我和鄰居大姐姐的故事（23）
葉開葉開
1001 回覆
321 Like
7 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
Push
打俾Kate
hr部門唔係仲有人咩？
Push
推推推推推推
推推推推
Push
推綠茶巴
推山區巴
May姐放假，HR作反，走晒~
七百二十三
「點算啊？」哎呀妳咪再問喇，好撚煩啊。
我走過去是撚旦搵咗個位坐低，然後閉目沉思…
「點算啊？點算啊？」
唉屌，我終於忍無可忍，大聲屌撚柒Winnie︰「妳可唔可以咪撚嘈？我而家咪諗緊方法囉！一係妳自己諗飽佢嘞！屌！」
Winnie比我咁樣一喝即刻收撚咗皮。
應該係環境使然，換轉係平時響職場佢點可能忍受我咁撚樣寸佢？
…
我突然諗起一個人。
一個業餘偵探。
偵探應該可以潛到入黎呢度，再開鎖啩？
雖然又要麻煩遙遙，但呢一刻我除咗諗到搵佢幫手，我實在諗唔到第二個方法。
我即刻由褲袋入面拎出個手提電話，然後打比佢。
「你…你打比邊個？」Winnie問。
「一個朋友，佢識開鎖，我想搵佢黎幫手睇下有冇得搞。」
呢個係唯一希望…
「喂…點啊？咁好死呢個時候打黎？」遙遙一接電話就係果種俏皮既語氣。
同埋佢係咪都估到我無事不登三寶殿？
「係啊，唔好意思，我有啲急事想搵妳幫手。」
「哎呀，仲諗住你係咪打黎約我食飯添，都知你冇咁好死架喇…但我講明先，我而家入咗學堂，個人就出唔到黎幫你架喇，其他嘢就儘量幫喇。」
「咩學堂啊？」
「我考到警察督察啊。」
大家唔好屌鳩遙遙住，而家呢個時間仲係2013年，果陣都仲會有正常人考督察既，而遙遙響學堂畢業之後就發生咗一連串事件，令到佢出返黎冇幾耐就對呢個部門好失望再辭職，自己開咗偵探社。
「唉，咁仆街喇。」
「我咁難得做到督察你話我仆街？」遙遙響另一邊失笑道。
「我話我仆街啊。」
「講黎聽聽？」
「唉總之就碌柒喇。」我將件事講咗出黎。
「哈你個鹹濕仔，抵你死喇！掛住睇嘢吖嗱？」遙遙笑鳩我︰「記得同秋兒報定案，話你同埋個女同事孤男寡女共處一室成晚啊！」
「唉屌唔好笑鳩我住喇，我就係唔想留響度成晚啊，有冇計仔啊？」我趕住救命啊大姐。
「你呢度有冇啲鐵線之類既嘢啊？」遙遙問。
我問一問Winnie，結果佢響自己個座位上面拎咗個髮夾比我。
「髮夾得唔得啊？」我問。
「唔知架。」
「唉，試下喇。」乜都要試架喇屌。
死馬當活牛醫囉。
「你形容下個鎖比我聽喇。」遙遙道：「啊...你等等先，我去一個冇人聽到既地方再同你傾，唔好比人話一個警察教人爆門。」
於是我就真係響遙遙既遙距控制之下爆起鎖來。
原本其實我都冇乜抱有期望，但唔知係咪我有做賊天份定遙遙教得好，雖然都用咗一段時間，但估唔到最後真係成功開到鎖，最後遙遙仲教埋我點樣lock返道門，等我哋一陣出去之後可以鎖返道門，扮到乜事都冇發生過一樣。
「你爭我兩餐飯啊！」遙遙響電話另一端笑住講。
「好，好。妳出冊果陣call我喇。」
「你就出冊啊，你唔好拖到你同秋兒結婚果陣先請啊，到時我就直接塞報紙入利是封入面當你請我白食架喇！」
同秋兒姐姐結婚啊...諗起都覺得甜蜜，不過真係十劃都未有一撇啊...
「有排啊。」我哋條路仲有好長要行，好多困難要克服。
「哼，我係提你要早啲找數啫，唔講喇，仲有嘢做。」
「總之...唔該晒妳。」
「請食飯啊！」
我哋收咗線之後，我遞返個已經變晒型既髮夾比Winnie，道：「唔好意思，應該用唔返架喇。」
Winnie接過髮夾，道：「唔緊要...」然後感歎道：「你個朋友...好犀利，只係憑一個電話，咁都可以教到你成功開鎖...」
「係...佢真係好犀利，曾經幫過我好多...」
「女仔黎？」Winnie問得有啲奇怪。
「嗯。」
「哦...」
「咁我走先喇。」搞咗咁耐先返去，唔知劉經理會點屌柒我。
話說啱啱開緊鎖既時候其實都已經係咁有電話入，咁我開緊鎖唔得閒聽，同遙遙收咗線之後已經見到好幾個missed calls。
「你返去做嘢？」Winnie問。
我笑咗一下，道︰「妳咪明知顧問喇，我哋部門個死人劉仲煩過May姐，想收工走人都起碼要返去清埋小小嘢先…係咁喇。」
（待續）
「點算啊？」哎呀妳咪再問喇，好撚煩啊。
我走過去是撚旦搵咗個位坐低，然後閉目沉思…
「點算啊？點算啊？」
唉屌，我終於忍無可忍，大聲屌撚柒Winnie︰「妳可唔可以咪撚嘈？我而家咪諗緊方法囉！一係妳自己諗飽佢嘞！屌！」
Winnie比我咁樣一喝即刻收撚咗皮。
應該係環境使然，換轉係平時響職場佢點可能忍受我咁撚樣寸佢？
…
我突然諗起一個人。
一個業餘偵探。
偵探應該可以潛到入黎呢度，再開鎖啩？
雖然又要麻煩遙遙，但呢一刻我除咗諗到搵佢幫手，我實在諗唔到第二個方法。
我即刻由褲袋入面拎出個手提電話，然後打比佢。
「你…你打比邊個？」Winnie問。
「一個朋友，佢識開鎖，我想搵佢黎幫手睇下有冇得搞。」
呢個係唯一希望…
「喂…點啊？咁好死呢個時候打黎？」遙遙一接電話就係果種俏皮既語氣。
同埋佢係咪都估到我無事不登三寶殿？
「係啊，唔好意思，我有啲急事想搵妳幫手。」
「哎呀，仲諗住你係咪打黎約我食飯添，都知你冇咁好死架喇…但我講明先，我而家入咗學堂，個人就出唔到黎幫你架喇，其他嘢就儘量幫喇。」
「咩學堂啊？」
「我考到警察督察啊。」
大家唔好屌鳩遙遙住，而家呢個時間仲係2013年，果陣都仲會有正常人考督察既，而遙遙響學堂畢業之後就發生咗一連串事件，令到佢出返黎冇幾耐就對呢個部門好失望再辭職，自己開咗偵探社。
「唉，咁仆街喇。」
「我咁難得做到督察你話我仆街？」遙遙響另一邊失笑道。
「我話我仆街啊。」
「講黎聽聽？」
「唉總之就碌柒喇。」我將件事講咗出黎。
「哈你個鹹濕仔，抵你死喇！掛住睇嘢吖嗱？」遙遙笑鳩我︰「記得同秋兒報定案，話你同埋個女同事孤男寡女共處一室成晚啊！」
「唉屌唔好笑鳩我住喇，我就係唔想留響度成晚啊，有冇計仔啊？」我趕住救命啊大姐。
「你呢度有冇啲鐵線之類既嘢啊？」遙遙問。
我問一問Winnie，結果佢響自己個座位上面拎咗個髮夾比我。
「髮夾得唔得啊？」我問。
「唔知架。」
「唉，試下喇。」乜都要試架喇屌。
死馬當活牛醫囉。
「你形容下個鎖比我聽喇。」遙遙道：「啊...你等等先，我去一個冇人聽到既地方再同你傾，唔好比人話一個警察教人爆門。」
於是我就真係響遙遙既遙距控制之下爆起鎖來。
原本其實我都冇乜抱有期望，但唔知係咪我有做賊天份定遙遙教得好，雖然都用咗一段時間，但估唔到最後真係成功開到鎖，最後遙遙仲教埋我點樣lock返道門，等我哋一陣出去之後可以鎖返道門，扮到乜事都冇發生過一樣。
「你爭我兩餐飯啊！」遙遙響電話另一端笑住講。
「好，好。妳出冊果陣call我喇。」
「你就出冊啊，你唔好拖到你同秋兒結婚果陣先請啊，到時我就直接塞報紙入利是封入面當你請我白食架喇！」
同秋兒姐姐結婚啊...諗起都覺得甜蜜，不過真係十劃都未有一撇啊...
「有排啊。」我哋條路仲有好長要行，好多困難要克服。
「哼，我係提你要早啲找數啫，唔講喇，仲有嘢做。」
「總之...唔該晒妳。」
「請食飯啊！」
我哋收咗線之後，我遞返個已經變晒型既髮夾比Winnie，道：「唔好意思，應該用唔返架喇。」
Winnie接過髮夾，道：「唔緊要...」然後感歎道：「你個朋友...好犀利，只係憑一個電話，咁都可以教到你成功開鎖...」
「係...佢真係好犀利，曾經幫過我好多...」
「女仔黎？」Winnie問得有啲奇怪。
「嗯。」
「哦...」
「咁我走先喇。」搞咗咁耐先返去，唔知劉經理會點屌柒我。
話說啱啱開緊鎖既時候其實都已經係咁有電話入，咁我開緊鎖唔得閒聽，同遙遙收咗線之後已經見到好幾個missed calls。
「你返去做嘢？」Winnie問。
我笑咗一下，道︰「妳咪明知顧問喇，我哋部門個死人劉仲煩過May姐，想收工走人都起碼要返去清埋小小嘢先…係咁喇。」
（待續）
推爆你後面
推推推
山區巴，我要進來了
推威仔後面好喇
打落去大廈保安開鎖唔得咩
真
所以我唔get
所以我唔get
樓下保安邊會有租戶啲鎖匙？
七百二十四
其實搞咗咁耐都夜嘞，我返到Marketing果邊都係諗住打個招呼做埋小小手尾就收工走人，可能響附近食個飯就返歸，但估唔到我返到Marketing個辦公室，響門口輸入完電子密碼之後，竟然發覺開唔到門。
屌，我知點解嘞。
劉經理條仆街趕住收工，冇等我返去就鎖咗門走人。
本來我可以就咁收工返屋企都唔撚緊要，但問題係我銀包鎖匙都響晒自己個座位度，唔拎返佢哋我都返唔撚到屋企。
我又冇髮夾，再加上冇遙遙幫我我都唔知點開鎖，於是我幾唔願意都好，都唯有硬住頭皮打返個電話比劉經理，諗住叫佢開門，點知佢一接我既電話就鬧撚到我狗血淋頭，屌柒我做咩走咗都唔同佢講聲，又屌鳩我唔做晒啲嘢就收工走咗。
我有求於佢，我唯有好聲好氣咁同佢講話我冇走到，講咗個大話話自己去咗食飯，諗住食完就返去做啲嘢，點知發覺部門啲人走晒，開唔到門，想麻煩佢返黎開門比我拎返銀包鎖匙，如果唔係我連屋企都返唔到。
點知佢聽到之後好得戚咁同我講︰「你返唔到屋企關我咩事？我打咗幾次比你，諗住話你知我準備走人鎖門，係你自己唔聽電話啫，咁唔怪得我架喎？」
屌你吖，擺明玩嘢啫？
「係咁先喇，有啲咩聽日再傾。」劉經理條撚樣唔等我再講落去就cut鳩咗我線...
屌吖...
我再打比條撚樣，但條仆街直頭cut鳩我線唔撚聽我電話...
玩到咁盡...
雖然我啱啱先打完比遙遙，但都要硬住頭皮打多次，點知今次佢電話直頭唔通...
唔係佢響學堂發生咩事吓嘛？
唉屌我唯有搭𨋢走人先，一路行一路諗仲有咩人可以幫到我...
好撚彩既係我至少冇漏到部電話響office，如果唔係就真係仆街冚家剷喇...
我搭𨋢落到大廈既地下大堂，正當我諗緊應該打比邊個救命既時候，我見到Winnie企咗響大堂旁邊㩒緊電話...
其實我都唔駛再諗搵邊個幫手，搵Winnie咪得囉。
於是我走過去，拍下Winnie膊頭︰「喂。」
「啊！」Winnie嚇到大叫起黎。
睇黎Winnie應該係太專注㩒自己部手機，完全冇留意我行緊埋去，所以先會咁大反應。
「係我黎啊，唔駛咁驚下嘛？」我無奈地問。
「嘩，Andrew，你…你行路冇聲架？」Winnie拍住個心口問。
「係妳太專心玩電話啫。」我道。
「我搵緊有冇朋友陪我食飯啊。」Winnie回答道︰「係喎，你唔係話返去做陣嘢架咩？咁快就走既？」
「唉屌，講起就扯火嘞。」我嬲嬲地咁將啱啱件事講出黎。
「咁劉經理又真係幾衰喎…」
「簡直唔係人…」
「不過你自己都唔小心喇，銀包鎖匙呢啲隨身帶住吖嘛，你自己都有責任，唔怪得人架喎。」Winnie姐姐又寸寸貢咁教訓起我黎︰「呢啲嘢點可以亂放架，貴重物品黎架嘛。」
「Winnie姐姐…」我無奈地道︰「我問妳，妳係咪返到公司分分秒秒都會將銀包鎖匙袋響身上面吖？」
Winnie登時語塞，連忙改變話題道︰「咁你而家諗住點啊？」
「Winnie姐姐…可唔可以麻煩妳借住小小錢比我返屋企先呢？」我唔係幾好意思咁問。
我好似由細到大都未試過問人借錢，今次係第一次…
「唉，好喇，借比你喇。」Winnie無奈地道︰「要幾多啊？」
「廿蚊應該夠晒兼有找添架喇。」
「咁少？」Winnie問。
「咁我又唔駛過海…」
「你唔駛食飯咩？」
啊，呢個真係個好問題…
Winnie唔問猶自可，一問我個肚就好似想回答Winnie既問題咁，自己打起鼓上黎…
「哈哈，你個肚已經答咗我喇。」Winnie取笑我道。
「咁都冇計…唯有返到屋企是旦淥個杯麵食喇…」希望屋企仲有杯麵剩喇…
「一唔一齊食啊？」Winnie突然語速飛快地問。
「一齊食？」我驚聽唔清楚，所以重覆問多次。
「係啊。」Winnie答，語速依然係飛快，而且表情有啲唔自然。
「但我都冇錢。」
「我請你食啊。」Winnie越講越快，好似玩急口令咁。
「下？」快到我都聽唔清楚。
「我話請你食啊。」
（待續）
其實搞咗咁耐都夜嘞，我返到Marketing果邊都係諗住打個招呼做埋小小手尾就收工走人，可能響附近食個飯就返歸，但估唔到我返到Marketing個辦公室，響門口輸入完電子密碼之後，竟然發覺開唔到門。
屌，我知點解嘞。
劉經理條仆街趕住收工，冇等我返去就鎖咗門走人。
本來我可以就咁收工返屋企都唔撚緊要，但問題係我銀包鎖匙都響晒自己個座位度，唔拎返佢哋我都返唔撚到屋企。
我又冇髮夾，再加上冇遙遙幫我我都唔知點開鎖，於是我幾唔願意都好，都唯有硬住頭皮打返個電話比劉經理，諗住叫佢開門，點知佢一接我既電話就鬧撚到我狗血淋頭，屌柒我做咩走咗都唔同佢講聲，又屌鳩我唔做晒啲嘢就收工走咗。
我有求於佢，我唯有好聲好氣咁同佢講話我冇走到，講咗個大話話自己去咗食飯，諗住食完就返去做啲嘢，點知發覺部門啲人走晒，開唔到門，想麻煩佢返黎開門比我拎返銀包鎖匙，如果唔係我連屋企都返唔到。
點知佢聽到之後好得戚咁同我講︰「你返唔到屋企關我咩事？我打咗幾次比你，諗住話你知我準備走人鎖門，係你自己唔聽電話啫，咁唔怪得我架喎？」
屌你吖，擺明玩嘢啫？
「係咁先喇，有啲咩聽日再傾。」劉經理條撚樣唔等我再講落去就cut鳩咗我線...
屌吖...
我再打比條撚樣，但條仆街直頭cut鳩我線唔撚聽我電話...
玩到咁盡...
雖然我啱啱先打完比遙遙，但都要硬住頭皮打多次，點知今次佢電話直頭唔通...
唔係佢響學堂發生咩事吓嘛？
唉屌我唯有搭𨋢走人先，一路行一路諗仲有咩人可以幫到我...
好撚彩既係我至少冇漏到部電話響office，如果唔係就真係仆街冚家剷喇...
我搭𨋢落到大廈既地下大堂，正當我諗緊應該打比邊個救命既時候，我見到Winnie企咗響大堂旁邊㩒緊電話...
其實我都唔駛再諗搵邊個幫手，搵Winnie咪得囉。
於是我走過去，拍下Winnie膊頭︰「喂。」
「啊！」Winnie嚇到大叫起黎。
睇黎Winnie應該係太專注㩒自己部手機，完全冇留意我行緊埋去，所以先會咁大反應。
「係我黎啊，唔駛咁驚下嘛？」我無奈地問。
「嘩，Andrew，你…你行路冇聲架？」Winnie拍住個心口問。
「係妳太專心玩電話啫。」我道。
「我搵緊有冇朋友陪我食飯啊。」Winnie回答道︰「係喎，你唔係話返去做陣嘢架咩？咁快就走既？」
「唉屌，講起就扯火嘞。」我嬲嬲地咁將啱啱件事講出黎。
「咁劉經理又真係幾衰喎…」
「簡直唔係人…」
「不過你自己都唔小心喇，銀包鎖匙呢啲隨身帶住吖嘛，你自己都有責任，唔怪得人架喎。」Winnie姐姐又寸寸貢咁教訓起我黎︰「呢啲嘢點可以亂放架，貴重物品黎架嘛。」
「Winnie姐姐…」我無奈地道︰「我問妳，妳係咪返到公司分分秒秒都會將銀包鎖匙袋響身上面吖？」
Winnie登時語塞，連忙改變話題道︰「咁你而家諗住點啊？」
「Winnie姐姐…可唔可以麻煩妳借住小小錢比我返屋企先呢？」我唔係幾好意思咁問。
我好似由細到大都未試過問人借錢，今次係第一次…
「唉，好喇，借比你喇。」Winnie無奈地道︰「要幾多啊？」
「廿蚊應該夠晒兼有找添架喇。」
「咁少？」Winnie問。
「咁我又唔駛過海…」
「你唔駛食飯咩？」
啊，呢個真係個好問題…
Winnie唔問猶自可，一問我個肚就好似想回答Winnie既問題咁，自己打起鼓上黎…
「哈哈，你個肚已經答咗我喇。」Winnie取笑我道。
「咁都冇計…唯有返到屋企是旦淥個杯麵食喇…」希望屋企仲有杯麵剩喇…
「一唔一齊食啊？」Winnie突然語速飛快地問。
「一齊食？」我驚聽唔清楚，所以重覆問多次。
「係啊。」Winnie答，語速依然係飛快，而且表情有啲唔自然。
「但我都冇錢。」
「我請你食啊。」Winnie越講越快，好似玩急口令咁。
「下？」快到我都聽唔清楚。
「我話請你食啊。」
（待續）
由大廈保安call 人返黎開門