【基督教討論】我係教會傳道人，你問我盡答？！

好撚靚的

希臘憲法寫明希臘正教會係國家重一部份，2000幾年嚟一直係東正教國家，好正常啫

我以前叫有返教會 依家冇啦
其實我覺得依家教會入面個個好離地 好似你一有問題果陣淨係識講同樣嘅嘢嚟安慰你
同埋覺得個個係入面一個樣 出到去又第二個樣 勁虛偽
跟住又包容唔到人哋challenge聖經 當我覺得其他宗教冇問題嘅時候又好似用啲奇怪嘅眼光望我
所以冇返lu

其實我自己係咪先係有問題果個

因信稱義，係講緊亞伯蘭喎（創世記15:6）。亞伯蘭唔係新教異端喇掛？

想聽下你講「聖靈係由父經子而發」既聖經根據

為你感到好可惜。

睇返你既分享，似乎你返果間教會有好多規矩。唔知可唔可以用「律法主義」黎形容？做唔到自己，會唔會係因為要就教會既文化？

基督既信仰必須以神為中心，而唔係教會本身。聖經話經歷神果種喜樂滿足，唔知你有冇試過呢？

好似你一有問題果陣淨係識講同樣嘅嘢嚟安慰你
咁係因為你悲觀 我睇到講方言既好處

聽落呢幾樣唔似係你有問題。

扮晒野，係好容易中又非常危險既陷阱，耶穌都講左好多次。見到人扮野就知佢地唔係反映緊神。我都成日要問自己有冇呢個問題。

睇聖經係要問好多好多問題。
尤其係好似解唔通既位，好多時只係人解錯，放返落去當時既歷史文化背景，先會見到經文既意思。
聖經係神既說話同時都係造詣極高既文學，可以有好多層面去理解。
如果有聖經問題都好歡迎拎出黎討論下

咁都好啲
我同埋成日覺得依家好多教會都好似唔係好容不下討論咁 同埋一有問題挑戰就係咁話呢個係上帝嘅考驗 當我靠自己努力攞到某啲嘢就叫係咁叫我要感恩 呢樣野誒我其實唔係太ok

你指出左個問題出黎，的確大部分教會入面既人都唔睇聖經，講D好難駁到既野就當左係神既意思。咁係對神好大既褻瀆。（利申：試過）

邊有咁多考驗，儍的嗎
就算讀書都係讀完之後每科考試咋嘛。

感恩就冇得逼既，當睇到神既作為，自然就會架啦。講返轉頭，我都理解佢地點解會叫你感恩既（因為努力既機會都要神比先有）。

你們會被雅典的政客牽著走嗎?

咁係因為你悲觀 我睇到上帝考驗既好處

試下詳細D答先。

(1) 男女關係本質

當講到男女關係，耶穌引用創世記1:27, 2:24黎解釋：

馬可福音10:6-7
//6 但是從創世開始，神‘創造了他們，男和女’。
7 ‘為這緣故，男人將離開父母，與妻子親密相連，//

「親密相連」，原文係「痴實」。痴實既程度，係「二人成為一體」（創世記2:24）。

基督徒同非基督徒，可唔可以拍拖，結婚？
可以就可以，但係咁樣做唔做到係各方面互相痴實呢，就好難講。因為基督徒既價值觀係以神為中心，正如第一重要既誡命

申命記6:4-5
//4 “以色列啊，你要聽！耶和華我們的神——耶和華獨一無二；
5 你要全心、全意、全力愛耶和華你的神。//

諗既所有野都係愛神，成條命都攞出黎愛神，所以出得盡既野都用晒黎愛神。非基督徒，唔係咁樣諗咁好容易有衝突，例如佢可以見到基督徒為神做既野然後諗：「究竟我重要D定教會／外人重要D？」（未必get到件事同神既關係）
咁一係基督徒要降低對神既愛，一係男女痴唔實。

(2) 男女相處之道

基督徒（講緊真係照住聖經教導做果D）同非基督徒，睇配偶係有分別。聖經係咁教：

哥林多前書7:3-4
//3 丈夫對妻子要盡本分，妻子對丈夫也要如此。
4 妻子對自己的身體沒有主權，權在丈夫；同樣，丈夫對自己的身體也沒有主權，權在妻子。//

呢個係好對稱既教導，男對女同女對男都係一樣。都係以對方為先。社會既風氣唔係咁樣講。

基督徒同非基督徒可唔可以拍拖，結婚？
可以就可以，但係當其中一邊唔放低自己，就會有挑戰。難D咁啦。

掉返轉，如果本身拍拖，結婚，而其中一方成為基督徒(「蒙召」)，繼續就得：

哥林多前書7:20
//20 各人蒙召的時候怎樣，他就應該保持怎樣。//

(3) 理想男女關係

聖經用左一卷書去講男女愛情，就係雅歌書。入面講到每一樣野都同敬拜神有關。例如「唔好整醒愛」呢段副歌，就有兩個神既名既暗示（D動物）。我既理解，係愛情既每一方面都要有神先至完滿。

雅歌2:7
//7 耶路撒冷的眾女子啊，我指著羚羊或田野的母鹿懇請你們：不要激起、不要喚醒愛情，等它自己情願吧！//

講返神創造男、女，講到一個關係，係相配既幫助者：

創世記2:18
//18 耶和華神說：“亞當獨自一個不好，我要為他造個與他相配的幫助者。”//

「幫助者」呢個字，常常用係神果度，所以設計上男女應該互相助完成神既使命。

基督徒同非督徒可唔可以拍拖，結婚？
可以就可以，不過就好難一齊做神既使命。超級難。

"21我們的祖宗亞伯拉罕把他兒子以撒獻在壇上，豈不是因行為得稱義嗎？22可見信心是與他的行為相輔並行，而且信心是因著行為才得以成全的。23這正應驗了經上所說：「亞伯拉罕信了上帝，這就算他為義」；他又得稱為上帝的朋友。24這樣看來，人稱義是因著行為，不是單因著信。"雅各書 2:21-24

"26但我要從父那裏差保惠師來，就是從父出來的那真理的靈，他來的時候要為我作見證。"約翰福音15:26

可唔可以講下東正教係香港既情況？

“東正教” 對我來說只係西史課本同埋網上文章中既名詞！我連香港邊度有東正教都唔知。

如果怕騎劫左樓主個post, 你不妨另開新post討論，然後呢度貼條link?

好似講到你自己試過咁喎

就系呢句睇左都唔知有咩大分別既句子 (經子/和子)，成為當初東西教會大分裂既最後一根稻草嗎 ? 值唔值得呀?
(見到有個希臘教會既巴打在此, 有感而發)

唔會，我哋跟聖山亞索斯山上面啲修士，佢哋比任何牧首總理都更接近上帝

請解釋三位一體

叉開話題: 華人正教徒, 用甚麼聖經版本的? 一樣係和合本? 合用嗎? 定係有自己既譯本?

我喺英國先做東正教徒，唔知香港情況

我係東正教徒，你問我答
- 分享自 LIHKG 討論區
https://lih.kg/3624934

開咗喇，入嚟隨便問

依樣只係其中一個原因，仲有好多政治原因，好多嘢都源自西羅馬帝國滅亡，你可以用嚟對比下東羅馬帝國下嘅東方教會

關9事
分裂係文化政治導致
現實社會冇咁多人喺度雕花睇經的
影響宗教既永遠係政治政治政治

暫時冇，和合本同思高本都得，但始終舊約有幾卷書佢哋都冇放入去，而且翻譯上都有神學觀念分歧，至可以期望早日有現代白話文嘅正教聖經譯本。

點解我特指現代白話文，因為聖固鿠乙用文言文譯咗新約同聖詠集(詩篇)