會想咁快就趕我走啩？」
「係，唔該你快啲走。」
「吓，真架？」阿必問︰「唔好喇球星…唔好喇球星…」佢竟然死螺爛螺起黎。
「屌，我講下笑咋嘛。」
「嘩屌，球星你講笑既時候唔笑既？」阿必鬆咗口氣既樣。
「咁…」我望一望放咗響屋企門口邊果對唔知幾耐冇著過既白飯魚，露出咗個笑容︰「不如去屋邨球場踢下波，過下腳癮？」
（待續）
我拎住啱啱買既手提電腦上返阿必架車。
「全靠我同老闆混熟咗，先至可以半價幫你買部Notebook返黎咋！」阿必沾沾自喜地道。
我都真係估唔到老闆同阿必傾傾下𡃁模經，竟然同阿必講︰既然佢哋兩個咁撚投契，如果響佢間鋪頭買嘢就比個半價我哋…
買完嘢之後阿必仲主動提出同老闆結拜做兄弟，真係痴撚線。
完全一啲都唔似當紅既新晉皇牌球星…唔止一啲架子都冇，仲要個人都痴撚線。
不過呢啲都未係最痴線。
最撚柒痴線既，係老闆竟然真係響鋪頭入面同阿必結拜起黎，仲想叫埋我一齊...
我斷然拒絕。
結果本來阿必入黎呢個鋪頭係幫我買下電腦睇下果個乜撚嘢IceCream，但我哋由鋪頭出返黎既時候，我就多咗部手提電腦，而阿必就多咗個結拜兄弟…
「唉，本來我係想砌機，聽人講砌部電腦好似平過買Notebook。」我望住手上面既手提電腦，都唔知自己有冇買貴到。
「放心、放心。」阿必拍晒心口咁講︰「你而家買呢部Notebook，肯定平過你自己去砌機！」
「你咁肯定？」我帶住懷疑既眼光望住佢。
「信我喇，我係電腦小神童黎架嘛。」阿必個樣真係摟打。
「…」
「你唔信我，都信下我個結拜兄弟吖。」阿必拍晒心口咁保證︰「我個結拜兄弟係個好人黎架！」
「…你係咪真係識電腦架？」我問︰「個老闆話乜你都話『係喎！』咁樣既。」
「電腦小神童！」阿必神氣地指一指自己。
「其實…你有幾神？」講起黎其實一路都係阿必自己讚自己。
「哼，哼。」阿必擺出一個驕傲既表情︰「我話勁就勁！」
「咁即係點勁？你平時點用電腦架？」講黎講去，阿必其實都冇講過自己電腦具體黎講係點勁法。
中學果陣都唔覺佢有玩開電腦。
「我平時有幫啲外援隊友搞電腦架！」
「點搞？」
「幫佢哋download AV囉！」啊屌，阿必個樣好神氣又理直氣壯︰「估唔到佢哋好多都鍾意睇日本妹架！仲要睇白虎無碼！」
「我屌…」佢真係…冇見咁耐都仲係咁…
一本正經地講鳩嘢…
「唔止幫外援架，我自己響屋企都有download架！一陣上去你屋企幫你搞埋吖！」阿必仲扮出一副熱心既樣問我。
「免嘞…」
「唔駛怕醜架喎，係男仔都會睇架喇！」阿必道。
「妖。」
我其實冇乜點睇。
可能以前發生既事實在太過精彩，比起AV精彩唔知幾多倍，所以我真係冇乜興趣睇AV。
*
我哋兩個帶住戰利品返上阿必架車，之後求撚其響附近食咗個Lunch就返我屋企。
雖然阿必睇落對電腦好似係零知識咁，但我托阿必既幫助用半價既價錢買到部Notebook又係事實，況且部機都只係用咗我二千蚊左右，所以我就算數放過條白卡佬喇。
我哋返到我屋企，阿必就幫我裝嘢set機，睇黎條友又真係唔係完全零電腦知識喎。
「搞掂喇，而家幫你搞上網喇。」阿必問我︰「你屋企個wifi密碼係乜嘢？」
「…」
「…」
「…」
「你唔好話你其實係未裝Wifi架下嘛？」阿必帶啲鄙視既眼神望住我。
「…」
「哈哈哈哈！！」阿必笑到仆街，彷彿眼淚都要咇埋出黎咁既樣。
屌吖，我真係唔撚記得我屋企係冇Wifi…
點解秋兒姐姐果陣冇提我…
「屌你個仆街，駛唔駛笑到咁撚樣啊？」我不滿地道。
我柒咗啫，都唔駛笑到咁撚樣架？
「你快啲自己或者叫你老豆申請個喇。」阿必笑到要抹眼淚，然後教我如果申請完Wifi之後，應該點樣去連Wifi，然後我就搵本筆記簿將阿必講既嘢抄低。
順帶一提，最後我係冇申請到Wifi既，因為我屋企原來係可以連接到秋兒姐姐屋企既Wifi訊號，所以秋兒姐姐當晚比咗佢個Wifi密碼，咁我就唔需要自己申請喇。
就係咁，我就慳咗每個月幾舊水既寬頻費。
「好喇，正經嘢就搞完喇，想幫你搞落下去都搞唔到住。」阿必伸咗個懶腰，道︰「而家咁早，你唔會想咁快就趕我走啩？」
「係，唔該你快啲走。」
「吓，真架？」阿必問︰「唔好喇球星…唔好喇球星…」佢竟然死螺爛螺起黎。
「屌，我講下笑咋嘛。」
「嘩屌，球星你講笑既時候唔笑既？」阿必鬆咗口氣既樣。
「咁…」我望一望放咗響屋企門口邊果對唔知幾耐冇著過既白飯魚，露出咗個笑容︰「不如去屋邨球場踢下波，過下腳癮？」
（待續）
邊個會提起啲舊事先
期待
幾時先肯講淇淇同佢個好姊妹
幾時先肯講淇淇同佢個好姊妹
幾時先肯講淇淇同佢個好姊妹
七百零三
我quit咗Hall之後呢個禮拜都掛住響公共圖書館用電腦搵工，又或者穿梭返屯門同屋企之間去幫啲學生補習，都冇得閒過去屋邨球場踢波。
講起黎我都真係好耐冇去過屋邨球場喇，而家同阿必去同文叔佢哋踢下波，班騎呢阿叔一定好開心。
「好喎，係就快喇，你有冇多對白飯魚啊？」阿必都興奮起黎︰「仲有，借你啲波衫波褲黎著喇！」
「妖，白飯魚咋嘛，去買咪得囉！」
我行入房求其搵咗啲波衫、褲比阿必，條友乜柒都唔撚理，響個廳對住窗口大模斯樣咁除衫又換衫…
*
我哋帶住幾興奮下既心情，走到去球場。
「你班騎呢大叔，我黎喇！」拎住對啱啱買果對白飯魚，阿必就好似小朋友咁衝入球場，而我就響後面望住呢條戇鳩…
真係廿一、二歲都仲係咁戇鳩。
「咦？」阿必響球場入口企咗響度，呆呆咁望住球場。
「咩事啊？」我問。
我行到阿必隔離就知發生咩事。
球場上面空無一人，得幾個本來響響觀眾席上面睇緊報紙既阿伯，聽到大聲鳩叫衝入黎既阿必所以望過黎。
而家係下午三點左右，正常一班騎呢大叔已經響度踢緊波。
順帶一提，而家係六月頭，大學係完咗考試，但中小學就應該仲上緊堂或者差唔多考試，所以三點呢個時間未放學冇人響球場係一件好正常既事。
唔正常既只係文叔佢哋唔見晒。
眼前呢個景象簡直係七不思議事件之首。
「文叔佢哋去咗邊啊？」阿必望住眼前空無一人既球場問。
「唔知…唔通佢哋今日要開工所以唔得閒？」老實講，同班騎呢阿叔踢波咁耐，我好似真係未見過佢哋有一日係唔黎呢個球場踢波。
就算狂風雷暴，佢哋一樣唔驚比雷劈咁款照踢。
彷彿佢哋既生命入面就係得呢個球場咁。
我指一指觀眾席果面，道︰「去唔去問下人？」
「好。」
我哋兩個行埋去觀眾席果面，走上去搵其中一個睇報阿伯，阿必率先開口問︰「唔好意思，請問你知唔知平時響度踢開波果班阿叔去咗邊？」
啊，正正經經咁問嘢既阿必真係好少見…
我以為佢一開口就係個白卡佬添。
睇報阿伯望一望我哋兩個，反問︰「你哋…係咪以前成日都響度踢波果兩個後生仔？」
「你認得我哋？」我問。
不過我唔認得呢個阿伯喎。
「認得。」阿伯點點頭︰「我退咗休之後有時冇嘢做就會坐響度打下躉睇下報紙聽下收音機咁，都好多好多年咯，你兩個又咁好波，點會唔認得啊。」
你認得出我哋咁就好辦，我開口問：「咁你知唔知果班阿叔去咗邊？」
「佢哋呢排少咗黎啊。」阿伯答我。
少咗黎？
真係難以置信啊。
「知唔知點解啊？」呢次開口既係阿必。
「好似話佢哋入面其中一個有cancer，我估佢哋去咗醫院陪佢啩。」阿伯答。
「吓！？」我同阿必同一時間發出驚訝既叫聲。
Cancer！？
點解我哋唔知既？
「冇可能架喎，佢哋睇落咁健康…」我唔敢相信…
「咁人係會老既。」阿伯安慰我哋：「你哋後生，有自己既事業要做，而家都冇乜黎同佢哋踢波，但我響度日日睇就知，其實佢哋既動作比起以前已經冇咁靈活架喇。」
「唔該你先。」阿必道︰「你知唔知佢係入咗邊間醫院？」
阿伯搖搖頭，答：「咁呢一層我就唔清楚喇。」
「噢，唔緊要。」
「喂，我想問下…你係咪林必才？」阿伯問。
「係啊。」阿必答。
「你好好波，加油啊，我睇好你！」阿伯向阿必豎起大拇指。
平時既阿必應該會也文也武，但呢一刻得知班騎呢阿叔入面其中一個患咗cancer，阿必都冇心情癲，淨係向阿伯道謝咗幾句。
「喂，球星，打比文叔喇。」阿必同阿伯傾完之後走過黎向我道。
「好啊，文叔佢幾號電話？」我已經拎咗部電話出黎。
「吓，你冇文叔電話架咩？」阿必驚奇地問。
有幾奇啊，我星期一至日，打風落雨都好，只要一落屋邨球場就會搵到班騎呢阿叔，都冇必要問佢哋拎電話。
「冇啊，你有冇啊？」
「你都冇，我點會有啊？」阿必道。
「咁點搞好啊？」
早知就一早問其中一個騎呢阿叔拎電話喇…
「喂，你哋唔駛咁擔心住啊。」唔知阿伯係咪聽到我同阿必既對話，佢走埋黎同我哋講︰「班阿叔都會黎踢下波既，不過可能晏小小等探病時間過咗啫，你哋等一等喇。」
（待續）
我quit咗Hall之後呢個禮拜都掛住響公共圖書館用電腦搵工，又或者穿梭返屯門同屋企之間去幫啲學生補習，都冇得閒過去屋邨球場踢波。
講起黎我都真係好耐冇去過屋邨球場喇，而家同阿必去同文叔佢哋踢下波，班騎呢阿叔一定好開心。
「好喎，係就快喇，你有冇多對白飯魚啊？」阿必都興奮起黎︰「仲有，借你啲波衫波褲黎著喇！」
「妖，白飯魚咋嘛，去買咪得囉！」
我行入房求其搵咗啲波衫、褲比阿必，條友乜柒都唔撚理，響個廳對住窗口大模斯樣咁除衫又換衫…
*
我哋帶住幾興奮下既心情，走到去球場。
「你班騎呢大叔，我黎喇！」拎住對啱啱買果對白飯魚，阿必就好似小朋友咁衝入球場，而我就響後面望住呢條戇鳩…
真係廿一、二歲都仲係咁戇鳩。
「咦？」阿必響球場入口企咗響度，呆呆咁望住球場。
「咩事啊？」我問。
我行到阿必隔離就知發生咩事。
球場上面空無一人，得幾個本來響響觀眾席上面睇緊報紙既阿伯，聽到大聲鳩叫衝入黎既阿必所以望過黎。
而家係下午三點左右，正常一班騎呢大叔已經響度踢緊波。
順帶一提，而家係六月頭，大學係完咗考試，但中小學就應該仲上緊堂或者差唔多考試，所以三點呢個時間未放學冇人響球場係一件好正常既事。
唔正常既只係文叔佢哋唔見晒。
眼前呢個景象簡直係七不思議事件之首。
「文叔佢哋去咗邊啊？」阿必望住眼前空無一人既球場問。
「唔知…唔通佢哋今日要開工所以唔得閒？」老實講，同班騎呢阿叔踢波咁耐，我好似真係未見過佢哋有一日係唔黎呢個球場踢波。
就算狂風雷暴，佢哋一樣唔驚比雷劈咁款照踢。
彷彿佢哋既生命入面就係得呢個球場咁。
我指一指觀眾席果面，道︰「去唔去問下人？」
「好。」
我哋兩個行埋去觀眾席果面，走上去搵其中一個睇報阿伯，阿必率先開口問︰「唔好意思，請問你知唔知平時響度踢開波果班阿叔去咗邊？」
啊，正正經經咁問嘢既阿必真係好少見…
我以為佢一開口就係個白卡佬添。
睇報阿伯望一望我哋兩個，反問︰「你哋…係咪以前成日都響度踢波果兩個後生仔？」
「你認得我哋？」我問。
不過我唔認得呢個阿伯喎。
「認得。」阿伯點點頭︰「我退咗休之後有時冇嘢做就會坐響度打下躉睇下報紙聽下收音機咁，都好多好多年咯，你兩個又咁好波，點會唔認得啊。」
你認得出我哋咁就好辦，我開口問：「咁你知唔知果班阿叔去咗邊？」
「佢哋呢排少咗黎啊。」阿伯答我。
少咗黎？
真係難以置信啊。
「知唔知點解啊？」呢次開口既係阿必。
「好似話佢哋入面其中一個有cancer，我估佢哋去咗醫院陪佢啩。」阿伯答。
「吓！？」我同阿必同一時間發出驚訝既叫聲。
Cancer！？
點解我哋唔知既？
「冇可能架喎，佢哋睇落咁健康…」我唔敢相信…
「咁人係會老既。」阿伯安慰我哋：「你哋後生，有自己既事業要做，而家都冇乜黎同佢哋踢波，但我響度日日睇就知，其實佢哋既動作比起以前已經冇咁靈活架喇。」
「唔該你先。」阿必道︰「你知唔知佢係入咗邊間醫院？」
阿伯搖搖頭，答：「咁呢一層我就唔清楚喇。」
「噢，唔緊要。」
「喂，我想問下…你係咪林必才？」阿伯問。
「係啊。」阿必答。
「你好好波，加油啊，我睇好你！」阿伯向阿必豎起大拇指。
平時既阿必應該會也文也武，但呢一刻得知班騎呢阿叔入面其中一個患咗cancer，阿必都冇心情癲，淨係向阿伯道謝咗幾句。
「喂，球星，打比文叔喇。」阿必同阿伯傾完之後走過黎向我道。
「好啊，文叔佢幾號電話？」我已經拎咗部電話出黎。
「吓，你冇文叔電話架咩？」阿必驚奇地問。
有幾奇啊，我星期一至日，打風落雨都好，只要一落屋邨球場就會搵到班騎呢阿叔，都冇必要問佢哋拎電話。
「冇啊，你有冇啊？」
「你都冇，我點會有啊？」阿必道。
「咁點搞好啊？」
早知就一早問其中一個騎呢阿叔拎電話喇…
「喂，你哋唔駛咁擔心住啊。」唔知阿伯係咪聽到我同阿必既對話，佢走埋黎同我哋講︰「班阿叔都會黎踢下波既，不過可能晏小小等探病時間過咗啫，你哋等一等喇。」
（待續）
原來已經寫緊，好癲
第一話就咁嘅
連登會唔會有
好sad
班呀叔
班呀叔
葉開遲下寫個街場阿叔外傳