我和鄰居大姐姐的故事（23）

忍唔住去果邊科左金支持葉開巴～
一口氣睇到結局反而有D唔捨得完故

睇嚟芯芯真係幾鍾意熙哥

Push

推

Push

推一推

推

多謝支持，多謝多謝！

其實講堅，我自己都有啲唔捨得，不過個故總有完既一日

唔夠淇淇黎

綠茶巴

推山區巴

你仲講喎

六百八十六點五

（梁詠芯視角）

「點啊，拍拖未啊？」食食下飯既時候，小蓓蓓問我。

今日呢個星期六難得小蓓蓓有啲嘢要入屯門做，佢一早就問定我今晚得唔得閒食飯。

我哋去咗屯市，響商場地下是旦搵咗一間茶餐廳就入去食。

「冇啊。」我笑一笑，將一匙豆腐火腩飯放入口入面。

「冇男仔追妳咩？」小蓓蓓笑住咁問我：「以前中學既時候好似無時無刻都有人暗戀妳咁架喎。」

係喎。

其實我都唔知點解。

我啲男仔朋友，做做下朋友就會突然向我表白，初頭我成日因為咁而嚇咗一跳，不過後尾都習慣咗。

點解我最想佢同我表白果個男仔朋友，佢就係唔肯同我表白，仲要同我講佢有女朋友？

「有係有，我個o camp組仔突然間同我表白，不過我唔係鍾意佢，淨係話繼續同做朋友咋。」我答。

「唔同佢試下發展？可能拍拖拍落會覺得佢啱妳呢？」小蓓蓓問。

我諗起組仔個樣，個身震咗一震，道：「不了。」

小蓓蓓見到我身震咁既樣，失笑道：「好樣衰架？」

「妳知我都唔係樣貌協會既人黎架喇...不過組仔佢個樣就真係...」真係...不寒而悚啊...

「我梗係記得喇...果個阿Man...妳果陣肯同佢拍拖，我記得我哋全級都應該好轟動下。」小蓓蓓掩住咀響度笑。

阿Man應該都係當年全級最係最醜樣既男仔黎...

「但係佢心地好好吖嘛，咪試下同佢一齊囉。」我答。

「咁呢個連個性格都唔掂？」

「又唔可以咁講...其實佢個人應該都幾好，但我識咗佢真係唔係好耐，未算真正認識到佢，佢就已經同我表白。人哋阿Man真係追咗我好耐架。」

「定係...妳仲放唔低人啊？」小蓓蓓小心翼翼地問。

「我...唔會喇，佢都話比我知佢有女朋友咯。」我嘆咗口氣。

其實話就咁講，但霎時間要我放低阿熙就放得低咩？

「如果妳係仲鍾意佢既，咪做住朋友先，然後再等下，睇下有冇機會囉。」小蓓蓓飲咗啖凍檸水，續道：「但妳而家心情應該好返唔少喇，係咪？妳quit hall之前果晚打比我果陣，真係比妳嚇親啊。」

「可能喇...」我其實自從被阿熙告知佢有女朋友之後，我一直都冇乜諗法。

「不過妳等還等啊，如果有啱feel既人追妳，妳就試下同佢哋一齊喇。Year 1之後都未聽過妳話有拖拍喇。」小蓓蓓建議道。

「唔。」有機會既話，我都唔介意既。

如果果個男仔係可以取代到阿熙既位置，即使係小小都好。

話唔定佢走入到我既心，可以慢慢咁一步步咁取代阿熙呢。

「就咁話喇，妳同果個男仔做住朋友先，但要留意住佢身邊既風吹草動，有咩事發生既就go go go！」小蓓蓓突然興奮起黎。

「做咩突然咁hyper啊？」我失笑問道。

「幫妳諗到方法，仲可以唔hyper咩！」

「唉，怕咗妳，一陣食唔食甜品啊？」我問。

「好啊好啊！」小蓓蓓即刻雀躍起黎：「我哋快啲食完就去搵地方食甜品喇！」

＊

每一次同呢個中學時期既好姐妹聚完之後心情總係特別好。

我同佢響西鐵站分別之後，我就自己一個返Hall。

其實小蓓蓓講既係現實，如果我仲係想同阿熙響埋一齊既話，除非真係想由佢女朋友手入面搶阿熙返黎（而我覺得我係冇能力做到），如果唔係我唯有同阿熙做住朋友，睇下有冇機會（其實呢樣我都覺得冇乜機會）。

就響我差唔多返到hall既時候，我發覺阿熙同阿威佢哋間房係著咗燈...

啊，不如我上去睇下係邊個...？

會唔會真係阿熙？

就響我上到去敲完門打開門既時候，我竟然聽到入面有陣女仔既呻吟聲傳咗出黎，我嚇咗一嚇，不過推開門就知原來係阿熙響度睇緊鹹片...

「呃...唔好意思，我係咪阻住你睇片...？」我唔係幾好意思，睇黎下次入男仔房都係應該等人出黎開門會好啲...

「啊，妳誤會晒喇，呢部電腦唔係我，係阿威架...」、「真係唔係我睇，我check緊阿威啲瀏覽history，咁啱開咗個網站，又咁啱開咗條片，諗住睇下條友平時睇開乜...」不過我又估唔到阿熙個樣好尷尬，係咁想同我辯解發生咗咩事...

其實我咁多男仔朋友，自然都好明白男仔係有呢一方面既需要，唔需要同我解釋架喎...

我哋叫做傾咗幾句，其實我覺得阿熙好似冇乜心機想理我咁...又黑我面咁樣...佢反而係好專心響度睇緊套鹹片，我入到黎都冇熄繼續睇...

就算我可能之前做得太進取...但其實呢一刻我只係想同阿熙做返普通朋友...

唔通咁都唔得...？

「唔知點解...我熄唔到條片，妳可唔可以幫我手睇下發生咩事？」阿熙突然尷尷尬尬咁問我。

啊，原來佢之前響度專心搞部電腦，就係為咗熄咗套片？

於是我行過去望下部電腦...

唔好睇少我，我都有男仔朋友係玩電腦好叻，所以我都識少少...

我用阿威裝響部電腦既防毒軟件掃瞄咗一下，睇黎佢部機應該係中咗木馬，要清佢其實唔難，不過第一步要做既應該係要熄咗部機再開，至少條片唔駛繼續播...

我就唔尷尬啊，但阿熙好似尷尬嘛。

我響度幫阿熙整緊部電腦既時候，同佢慢慢傾起黎...就好似以前咁普通朋友傾計咁...

果然，佢啱啱應該應該係掛住搞部電腦先冇分心去理我...

我一路同佢傾計，一路搞防毒，仲一路上下網...

「啊，估唔到阿威鍾意睇日本大波妹AV。」我check check下阿威既網頁紀錄，好奇咁睇下佢平時睇開啲咩AV，意外地搵到佢啲性癖，睇黎下次見到佢既時候可以寸下佢。

「喂，妳小心一陣又搞到佢部電腦中毒啊。」阿熙提醒我，之後又問我：「係喎，啲毒殺成點啊？」

睇黎佢有啲擔心阿威部腦會再中毒，於是我笑一笑答佢：「放心喇，隻防毒掃緊，應該冇事既。況且呢個網我都上過，應該冇毒既。」

「妳都會上鹹網？」阿熙把聲好似有啲好奇。

噢，啱啱既對話太causal，我唔覺意自己爆咗自己既習慣出黎添。

「係啊，好奇咩？」我求其答完之後擰返轉頭繼續上鹹網，掩飾我面上既唔好意思。

其實我都會上架...

搞掂晒部電腦之後，我突然諗起一樣嘢...

「我幫你搞好部電腦，你係咪應該有啲表示呢？」之前阿熙幫我手搬嘢，我就請佢食飯，而家調返轉，我叫佢請返我都唔過份吖？

何況...啱啱同佢整電腦同傾計既時候，氣氛好似都唔錯...

「咁妳想點啊？」阿熙個樣好無奈咁問返我。

「請我食飯！」

最尾雖然都睇得出阿熙唔係幾想請我食飯架喇，佢又搬女朋友出黎想做擋箭牌，但響我厚面皮唔知醜死纏爛打，佢都無奈應承咗聽日同我lunch！

Yeah！

我返到自己間房之後，個心莫名其妙地好開心。

我求其將啲衫褲同胸圍除咗飛落地，然後真空咁著返自己件hall Tee同底褲。

其實比起出街衫，咁既衣著淨係真空著件Tee先令我覺得舒適。

我望住我間房屬於我果凌亂既一半，心諗其實我同房Emily都講得啱，我同男仔可以咁易friend係除咗啱傾之外，我既性格都好男仔頭下，就好似我間房吖，根本就完全唔似係女仔房。

我開咗部電腦上咗陣網，本來想去沖個涼，但係玩咗陣電腦我又有啲攰...唔...都係聽日同阿熙去食飯之前先沖喇。

我攤咗上床...話攰話攰，其實又未眼瞓。

哈哈，我係因為懶先話唔沖涼啫。

我瞓咗響張床上面望下天花板，又諗起啱啱響阿熙間房睇到阿威之前睇既AV...突然我都有啲心思思起黎，想上吓啲成人網站...

我有睇AV既習慣，不過相比起男仔黎講應該算係睇得少...

我將部notebook拎過黎，就咁扒咗響床上面搵起AV黎...主力都係搵一啲比較女性向小小既AV...

最好個男主角係後生又靚仔，好似阿熙咁...

咁既AV，其實有心搵既真係唔少...

雖然星期六夜晚既hall冇乜人，不過我就冇阿熙咁大膽，開住個喇叭黎睇AV，我只係夠膽熄晒燈靜靜地用耳筒睇...

然後...我睇睇下...就覺得個身有小小熱...下面有小小痕...

我望住電腦畫面入面激烈既情節，手指都不由自住咁伸到底褲上面慢慢按摩...

我用中指輕輕咁響底褲上面打轉，口中不由自住發出咗些少喘氣聲...

唔...好舒服...

隨住電腦個mon入面男女主角做得越黎越激烈，我都合埋雙眼，幻想自己就係入面既女主角，而阿熙就係入面既男主角...

我耳仔入面聽得戲入面既女主角呻吟聲同埋叫聲越黎越大，聽到我心神都好蕩漾...

我一時睜開眼睛觀看電腦屏幕上面既戰況，時而合埋雙眼幻想代入片入面既情境...

慢慢地，我越黎越有感覺，唔再滿足於用手指響底褲上面打轉，我直接將手指伸入底褲入面，直接摸落自己既小妹妹上面...

唔...我掂到小妹妹果下個身震咗一震...好舒服...肉縫已經又熱又濕，我睜開眼向下一望，連條底褲上面都有個小小既水印...

反正都濕咗，我索性將條底褲除咗落黎，淨係著住件hall tee自慰...

我自己隔住件hall tee搓弄自己既乳頭，幻想住自己係比阿熙捽...

手指就不斷響捽小芯芯粒豆豆...

好舒服，將自己同心愛既男人幻想代入AV入面，再一路性幻想一路自慰真係好舒服...

隨住條片慢慢咁播到最尾，男女主角都高潮咗，男主角將精液射射晒入女主角既陰道入面，各自抖大氣，而我都暫時停止咗自慰，搵過另一條片再開黎睇...

呢次條片既主角更加後生，雖然同阿熙唔似樣，但係果種氣質就有啲相似...

唔...

今次我索性連件hall tee都除埋，然後走去確認自己有鎖好門，之後就瞓咗響張床度忘形咁自慰起黎...

我幻想住自己嬌嫩既身體，就好似片入面既女主角咁，比男主角用舌頭舔勻全身，胸部、乳頭、肚腩仔，甚至係大脾內側、小腿去到腳趾，全部都沾滿阿熙既口水...

好溫暖啊...啲口水搞到我成身都痴立立咁...好淫...好有野性既感覺...

片入面既男主角去揸女主角個胸時我又自己用力去揸自己既胸，腦入面幻想我果雙自摸自揸既手既係屬於阿熙既...

當片入面既男主角拿起自己既陰莖對準女主角既陰道既時候，我隻手指都好自然咁放咗落我既陰唇上面，輕輕咁磨擦...

「唔...」我另一隻手輕輕咁掩住自己既咀仔，等自己可以遮住自己既呻吟聲...始終雖然今晚係星期六，但都有少量既學生同埋啲exchange仲會響hall過夜...

我既手指隨住片入面既男主角進進出出...

雖然手指既粗度唔可以同男仔果度相比係幼好多，但呢隻係我自己既手指黎，我當然知道捽邊度可以令自己帶黎快感...

「唔...唔...」好爽...我腦海入面真係同阿熙做緊...仲做得好激烈...

今次...我終於可以同片入面既女主角一齊高潮...

高潮過後，我攤咗響床上面享受緊高潮既餘韻...將自己隻右手放響自己既眼前...

好濕...而且手指之間好似有幾條絲咁連埋一齊咁...

我將幾隻手指放入口...

唔...

有種好甜既感覺...

唔知阿熙見到我而家呢個全裸瞓起張床上面喘氣啜手指咁淫既樣，會唔會比我誘惑到呢？

不過...就算點都好...我係未放棄住架...我會一直響阿熙身邊...然後等佢有朝一日會同佢而家既女朋友分手...再次恃機出擊...

（待續）

芯芯呢啲女真係好煩西，死唔斷氣，呢篇明明係甜但睇到少少辛苦不過既然呢個係大麻熙後宮故，都明要咁寫去突出大麻熙吸引力

葉開巴想問點入到訂閱讀者tg grp之前買咗tier 3但係冇條link tg dm咗你無覆

認同
最癲嘅係其實佢哋兩個又唔係經歷咗啲咩
講真除咗樣，都唔知芯芯鍾意熙哥乜

Push

似乎係愛上咗自己想像中嘅熙熙，再套返落阿熙個人到。
條女會有無限解釋能力，去推搪/否定一切令佢放手嘅理由
身邊仲有條傻鳩朋友叫佢等，會更加倔強咁煩住人。

呢啲女唔屌好過屌實手尾長